RSS

الأحد، 18 مايو 2008

فرنسا حبيبتى








السلام عليكم ورحمه الله وبركاته

أنا لما بحب بحب بكل ما فيه

بقلبى وروحى وعقلى وحتى الدمع فى عنيه

وحبيتك يا بنت الناس بكل صدق الاحساس

ولقيتك اعزواغلى ما ليه فى المدونه ديه

والله ما عارفه اقول ايه دماغى مشتته حاسه انى مش ظبوطه

ممكن اكون عاطفيه زياده عن اللازم

ممكن اكون بتعلق بالناس بسرعه وبحبهم بسرعه اكتر من اللازم

ممكن اكون مش طبيعيه لانى بنهار لما اى حد بحبه بيغيب عنى

الله اعلم

بس الحاجه الوحيده اللى اعرفها انى بجد بحب فرنسا جدا من اول مرة دخلت عن طريق صديق عزيز هو اللى عرفنى على العالم ده الاول كان النت زهق وملل

واول مرة ادخل عالم المدنون لقيت صورة عبله كامل شدتنى الصورة قولت ادخل اشوف ايه جوا .

لقيت موضوع عن واحده اسمها ام دبوه وعن صفيحه الزباله اللى مصممه تخليها بره الشقه وضحكت جدا طول ما انا بقرى البوست والاخر افأجى بان اللى بتكتب البوست بتقول انها قعدت تكتبه اكتر من 5 ساعات لانها لبسه قميص جبس وممنوعه من الحركه الجامده .

من اول مرة حسيت قد ايه الانسانه دى بجد عظيمه وجامده وبتقدر تصبر على المتاعب وحسيت انها حته منى لانى حصلى تقريبا نفس الحادثه بتاعتها بس انا وقت الحادثه كرهت نفسى وكنت بتمنى الموت انما هى قاعده بتكلم اصحابها وبتضحك وبتكون سبب فى ضحكهم وممكن تكون هى بين ضحكها بتبكى من الالم .

فاكرة يا فرنسا لما علقت عندك على موضوع الدكاتره الفاشله وقولت ليكى الدكتور عايز يعيد العمليه تانى علشان نفسيتى ترتاح رغم انه عارف ان العمليه كلها غلط وقولت ليكى بفكر اعمل لضهرى سوسته علشان يبقى سهل الفتح لو حب يغير حاجه تانى ؟؟

فرنسا انا من اول ما دخلت هنا وانا بحبك وكنت كل يوم اول حاجه اعملها لما ارجع من الشغل انى افتح مدونتك واشوفك كاتبه ايه ولما كنتى بتتاخرى فى البوست شويه كنت والله بدخل على المدونين التانيين ادور على تعليقك واقراه .

تخيلى واحده اتعلقت بيكى كده وبتحبك كل الحب ده مش تستاهل منك انك تطمنيها عليكى ولو بكلمه واحده ؟؟؟

والله يا فرنسا ما طالبه الا كلمه انك بخير واتمنى من الله ان يكون بعدك عننا مش يكون بسبب قهرى .

استودعتك الله الذى لا تضيع ودائعه .

امنيه وحيده اتمنى من الله ان يحققها ليه(انك تكونى اول تعليق على البوست ده يا فرنسا)

30 التعليقات:

أبو خالد يقول...

أنا ايضا زعلان منها
فهى تركتنا بلا سبب
و مثلك ايضا تمنيت أن تكون أول تعليق
ربنا يرجعها لنا بالسلامة
يمكن ذهبت للعمرة يمكن

قوس قزح يقول...

ماهو لو الواحد يعرف بس هى تقصد ايه وليه كنا نطمن
لكن ان حد كده يختفى بدون اى سبب و يقول كلمة سامحونى .. حاجة تجنن
و خصوصا فرنسا اللى ب100 رجل
انا خايفة عليها
اخر كام بوست ممكن يكون سبب فى مشاكل لها
ربنا يستر

همس الاحباب يقول...

لعل المانع خير
وربنا يطمنا عليها
وشكرا ليكى ولفتتك الجميلة
ويارب نطمئن عليها
احنا كلنا بنحبها وبنقدرها كاخت لينا
تحياتى
خالد

عاشــــــ النقاب ـقــــة"نونو" يقول...

الحمد لله رجعت بالسلامة ولعلك عرفتي
روحي مدونتها
ربنا يديم الحب بينا يارب
تحياتي

حنين القلب يقول...

ابو خالد
اى العزيز ابو خالد هى الحمد لله نورت الدنيا وربنا يعلم لهفتنا وخوفنا عليها كان عامل ازاى
ربنا يجعلها دايما وسطينا ولا يحرمنا منك ابدا يا فرنستى
سلام

حنين القلب يقول...

rainbow
الحمد لله اديها رجعت واللى فى دماغنا كلنا طلع غلط
ربنا ما يحرمنا منها تانى ابدا ولا يدخل جسمها المرض ابداااااااااااا
ويتم شفاها على خير
سلام

حنين القلب يقول...

همس الاحباب
الحمد لله يا خالد اطمنا عليها اخير
وبعدين احنا اكتر من الاخوات واحنا كلنا كنا فعلا قلقانين عليها
ربنا يتم شفاها ويجعله فى ميزان حسانتها.
سلام

حنين القلب يقول...

nonoymm
الحمد لله انها رجعت بالسلامه
ربنا يطمنا عليها دايما
وعرفت انها رجعت يوم ما رجعت
الحمد لله انها جت على قد كده.
سلام

almasry يقول...

احنا هنمشى فى الشارع نقول فرنـــــــــسا .. فرنســـا لحد ماساركوزى (رئيس فرنسا) هيهيص ويدعى للمدونات وبلوج سبوت وممكن يعملهم دعم


وكلمه أخيره .. عودى ياهميس لالالا عودى يافرنسا


نتمنى الزياره

تحيـــــــــاتى
المصـــــــــــرى

حنين القلب يقول...

almasry
انت بتقول فيه يا مصرى والله كان عندى استعداد انزل وادور عليها لانى بجد بحبها
ربنا يتمم شفاها على خير
واكيد هزورك يا مصرى معلش انا بس اليومين اللى فاتوا كنت مشغوله شويه.
ان شاء الله دلوقتى علطول هدخل عندك بس عايزة عشاء محترم ونسكافيه فرنسا حرمتنا من النسكافيه بتاعنا مااااااااااااشى
سلام

صاحب المضيفة يقول...

ربان يقومها بلسلامة ويشفيها يارب ويعافيها


امييييييييييييييين


تحياتي وشكرا لمشاعرك الرقيقة

حنين القلب يقول...

صاحب المضيفه
اولا نورت مدونتى البسيطه
ثانيا ربنا يتمم شفاها على خير ويجعله فى ميزان حسنتها
ثالثا والاهم مش فيه بينا شكر المفروض اننا اخوات وكفايه اوى اننا نطمن على بعض لانى بجد بحس اننا بنحب بعض بجد حتى لو كنا مش شوفنا بعض بس لقاء الروح افضل من لقاء الجسد اكيد لما بتتعرف على واحد وتبقوا اصحاب شىء طبيعى انك تحبه انما الارقى لما تحب واحد ولا عرفته ولا شوفته
تحب روحه من خلال طريقه كلامه
ولا انت شايف ايه؟؟
سلام

عروسة ننوسة يقول...

ما اجمل الصداقة ....والاجمل وفاءك للصديق...بشكرك على لفتتك الرقيقة

حنين القلب يقول...

gannah
اجمل شىء فى الدنيا الصداقه
انك تلاقى حد يحبك وتحبيه بدون اى مصلحه ولا رياء
عارفه يا جنه بجد الحب اجمل شىء فى دنيتنا بس احنا بقينا مش عارفين حب بعض
المصلحه والغش بقى فى كل تصرفتنا وظروف العيشه الصعبه بس برضه الخير جوانا لازم ندور عليه ونحاول نطلعه
نورتينى يا جنه واتمنى انك تنورينى دايما
وانا لازم اكون وافيه لفرنسا دى حبيبتى ربنا يشفيها ويجعل كل الم تحس بيه فى ميزان حسانتها
سلام

Empress appy يقول...

هى رجعت خلاص دى مش تقدر تستغنى عننا ولا نستغنى عنها
وبعدين مبروك انكم اختم حقكم فى الشغل

المـــفـــــــقــــــــوعـــــة مــرارتـهــا يقول...

لو كنتي روحتي حفلة توقيع الكتاب كنتي هاتعرفي قد أيه المدونات قربتنا من ناس رائعة .... انا لحد دلوقتي بأحلم بيهم وانا نايمة وبحاول اتذكر الوشوش اللي كانت كتيرة أوي بس كلهم حاسة إني شفتهم قبل كدة .. مش عارفة فين ؟
منتهي الأحترام ناس تحسي أنها ناس تقيلة ... شخصيات عبقرية
أومال بقي لو كنا شفنا فرنسا اللي هي فرنسا يعني
ربنا يرجعها لنا بالسلامة

أنفاس الصباح يقول...

الحمد لله اطمئنينا عليها وربنا يتم شفاها على خير ويجعله فى ميزان حسناتها.

حنين القلب يقول...

appy
الحمد لله ربنا يتم شفاها على خير
الله يبارك فيكى ومبروك مرة تانيه على الخطوبه السعيده وعقبال ما نبارك ليكى على الزواج
سلام

حنين القلب يقول...

المفقوعه مرارتها
بجد كان نفسى اكون معاكو بس فاتيما ربنا يكرمها شرحت التوقيع بالتفصيل زى نكون معاكو
بجد نفسى المرة الجايه اتعرف عليكو بجد لانى بحبكم واتمنى طبعا اشوف حبيبه قلبى فرنسا والرايق وابو خالد وسووو وابى وكل المدونين
ربنا ما يفرقنا ابدا ويديم علينا المحب.
سلام

حنين القلب يقول...

ايمان العزب
الحمد لله رجعت بالف سلامه
اسئل الله العظيم رب العرش العظيم ان يتم شفائها ويجعل كل الم تحس بيه فى ميزان حسانتها
اللهم امين
نورتينى والله
سلام

رفقة عمر يقول...

عارفه انا كمان زيك بارتبط بالناس والاشياء وافتقدهم جدا
مابالك فرنسا بجد بحبها جدا
ربنا يشفيها ويعافيها ويرجعها لنا تانى بالسلامه اللهم امين

حنين القلب يقول...

رفقه عمر
ربنا يديم عليكى ودك وارتباطك بالناس
وطبعا فرنسا دى حاجه تانيه خااااااالص
ربنا يشفيها ويعافيها اللهم امين
نورتينى
سلام

كوارث يقول...

ربنا يفك كربتها ويجازيكي خير على احساسك النبيل
عودي يا فرنسا ..
ان شاء الله ترجع بالسلامه

(احمد سكر ) يقول...

بجد

انت حد جميل اوى

بجد كنت بقرا كلامك عند فرنسا

وكانت عينى بتددمع
انتى فعلا

انسانه جديره بكل احترام

تحياتى

اخيكى اللى يتمنى صداقتك

احمد سكر

حنين القلب يقول...

كوارث
يا رب يفك كربتها
ويرجعها لينا بالف سلام
لانها وحشتنا كلنا بجد
نورتنى
الا قولى ليه مسمى مدونتك كوارث
سلام

حنين القلب يقول...

احمد سكر
كلكم هنا بجد ناس جميله وبحس ان انتم اهلى بجد انا صحيح اعتبر مليش حد يخاف عليه ولا يزعل عليه لو مت او حصلى حاجه بس بجد والله بعتبركو كلكم اهلى بجد لو على الزوج شهر واتنين وهينسى والاهل هينسوايمكن لو كان عندى طفل اكيد هو اللى كان يفتكرنى ربنا يرزق. انما الاصدقاء اللى زيكو مستحيل ينسوا بعض واتمنى انى اكون منكم
وهو انا اطول ا ن احمد سكر ذات نفسه يبقى صديق ليه ده شىء يشرفنى يا باشا
وحمد الله على السلامه
ونورت مدونتى وهروح ازورك دلوقتى اهه
سلالالالالالالام يا سكر

Doba يقول...

إحنا هنتقابل يوم الجمعة الجاية فى نادى المهندسين الزراعيين الساعة 10 الصبح والاجتماع نسائى فقط لو تقدرى تيجى هيبقى شىء حلو قوى

لو عاوزة تفاصيل اكتر ابقى قوليلى
اتمنى اشوفك
هبة

فرنسا هانم يقول...

حنين حبيبتى
انا عديت على ناس كتير بحبهم
وكنت بسجل حضورى واسلم وامشى
لقيت تدوينتك
وكنت قريت تعليقك انك مش هتنزلى تدوينه جديده الا لما ارجع
انا رجعت يا غاليه
وارتميت فى حضنك كمان
يلا نزلى الجديد وانا هاعود ليكى تانى

حنين القلب يقول...

doba
نفسى مرة واحده تتقابلوا فى اسكندريه خصوصا اننا فى الصيف وهعزمكو كلكم يا هوبا ستات ورجاله علشان تعرفى تجيبى البيه جوزك ويوسف كمان
والله بجد كان نفسى اشوفك واتعرف عليكى وعليكو كلكم
بس اوعدينى ان يكون الاجتماع الجاى جوا اسكندريه والكل يجى كمان ماشى
وانتى فى الاستخبث كده هعزمك على اكله سمك محصلتش بس متقوليش لحد
ملحوظه صغنونه
اول ما احمل الهوت ميل هضيفك واكلمك عايزين نبقى اصدقاء بجد اوك
سلام يا دوبا وبوسيلى يوسف

حنين القلب يقول...

فرنسا هانم
والله بجد متتصوريش فرحتى لما دخلت مدونتك ولقيتك والله قعدت اتنطتط زى العيال الصغيرين وزى ما اكون لقيت كنز على بابا.
بجد وحشتينى
وطبعا فكرتك تانى بالدخول عندى لانى بدخل مدونتك قبل ما ادخل مدونتى بس انتى سبقتينى
ربنا يجعلك دايما سباقه بالخير
وباكد عليكى تانى يا فرنسا فتح الظهر مش سهل اسئلينى انا بلاش تتعبى نفسك
ولو انتى مليانه شويه زيى كده لازم تخسى ماشى خليكى 210 ك بس علشان الوزن بياثر على الظهر ماشى
وان شاء الله البوست الجاى قريب بس اظن هيكون بعد يوم الجمعه لانى رايحه الملاهى
هييييييييييييييييييييييييييه
اصلى بحبها اوى ومش هفكر فى ضهرى التعبان هو احنا هنعيش كام مرة (تيجى معانا فى السر كده ومش تقولى لاخوكى ولا لاى حد عندك؟؟)اطمنى مش هتعبك هركبك الاعصار والقطر المجنون وكام لعبه عاديه كده
اييييييه الرغى ده كله كفايه بقى مع انى والله عايزة اتكلم معاكى كتير بس كفايه علشان مش تتعبنى
لا اله الا الله
سلام يا حبيبتى