RSS

الجمعة، 13 يونيو 2008

قلبى ينزف

السلام عليكم ورحمه الله وبركاته اخوانى واخواتى المدونين يا رب تكنوا كلكم فى احسن حال انا مخنوقه جدا يمكن اكون مش عارفه السبب ويمكن عارفاه وبستعبط يمكن الشغل يمكن البيت يمكن الدنيا كلها بس ما هيه دى حياتى ايه اللى خانقنى دلوقتى منها كده من اول ما اتجوزت يمكن وحشنى ؟؟ لا مش يمكن هو فعلا وحشنى .. وحشنى لدرجه انى حاسه انه عايش معايا شايفاه وحساه وساعات والله بسمعه كمان ساعات بتمنى اضمه اوى علشان اتاكد انه معايا وابكى وامسح دموعى واقول اكيد هو حاسس بيه واكيد ربنا هيكرمنى بيه وحشتنى اوى اسمع كلمه اى ست بتتمناها ماما وحشنى احس بيه جوايا والمسه بقلبى قبل ايدى وحشنى اوى اشوفه وهو بيضحك وبيبكى وبيحبى وبيكبر ادامى طبعا الحمد لله على كل شىء واللهم لا اعتراض انا بس بقول انه وحشنى اوى وخايفه اوى لحسن مش اشوفه انا اسفه لو كلامى هيضايق حد بس ده احساسى اللى عايشه فيه ليل ونهار . عارفين لما بشوف نونو فى اى مكان بسرح وبتمنى يكون ابنى انا وممكن ابوسه اقعد العب معاه وانسى خالص اى حاجه تانيه والاخر القيه بيعد عنى افوق وافتكر انه مش ابنى وانى لسه ربنا مش كرمنى هو صحيح اتاخر شويه بس انا عندى يقين من ربنا ان ربنا هيكرمنى بيه ان شاء الله وهربيه واشوفه وهو بيكبر ادامى وهفرح بيه واحساس الحرمان الفظيع ده يمشى بقى لانى مليت منه . معلش انى بحكى عن حياتى الخاصه بس حسيت انى عايزة افضفض ومش لقيت احسن منكو افضفض معاهم . كفايه نكد بقى لحسن انا عارفه نفسى نكديه اوى السلام عليكم ورحمه الله وبركاته

61 التعليقات:

همس الاحباب يقول...

يااااااااه
هونى على نفسك يا اختااااااه
فكل شىء بيد الله
وسوف يرزقك الله خيرا ويجعل لكى ذرية صالحة وبكرة تزهقى وتشدى فى شعرك منهم ومن زنهم واكثرى من الاستغفار والتوبة والدعاء
ولا تقنتى من رحمة الله
ونحن سعداء بكى وبتلك الفضفضة
تحياتى وتقديرى

همس الاحباب يقول...

حضرتك من اسكندرية مش كده
انا نفسى اساعدك باى شكل بس مش عارف
كان ليه اخ بيمر بنفس الظروف بس الحمد لله ربنا اكرمه وايجيله نونو الايام القادمة لو محتاجة دكتور كويس انا تحت امرك ممكن تبعتيلى على الايميل وانا تحت امرك اديكى عنوانه وارقام تليفونهkh_cyc2006@hotmail.com
تحياتى وتقديرى

حنين القلب يقول...

همس الاحباب
ونعما بالله طبعا كل شىء بيد الله
والحمد لله على كل شىء
وانا عندى امل فى ربنا كبير انه هيكرمنى
وازهق واشد فى شعرى ماشى يا عم بس اجيب نونو واجوزه همس علشان نبقى اهل ههههههههههههههههههههه
وانا ارتحت والله بعد ما فضفضت
والف شكر ليك يا خالد

حنين القلب يقول...

همس الاحباب
بجد متشكرة جدا يا خالد على احساسك بيه ووقفتك جانبى
انا فعلا من اسكندريه
انا ايميلى
fifi_love20072000@yahoo.com
علشان انا ياهو ومش بيضيف هوت ميل
ابعت ليه اسمه ورقمه انا فاتحه الاميل دلوقتى معلش هتعبك معايا.
وشكرا اوى على مساعدتك ليه
سلام يا ابو همس

(احمد سكر ) يقول...

صديقتى الرقيقه

هونى عليكى

واعلمى ان كل شىء بيد الله

ربنا فرجه قريب

بكرا يستى يجيلك اولااد كتير

وتزهقى

بس ياواد

بس يابنت

ونتحايل عليكى يستى
تجوزينا بنوته لحودااا


تحياتى اختى الجميله

اخيكى
احمد سكر

عاشــــــ النقاب ـقــــة"نونو" يقول...

السلام عليكم
حبيبتي هوني على نفسك وقولي يارب

خدي بالاسباب وتاكدي ان الخير فيما اختاره الله
يسعدني اني اتواصل معاكي عبر الماسنجر
يعني ممكن اديكي شوية نصايح كدة على ما عندي من خبرة
nonoymm@yahoo.com
بوركتي حبيبتي

همس الاحباب يقول...

اختى العزيزة
انا متابع مع حضرتك
وايميلى برده kh_cyc2006@yahoo.com
ومافيش شكر بين الاخوات
وانتى اخت عزيزة
اتمنى من الله عزوجل لكى السعادة والصحة فى الدنيا والاخرة
دمتى بخير اختى العزيزة

حنين القلب يقول...

سكر
يا رب يا سكر
طبعا كل شىء بيد الله والحمد لله على كل حال
هو احنا نطول نناسب سكر باشا وحودا سكر ده يبقى بخت شهد طبعا
شكرا يا سكر على سؤالك واهتمامك
بجد ربنا ما يحرمنى منكم
سلام يا سنكرة

حنين القلب يقول...

nonoymm
وعليكم السلام
الحمد لله يا حبيبتى على كل حال
وطبعا لازم ناخد بالاسباب
وانا كمان يسعدنى اتواصل معاكى وهبعت ليكى دعوة اضافه واتمنى نكون اصحاب
سلام وشكرا على احساسك بيه

حنين القلب يقول...

همس الاحباب
بجد يا خالد شكرا والله
واكيد احنا اخوات وربنا يعلم
وانت فعلا نعم الاخ
سلام يا ابو همس

أبو خالد يقول...

أبنتى الغالية/حنين القلب
ربنا يبارك فى عمرك و يرزقك
ذرية صالحة تتقى الله
و من أب أنصحك ترديد دعاء سيدنا زكريا عليه السلام
" قَالَ رَبِّ إِنِّي وَهَنَ الْعَظْمُ مِنِّي وَاشْتَعَلَ الرَّأْسُ شَيْبًا وَلَمْ أَكُنْ بِدُعَائِكَ رَبِّ شَقِيًّا (4) وَإِنِّي خِفْتُ الْمَوَالِيَ مِنْ وَرَائِي وَكَانَتِ امْرَأَتِي عَاقِرًا فَهَبْ لِي مِنْ لَدُنْكَ وَلِيًّا (5) يَرِثُنِي وَيَرِثُ مِنْ آَلِ يَعْقُوبَ وَاجْعَلْهُ رَبِّ رَضِيًّا (6)سورة مريم
و كذلك
"هُنَالِكَ دَعَا زَكَرِيَّا رَبَّهُ قَالَ رَبِّ هَبْ لِي مِنْ لَدُنْكَ ذُرِّيَّةً طَيِّبَةً إِنَّكَ سَمِيعُ الدُّعَاءِ (38)سورة آل عمران

دمتى إنسانة نبيلة و صبرا جميلا و الله المستعان

صاحب المضيفة يقول...

ربنا يطعمك الذرية الضالحة عما قريب يارب ويبدل همك فرح وسررو وسعادة يارب

لا تحزني فإن مع العسر يسرا


تحياتي

حنين القلب يقول...

ابو خالد
دومت لى الاب الحنون والعقل الرزين
وان شاء الله هردد الدعاء والله المستعان
ودعائك انت كمان ليه
سلام يا بابا

حنين القلب يقول...

صاحب المضيفه
يا رب
انا ظنى فى الله خير وربنا بيقول انا عند ظن عبدى بى.
ولو ربنا مش ارد يبقى دى لحكمه لا يعلمها الا هو ويبقى ده الخير برضه ليه
والحمد لله على كل خير
شكرا على مرورك
سلام

قوس قزح يقول...

يا ستى بكرة ان شاء الله ربنا يرزقك و تيجى طفل و اتنين و تلاتة كمان
و نسمع صويتك من اسكندرية لهنا

على فكرة دلوقتى بقى طبيعى ان الحمل يتاخر عند ناس كتير بس الحمدلله بردو العلم بقى اوسع و احسن و ان شاء الله تكونى ام قريب

لو احتاجتى ايه معلومات عن ايه حاجة بخصوص الموضوع ده و تحبى انى اسألك عليها الايميل بتاعى اهو kouskoza7@hotmail.com

ربنا يرزقك ان شاء الله بالذرية الصالحة

حنين القلب يقول...

قوس قزح
ربنا يكرمك ويوفقك يا رب
ان شاء الله يكرمنى ومش مهم صوتى يروح ولو تعبت اوى هبقى اديكى واحد من الثلاثه تربيه ليه ولا مش هترضى ههههههههههههههه
انا اميلى عندك ضفينى انتى لان عندى مش عارفه ليه مش بيضيف الهوت ميل
شكرا يا حبيبتى على اهتمامك بيه
سلام

Empress appy يقول...

يا حبيبتى كل شئ بوقت صدقينى لو مش استنيتى الحاجه هتجيلك لوحدها اعملى اللى عليكى بس
وبعدين مستعجله على جنانك ليه بكرة تتجننى يا ستى

عبده الرايق يقول...

اختى العزيزه حنين القلب
طبعا مع البوست ده مينفعشى انى اهزر ولا اضحك خالص
لانك بجد ادمعتى عينى
وقلما تدمع عين الرايق
اختى اصبرى
فانا اعرف انا رزقهم الله بالولد بعد سنوات وسنوات
وانا هنا لااقصد الولد بالذات انما اقصد الخلفه عموما
ادعو الله ان يرزقك بالولد
ويكفينى هذا لانى تأثرت بجد

كلام على بلاطة يقول...

كل شىء بميعاد
الصبر
وربنا هيرزقك
امين

علم الهسس يقول...

رينا يرزقك بالذرية الصالحة

وتلاقى عيالك مالية عليك البيت
وماليه عليك حياتك

وحاولى أن تتعايشى مع هذا الألم

وتأخذى بالأسباب
لأنه قد تكون المشكلة بسيطة ولها حل
ولكننا لا نراها بصورتها الطبيعية

فحاولى أن تتابعى الموضوع مع دكتور كويس

وادعى بدعاء سيدنا زكريا

وان شاء الله خير
وتقبلى مرورى

همس الاحباب يقول...

اختى العزيزة
لعل المانع خير
ربنا يطمنا عليكى
وتكونى بخير وسعادة
تحياتى وتقديرى

نور الدين (محمد الجيزاوى) يقول...

سيدتى الفاضلة هذه زيارتى الاولى
وقد فوجئت بهذا البوست الذى اثار شجونى وعصف الالم بقلبى
واسال الله القدير الذى رزق ابراهيم باسماعيل بعد الياس ورزق زكريا بيحيي بعد الحزن
ورزق مريم بالمسيح
ورزق محمد صلى الله عليه وسلم بفاطمة
اساله تعالى ان يمن عليك بولد يكون قرة عين لك
وبنت بردو مش وحش
...
نور الدين محمود

همس الاحباب يقول...

الاحت العزيزة / حنين
طال غيابك لعل المانع خير يا اختى
ومفتقدين وجودك حقا
تحياتى وتقديرى

حنين القلب يقول...

appy
طبعا كل شىء بوقت وصدقينى خلاص مفيش حاجه بقت فارقه معايا واللى ربنا كاتبه ليه هشوفه ولازم ارضى بيه
سلام

حنين القلب يقول...

عبده الرايق
شكرا لاحساسك الصادق بى
والحمد لله على كل شىء
وربنا يرزق ولد بنت الا حاجه كل اللى يجيبه ربنا كويس
شكرا يا رايق بجد
سلام

حنين القلب يقول...

كلام على بلاطه
طبعا الصبر الاساس فى كل شىء
ويا رب يجعلنا من الصابرين
امين
سلام

حنين القلب يقول...

علم الهسس
يا رب يكرمنى بالذريه الصالحه
وان شاء الله هداوم على دعاء سيدنا زكريا
ونورتنى بجد
سلام

حنين القلب يقول...

همس الاحباب
بجد انا لو قعدت اشكرك سنه ادام مش هوفيك حقك كفايه انك حسيت بيه وبغيابى
والله يا خالد انت فعلا نعم الاخ .
وللاسف اللى مانعنى مش خير ابدا
والدى توفى ربنا يرحمه ويغفر ليه ويسامحه
وطبعا انا ولا قادرة اتكلم مع حد ولا ليه نفس اعمل اى شىء
بس دخلت اطمنك عليه
سلام

حنين القلب يقول...

nour eldin
يشرفنى انك زورتنى
واللهم استجب دعائك
ومالها البنت دنا هموت على بنت
سلام يا نور

حنين القلب يقول...

همس الاحباب
مش لاقيه كلام اقوله ليك غير ربنا يحفظك من كل سوء ويكرمك
بجد حسستنى ان ليه وجود
خالد انا حالتى النفسيه مش مظبوطه خالص حاسه ان اغلى حاجه فى حياتى راحت منى
لو عرفت اكلمك هاكلمك
سلام

همس الاحباب يقول...

ان لله وان اليه راجعون
البقاء لله
بصراحة مش عارف اقول ايه
غير ربنا يكون فى عونك
انا كنت حاسس انه فى حاجة منعاكى من الدخول
حمدلله على سلامتك
وربنا يغفر لوالدك ويرحمه ويسكنه فسيح جناته
اللهم نقه من خطاياه كما ينقى الثوب الابيض من الدنس
اللهم اغسله بالماء والثلج والبرد
اللهم اوسع مدخله
واغفر له ولاموات المسلمين جميعا
ولا حول ولا قوة الا بالله

مجرد خواطر يقول...

السلام عليكم
أولا البقاء لله وربنا يخلفك فى مصيبتك خيرا منها.
اما عن الولد الصالح ادعى ربنا كتير وخذى بالأسباب وان شاء الله ربنا يرزقك بما تقر به عينك بس لو جائت بنت انا باحجز من دلوقتى يا دوب محمد عنده سنه يبقى الفرق بينهم سنة وكام شهر بس ابقى افتكرى انى حاجزة هه اوعى تنسى

حنين القلب يقول...

همس الاحباب
البقاء لله وحده
اللهم امين
اللهم امين
يا رب يغفر ليه ويسامحه
ربنا يكرمك يا ابو همس ويبعد عنك كل شر
سلام يا خالد

حنين القلب يقول...

مجرد خواطر
البقاء لله وحده
اللهم هون عليه مصيبتى واخلف ليه خيرا منها امين يا رب
ماشى ان شاء الله شهد لمحمد هو احنا نطول نناسب ابو محمد بس علشان نكون على نور الشقه والعفش والفرش والمطبخ والاجهزة وهدوم العروسه عليكم وعلينا احنا الباقى بقى يلا خلى الحاجات التقيله علينا والحاجات الخفيفه عليكم احنا برضه بنشترى راجل
نورتنى بجد
سلام

فرنسا هانم يقول...

انا لله وانا اليه راجعون
البقاء لله اختى الحبيبه
ياريتنى كنت جنبك واضمك لصدرى
انا بكيت عندما سمعت الخبر
وجيت جرى لهنا
لااملك الا ان اقول
ربنا يخلفك فى مصيبتك خيرا منها
مش عارفه اقول حاجه تانى

مواطن مصرى نايم يقول...

انا لله وانا اليه راجعون
ربنا يغفر له يا رب
البقاء لله
و يصبرك ربنا ان شاء الله

Doba يقول...

البقاء لله وألهمك الله الصبر والسلوان
لا إله إلا الله

حنين القلب يقول...

فرنسا هانم
انا لله وانا اليه راجعون
الحمد لله على كل شىء ولله الامر من قبل ومن بعد
فرنسا والله تعبانه جدا بجد بس هعمل ايه .
رغم انى كنت زعلانه منك اوى لانك نستينى وبطلتى تسئلى عليه بس كده خلاص.
ربنا يخليكى ليه
سلام ويا رب اشوفك احسن الناس

حنين القلب يقول...

مواطن مصرى نايم
يا رب يغفرله ويسامحه ويجعل مثواه الجنه
الف شكر على التعزيه
سلام

حنين القلب يقول...

doba
ربنا يرحمه ويعفو عنه
بس انا عندى سؤال
انا قررت اختم ليه القراءن هل يا ترى ربنا يتقبله فى اعماله هو ولا القراءن ده زى ما سمعت نزل على سيدنا محمد وعلى الاحياء بس انما اللى توفى انقطعت اعماله خلاص؟؟
ارجو الاجابه على سؤالى
والف شكر يا هبه وربنا يحفظك
سلام

موناليزا يقول...

طالما انكى واثقة فى كرم الله ورحمته تاكدى بانه لن يخذلك ابدا فالله رحيم بعباده ومجيب الدعاء
===================
لله ما اخذ ولله ما اعطى وكل شئ عنده بمقدار
البقاء لله ورزقكم الله الصبر والسلوان

حنين القلب يقول...

موناليزا
انا عندى يقين من الله انه هيكرمنى ان شاء الله ولو مش حصل يبقى اكيد ده الاحسن ليه.
البقاء لله واحده
شكرا يا حبيبتى على التعزيه
سلام

Asmaa mahaba يقول...

البقاء لله
تحياتى ليكى سومه_87

rovy يقول...

السلام عليكم
اسفه ان اول زياره لى بمدونتك تكون علشان اعزيكى بس سامحينى ما كنش ممكن اعرف ان اخت من التدوين بتمر بظرف مؤلم و وفاة اعز انسان لاى فتاه و معزكيش او امر اواسيكى من فضلك تقبلى مرورى و لله الامر من قبل و من بعد .. اختى الكريمه البقاء لله ..
اللهم اجيرك فى مصيبتك و يخلف لكى خيرا منها ان شاء الرحمن انه لطيف خبير ..
قلبى معكى ولقد مررت بمثل هذه الظروف و لم ينقذنى سوى لجؤى للرحمن و قرأة القرأن الكريم اسأل الله ان يجعله لكى شفاء من كل الم و تفريج لكل هم و ان يلهمك الصبر و السلوان .
خالص عزائى و تقديرى
تحياتى
rovy

قوس قزح يقول...

البقاء لله

ربنا يرحمه و يغفر له و يدخله جناته ان شاء الله

Soooo يقول...

لله ما أخذ ولله ما اعطى
فاصبري واحتسبي

اللهم ارحمه برحمتك يا ارحم الراحمين
اللهم اغفر له كل ذنوبه بحق قرائته لكتابك الكريم وبحق صومه لوجهك الرحيم وبحق صلاته لك يا رب العالمين

اللهم الهم اهله الصبر
اللهم اجعل قبره روضة من رياض الجنه
اللهم اجمعنا به في جنة الفردوس الاعلى وفي صحبة سيدنا ونبينا محمد عليه افضل صلاة واتم تسليم

اللهم تقبل
اللهم امين

Doba يقول...

طبعا
طبعا
طبعا

تقدرى تقريله قرآن ودايما وبتقريه بنيه انه ليه وبتختميه ليه وهو اللى بياخد ثواب قرائته

وانتى بتاخدى ثواب مضاعف
أهم شى انه يكون له ولد صالح يدعو له

اقريله قرآن واعمليله صدقة جارية
وادعيله كتير من قلبك بالرحمة والمغفرة

وربنا يلهمك الصبر والسوان
والبقاء لله

حنين القلب يقول...

سومه...مجنونه فى بلد عاقل
البقاء لله وحده
شكرا على التعزيه
سلام

حنين القلب يقول...

rovy
وعليكم السلام ورحمه الله وبركاته
يا حبيبتى دى اراده ربنا
ونورتينى بجد وحاسه بكلامك اوى
يا رب الاحساس اللى احنا حسنا ربنا يجعله فى ميزان حسناتنا حتى لو البنت متجوزة وليها جوزها بس الاب بيكون سندها ادام الدنيا كلها
لله الامر من قبل ومن بعد
ربنا يعفو عنه ويغفر له ويجعل مثواه الجنه
الف شكر على التعزيه اللى من القلب دى
سلام

حنين القلب يقول...

قوس قزح
البقاء لله وحده
يا رب يدخله جناته ان شاء الله
شكرا على التعزيه
سلام

حنين القلب يقول...

soooo
البقاء لله وحده
اللهم امين
اللهم امين
اللهم تقبل منك دعائك
شكرا على التعزيه
سلام

حنين القلب يقول...

doba
والله يا هبه انا كنت عارفه كده بس جه شيخ فى احدى القنوات الفضائيه قال ان القراءن على الاحياء بس ونزل على سيدنا محمد علشان ينصح الاحياء مش الاموات
والله اعلم
بس انا مش سمعت الكلام ده وبرضه بختم ليه القراءن
وربنا يتقبله ويجعله نور ليه فى قبره
شكرا بجد يا هبه
بوسيلى يوسف
سلام

الطائر الحزين يقول...

اباءكم وابناءكم لا تدرون أيهم أقرب لكم نفعا

كل قدر الله خير
رزقك الله الذرية الصالحة
عليك ب
"رب لا تذرنى فردا والحقنى بالصاحين"

الـسـيـدة نـون يقول...

حنين ممكن تكلمينى على النمرة اللى انا حطاها على البلوج عندى


البقاء لله فى وفاة والدك
ربنا يدخله فسيح جناته


حنين ارجوكى اول ما تقدرى تتماسكى ارجوكى كلمينى

عايزاكى فى موضوع

اختك خيخة

غاوي حرية يقول...

السلام عليكم ... هوني عليكي يا فندم وحل المشكلة بسيط جدا جدا .. وهوانك تقربي جدا من ربنا وتجتهدي وتبتهلي في الدعاء وربنا هيكرم ان شاء الله ... اللهم ارزقها ذرية صالحة ولا تحرمها من الذرية يا رب العالمين .. اللهم آمييييييييين

حنين القلب يقول...
أزال المؤلف هذا التعليق.
حنين القلب يقول...

الطائر الحزين
رب لا تذرنى فردا وانت خير والوارثين
لله الامر من قبل ومن بعد
نورتنى بجد وبحييك على البوست بتاعك فى مدونه الضاحكون
سلام يا طائر

حنين القلب يقول...

بنت خيخه واى كلام
فيه ايه يا خوخه والله قلقتينى
البقاء لله لوحده
انا اتصلت بيكى اكتر من 12 مرة وانتى مش رديتى عليه ليه انا رقمى اخرة 235

طيب هتصل تانى ردى عليه ماشى
الف شكر على التعزيه
سلام

حنين القلب يقول...

غاوى حريه
عليكم السلام ورحمه الله وبركاته
ربنا يكرمنى بالذريه الصالحه يا رب
نورتنى بجد
سلام

زُمُرده يقول...

كلامك جميل جدا جدا
وربنا هيكرمك باذنه

وكل شيء في ميزان حسناتك
ربنا يصبرك ويفرحك دايما

مش عارفه اقول ايه بس احساسك حلو جدا جدا وصافي بشكل روعه

وبعدين تعالي هنا ما انت ممكن ربنا يكرمك بس يكون ابن مزعج ويتعبك
وربنا بيقولك اصبري تاخدي الخير كله
صح
ولا ايه؟؟

حنين القلب يقول...

زمرده
انتى اللى كلامك زى السكر
ويا رب يجعله فى ميزان حسناتى
والكلام ده عادى اومال كلامك انتى بقى يبقى ايييييييييييييه
وكلامك صح يا حبيبتى
سلام