RSS

الأربعاء، 2 يوليو 2008

أحساس غريب

السلام عليكم ورحمه الله وبركاته اخواتى واخوانى المدونين ازيكم كلكم والله وحشتونى جدا من اخر بوست كتبته وانا مش عارفه اكتب ايه وبصراحه وفاه والدى اثرت عليه اوى حسستنى انى مش عايزة اتكلم وساعات اتكلم واقعد اهزر مع اصحابى واول ما اكون لوحدى القى عينى غررت بالدموع وحسيت بالوحده تانى . بس اللى حصلى من اخر بوست كتابته انى حسيت بجد ان ليه وجود وفيه ناس حست بيه كتير وناس بعتت ليه اميلاتها تسئل عنى وتطمن عليه وناس تتصل بيه بجد انا بشكركم كلكم وطبعا اول واحد اقوله بجد شكرا خالد همس الاحباب لانه بجد اخ بمعنى الكلمه انسان اخلاق وادب بجد وبابا خالد وعاشقه النقاب وآبى وسكر وكل اللى سئلوا واطمنوا عليه . انما بجد كل ده شئ واللى حصل النهارده شئ تانى خالص حاجه هزتنى بجد والله انسانه جدعه واقل ما يقال عنها انها رمز للطيبه والحنيه والاحساس المرهف طبعا كلنا كده عرفنا مين ؟ دى خيخه واللى هى مش خيخه خالص بالعكس والله من مكالمه بسيطه بينى وبينها النهارده خففت عنى كتير وكفايه انها بكت لمجرد انها قرت بوست من واحده ولا تعرفها ولا شافتها بس حست انها مجروحه .والله حسيت فى صوتها بحبها ليه وخوفها عليه . ايه الشفافيه والنقاء والحب والحنان اللى فى المدونين دى؟ خيخه عايزة اقولك حاجه بجد انتى انسانه بمعنى الكلمه وانا والله كنت بحبك قبل ما اتكلم معاكى وحبيتك اكتر من بعد ما اتكلمت معاكى ربنا مش يحرمنى منكم كلكم ملحوظه صغننه يا جماعه اللى هينزل اسكندريه للمصيف يقولى وانا هعزمكم كلكم على جيلاتى وفيشار ودرة كمان ووجبه كامله من قدوره سمك وسبيط وجمبرى جامبو وكل اللى نفسكو فيه واطمنوا حساب الجيلاتى والفيشارو الدرة عليه والوجبه بس على ابو الكرم خالد همس الاحباب هو اللى قال كده وانا خليته يمضى على كلامه علشان لو فيه غسيل مواعين بعد الاكل يبقى عليك يا ابو همس ماااااااااااااااااشى....... السلام عليكم

59 التعليقات:

أبو خالد يقول...

أبنتي الحبيبة الغالية / حنين القلب
إنا لله و إنا اليه راجعون
أبنتي الفاضلة
يوم الخميس كنت مع خالد و كنا سنتكلم معك و أنشغلنا و مر الوقت بسرعة و أمسينا ليلا فلم أستطيع التحدث معك
و على العموم خيخة الغالية قامت بالواجب لأنها إنسانة جميلة
و فعلا يا حنين كل الناس في هذا العالم الأفتراضي و خاصة الناس الجميلة الذين
تعرفت عليهم زادونى شرف و ناس جميلة تتحب.
أبنتي الغالية /لي طلب بسيط و ممكن لو أحتجتى أي شئ أعتبريني و الدك و أطلبيه منى ..من فضلك أي شئ ..و الذي نفسي بيده أني أعتبرك أبنتي
دمتي أبنة غالية ..و البقاء و الدوام لله واحده

همس الاحباب يقول...

تانى تعليق وبعد ابو خالد كمان
ايه الهنا ده
مع انى لسه داخل النت حالا
الاقى كلام غريب من ناس غريبة
ايه اللى بيحصل ده مين خالد ده
انا ما اعرفوش وعازم مين مش عارف
انتى داخلة على طمع قوى
بس بجد مش خسارة فيكم والله
وانا مستعد طبعا لاى شىء .
انتى تقشرى واحنا ناكل يا ستى
ربنا يسعدك دائما ويوفقك
وربنا يديم المعروف يا ستى

همس الاحباب يقول...

وبعدين يا بنتى ما انا قولتلك البت خيخة بنت جدعة وكل الناس اللى تعرفيهم بسم الله ماشاء الله عليهم
المهم ايه الاخبار
ههههههههههه
طب فين الفشار والذرة
ولا اقولك خلى الفشار عليه
كده كده اجيبه يوم سبوع بنت اخويا
هههههه

الـسـيـدة نـون يقول...

جدعة ايه بس ونيلة ايه؟
يا حنين حرام عليكى
انتى كدة هتسوئى سمعتى الخيخية اللى قعدت سنين وشهور محتفظة بيها

انا مش عارفة اكتب ايه
هاكدب لو قلت انى مش مبسوطة
اكيد طبعا مبسوطة انك خدتى عنى انطباع حلو زى ده
بس ماكنش له لزوم ابدا انك تشرديلى كدة على الملأ
انا كدة كل اللى بنيته هيتهد

الناس تفتكر انى جدعة لا سمح الله
وتبتدى تتعشم فيا انى اقف جنبها
وهما اللى هيصعبوا عليا
اصل نأبهم هيطلع على شونة



يا حنين
قلتهالك النهاردة وهاقولهالك تانى
انا من ساعة ما دخلت عالم التدوين ده
وانا حاسة ان انتوا كلكم حتة منى
كلكم اخواتى بخاف عليكم
وببقى نفسى اسعدكم كلكم
ومش عايزة احس فى يوم ان حد منكم تعبان او مضايق

يمكن النهاردة كلامى معاكى سمعتيه كتير

كان فيه حاجة عايزة احكيلك عليها ومتأكدة ان هى دى اللى هتخليكى
تكونى راضية بنسبة مية فى المية
بس للاسف حاجة انا مش عايزة افتكرها ولا عايزة احكيها

لكن عايزة اقولك يا حنين
صدقينى
انتى احسن من ناس كتير اوى
واولهم البت خيخة

بس بقى كفاية كدة
ارحموا مناخيرى بقى
برابيرى هتخلص عليكم كدة


انتى قلتيلى عزمانا على إيه؟
فشار ودرة وايس كريم
امممممممممممممممممم
طب انا جاااااااااااااى


خدى بالك من نفسك يا حنين
ولو احتجتى حاجة
اى حاجة

ماتتصليش بيا
ابقى اتصلى بأبو خالد
نيهاهاهاهاهاهاهااهاهاهاع



سلام يا حتة سكرة
اختك خيخة

(احمد سكر ) يقول...

السلام عليكم

ازيك ياحنين

البقاء لله

متزعليش منى انى مقصر معاكى

النت والله عندى وحش جدا

ومش بعرف ادخل خالص

وبعدين هاانت كلها 20 يوم

ويبقى ليا خط لوحدى مش مع ناس

لان الناس اللى انا معاهم حريفة سرقة سرعه

المهم شدى حيلك

واياكم ترجعو ف كلامكم

انا هكون ف اسكندريه 2/8

هقعد 10 ايام

وهنشووووف

خلى بالك من نفسك

واعرفى اننا كلنا اسره واحده

ودا اللى انا حسيته والله فى البوست بتاعى

تحياتى

احمد سكر

Ehab يقول...

مش عارف اقولك ايه بصراحه
عايز الأول طبعا اعزيكي واقولك البقاء لله وحده ربنا يجعل صبرك في ميزان حسناتك وميزان حسناته على تربيته ليكي بالخير

اما عن خيخه بقى اول لما قلتي بنت جدعه قلت تلاقيها خيخه وفعلا طلع تخميني صح
هي انسانه جدعه وحساسه قوي هم الناس العصبيين والمتحمسين قوي تلاقيهم كده يتاثروا باي حاجه بسرعه ويحسوا بيكي قوي

ربنا يكرمك ويكرمها ويرزقكم الجنه
سلاااااااااااااااااام

صاحب المضيفة يقول...

أختي الكريمة

حنين القلب


رحم الله الوالد الكريم وأسكنه فسيح جناته يارب


ورقك الصبر والسلوان وأخلف عليكم بخير ما يخلف به على عباده الصالحين



تحياتي وتمنياتي بالسعادة الدائمة

حنين القلب يقول...

ابى العزيز \ابو خالد
انا لله وانا اليه راجعون
الحمد لله على كل شىء
ولا يهمك كأنك اتصلت والله يا بابا
والله وانا فعلا اتشرفت بيهم كلهم وفعلا كلهم ناس كويسين جدا وانا فخورة بيهم جدا وحبيتهم بجد والله.
بابا والله انتوا مليين عليه دنيتى وانا مش محتاجه الا وجودكم معايا
والله وانا بعتبرك والدى
دمت ابى الذى يسئل عنى ويطمئن علي
سلام يا بابا

حنين القلب يقول...

همس الاحباب
خااااااااااااااالود
هترجع فى كلامك ولا اييييييييييه؟
خلاص يا سيدى انت ادبست وخلاص
ربنا يعلم انى بعتبرك اخويا بجد
ملحوظه
عامل ايه النهارده يا رب تكون احسن
سلام يا ابو همس

حنين القلب يقول...

همس الاحباب
بجد خيخه دى حته سكرة وفعلا كل اللى عرفتهم ناس اخلاق وزى العسل كمان
والله كتر خيرك يا خالد كمان شيلت الفيشار والدرة كويس
نشوف مين هيشيل الجيلاتى كمان انا اصلا مفلسه ههههههههههههههههههه
قولى سميت البنت ايه ؟؟
مستنيه جايزتى
سلام يا خالد

حنين القلب يقول...

بنت خيخه واى كلام
ده انتى بجد ست بمليون راجل مش بميه
وانتى فعلا جدعه يا نوران هو انا هتبلى عليكى
والله بجد رفعتى جدا من روحى المعنويه
عارفه بعد ما قفلت معاكى عيطت سالت واحده صاحبتى لسه فيه ناس جميله كده
ممكن تحبك وتخاف عليكى وتوجعيهم وهما ولا شافوكى ولا شوفتيهم كل اللى بينكم شويه حروف وكلام بس جد والله احنا اللى
بينا كلنا مش حروف ولا كلام لالالالا دى مشاعر واحاسيس بجد عمرى ما لقيتها الا هنا معاكم
اييييييييييييييييييييوة يا جدعان اهه عينى غرغرت تانى .
وبعدين يا خوخه يا حبيتى انا والله اعتبرتكم اهلى
ولو على الموضوع اللى انتى مش عايزة تحكيه
والنبى ما تقولى اى حاجه تضايقك انا راضيه والله من غير ما اسمعه
ولله الامر من قبل ومن بعد
خوخه كلمه فى سرك
خالد شال العزومه كلها كويس انا كنت ناويه اغسل كاسات الجيلاتى الحمد لله ربنا سترها
ولا هتصل بيكى انتى انتى الوحيده وخالد اللى معايا تليفونكم هتصل بابا ابو خالد ازاى ؟؟؟
ربنا يخليكم ليه كلكم ومش يحرمنى منكم ابدااااااااااااااا
سلام يا حبيبه قلبى

حنين القلب يقول...

احمد سكر
البقاء لله وحده
ازيك يا سنكرة والله ليك وحشه ولا كيلو مانجه (فاااااااااكر ولا طنشت)
هههههههههههههههههههههه
يا سيدى ولا مقصر ولا حاجه
المهم انك تكون بخير
ومبروك عليك الخط الجديد مقدما
تنور اسكندريه والمحافظات المجاورة يا سنكرة
وهتشوووووووووووووووووف هنعملوا معاك الواجب دحنا اجدع اسكندرانيه
خلى بالك انت من نفسك
وفعلا كلنا اسرة واحده ربنا يجمعنا دايما
سلام يا سنكرة بوسلى جوز بنتى حودا

حنين القلب يقول...

الشنكوتى الكبير
البقاء لله وحده
والله هى فعلا اقل ما يقال عنها انها جدعه وهى فعلا حست بيه اوى لمجرد بوست قريته عندى
ربنا يكرمنا جميعا
نورتنى يا ايهاب
سلام

حنين القلب يقول...

صاحب المضيفه
ربنا يرحمه ويغفر ليه ويعفو عنه ويبدل سيئاته حسنات يا رب
شكرا على سؤالك عنى وعلى التعزيه
جزاكم الله خير
سلام

همس الاحباب يقول...

متخافيش يا بنتى
عمر الشقى بقى
احنا زى القطط
الف شكر على سؤالك طبعا
وده مش غريب على حضرتك طبعا

حنين القلب يقول...

همس الاحباب
يا ابنى لازم اخاف عليك احنا اخوات
وبعدين الصراحه صدقت انك اتقبض عليك زى ما قال الرايق كنت هجيب ليك عيش وفراخ مشويه هههههههههههههههههههههه
الف حمد الله على سلامتك وربنا مش يحرمنا منك
سلام يا ابو همس

زُمُرده يقول...

امممممممممممم
ابدأ منين؟؟؟؟؟

اولا البقاء لله وربنا يصبرك ويقويك
ولا ايه يا بنت بلدي
خليكي جدعه كده امال
وتأكدي ان الانسان بيموت لما بيفقد ذكراه جوانا
مش لما بيفارق مكانه بينا

اشكرك جدا على زيارتك
وتنوريك شطي

طيب انا جيت على طعم الايس كريم
وانا ولالا انا اسكندرانيه ولا حاجه
مادام عزماني على كل ده
كفايه الايس كريم

هههههههههههههه
فرحانه بيك اوي
هتقوليلي ليه
بوستك حسسني انه لسه في خير وولسه العالم الافتراضي بيغزو العالم الواقعي وبيمد جذور جواه


خدي بالك منك
ولو احتاجتيني هتلاقيني ع البلوكات روشه ولاسعه وبكلم نفسي

Empress appy يقول...

حبيبتى بجد اسسسسسسسسسسفه خالص انا لسه عارفه بوفاة والدك معلش بقى انا اللى طلعت خيخه مش البت خيخه هى حامله اللقب بس انا الاسم
البقاء لله
وبجد لما انزل اسكندريه هقولك ان شاء الله
بس مش عاوزة سمك بصراحه اصل هتبقى مشكله هنام منك وهتحتاسى بيه لانى بعملها دايما فى اصحابى
بجد اقبلى اعتذارى انا وحشه بجد

حنين القلب يقول...

زمرده
البقاء لله وحده
بجد يشرفنى انى اكون بنت بلدك
يا حبيبتى انا عزماكى على كل اللى انتى عايزاه ده كفايه بس اننا نقعد معاكى شويه
بجد دمك زى السكر وده طبعا طبيعى لانك اسكندرانيه
خلى بالك انتى من نفسك ومن مدونتك اللى بتخفف عنى كتير
انتى اللى نورتينى والله بجد
سلام يا زمرده

حنين القلب يقول...

appy
يا حبيبه قلبى احنا اخوات ومفيش اسف بين الاخوات ولا يهمك يا ستى
البقاء لله وحده
ولو على موضوع السمك ولا يهمك بلالالالالالالاش السمك مدام هينيمك نخليها عزومه عند بلبع اهه مشويا كويس كده ؟
وبرضه يا خالد الحساب ده عنده احنا بس بدلنا الوجبات .
بجد اتمنى نتقابل لما تنزلى اسكندريه وانا هعتبر كلامك ده وعد ليه ماشى لانى بجد من كلامهم عليكى حبيتك والله وعايزة اشوفك ونبقى اصحاب بجد ممكن؟
سلام يا آبى

زُمُرده يقول...

ايه ده يا جميل
مردتيش على كومنتاتي في البوستين اللي فاتواا

لالالالالالالالا انا كده ازعل
بس مش هتنازل عن حقي في الايس كريم
ربنا يسعدك ويكرمك

حنين القلب يقول...

زمرده
معلش يا حبيبتى والله مش اخدت بالى هدخل حالا اهه هناك وارد يا سلام هو انا اطول ارد على زمرده
والايس كريم ده حق لكل مواظن اوعى تسبيه حتى لو هنغسل الكاسات بعد كده المهم ناكله
سلام يا سكرة

قوس قزح يقول...

اولا ربنا يصبرك

ثانيا الحمدلله ان فعلا الواحد لاقى عيلة تانية من خلال المدونات

ثالثا عندك حق جداااا فى كلامك عن خيخة

رابعا بقى و اهم حاجة
انا جااااااااااااااااااااااااااي

اعملى حسابى فى الفشار و الجيلاتى و كله

بس انا عايزة من جيلاتى عزة :)

حنين القلب يقول...

قوس فزح
اولا ربنا يكرمك ويخليكى ليه
ثانيا فعلا والله انا بحس انكم عيلتى التانيه
ثالتا خيخه دى بجد جدعه والله وربنا يكرمها
رابعها بقى يا حبيبتى انا هخلى عزة ذات نفسها تستناكى مش الجيلاتى وانتى تؤمرى بس هاتى الاولاد معاكى علشان العب معاهم ماشى
سلام يا حبيبتى

Empress appy يقول...

يا يا حنين طبعا يا قلبى ممكن وليه الشرف كمان انتى عارفه الايميل بتاعى هتلاقيه فى جنب فى مدونة بيكيا ابقى ابعتى ليه عليه وانا ابعت لكى تليفونى ويشرفنى تكونى صحبتى واختى كمان

حنين القلب يقول...

appy
والله يا آبى انا اللى يسعدنى ويشرفنى اننا نكون اصحاب واخوات
والله يا آبى بحاول اضيفك والاميل مش بيضيفك ممكن لانك هوت ميل ضيفينى انتى ممكن
انا اميلى
fifi_love20072000
مستنيه اضافتك يا عسوله
سلام يا حبيبتى

عبده الرايق يقول...

سمك وجمبرى ودره وجيلاتى ؟؟؟؟؟
انا جاى حالا
اعملوا حسابى يا جماعه
حنين
عبده الرايق مسكين
ونفسى فى الجمبرى
ولا اقولك
لمى من الناس اللى هيكلوا كل واحد ميايه
وانتى ادفعى ميايه
والولد خالد يدفع ربعميايه
وابو خالد ربعميايه
يبقى كده هتلمى 150 جند ابعتيهم لاخوكى الرايق على العنوان التالى
9 شارع افريقيا كوكب الارض مجره درب التبانه النيزك الرابع

همس الاحباب يقول...

روقة
هو انت وصلت هنا كمان
وعايز 400 جند مرة واحدة
هو انت نسيت ال900 جند باقى 10000 جم
ولا افكرك
وبعدين انت جاى عند واحدة اسكندرانية يعنى لا اتطول ابيض ولا اسود
احسن حاجة يا عم الحج خليك فى مدونتك احسن

حنين القلب يقول...

عبده الرايق
والله تشرف وتنور يا رايق
وعيونى انا هلم ليك من كل واحد قبل ما ياكل ميايه
وتعالى بس وهعزمك على كل اللى نفسك فيه وهات مسز رايق وسقراطه كمان
الواد خالد مش عايز يدفع
لسه مش عارفه بابا ابو خالد هيدفع ولا ايييييييييه؟
بس انا واثقه انه هيدفع
وسكر كمان يدفع 400
وآبى 200
اظن كده تسدد ديون الرايق وتتغده انت والعيله كلها
سلام يا روقه

حنين القلب يقول...

همس الاحباب
ماااااااااااشى يا خالد ربنا يسمحك يعنى الاسكندرانيه بخله
ومستخصر فى الرايق 400جند ده المفروض تدفع 1000 جند ده الرااااااااااااايق برضه حبيبك
سلام يا خالد

hamssah يقول...

حنين الجميله
انا لله وانا اليه راجعون
البقاء لله
ربنا يرحم والدك ومثواه الجنه انشاء الله
انتي كمان شدي حيلك كده وورينا الصبر والايمان كفايه ان عندك اصحاب حلوين قوي كده
ربنا معاكي
ملحوظه هو موضوع عزومه اسكندريه ده بجد ؟ انا بهزر معاكي يا قمر
همسه

حنين القلب يقول...

hamssah
انا لله وانا اليه راجعون
لله الامر من قبل ومن بعد
الحمد لله على كل حال يا همسه
عزومه اسكندريه طبعااااااااااااا حقيقه اومال هنضحك على المدونين وانا عند كلمتى الجيلاتى والدرة عليه انا بقولها بعلو صوتى وتعالى انتى بس يا قمر وانا اجيب ليكى حته من السما كمان بس تؤمرى
سلام يا احلى همسه

همس الاحباب يقول...

هههههههههه
كده انت ثبتينى بمسامير 10سم فى الكرسى
واحرجتينى
بس مع الاسف مش اتحرج ومش ادفع
وانا والرايق واحد
خليكى بره اللعبة انتى بس
لمى من باقى المدونين واحنا انتصافى مع بعض
الرايق ده يقشر وانا اكل وانتى تلمى القشر

الـسـيـدة نـون يقول...

حنين الجميلة

عايزة اطمن عليكى
يارب تكونى بخير دلوقتى ومتماسكة اكتر

بكرة ان شاء الله
هحاول اكلمك علشان اسمع صوتك واطمن عليكى

سلام
اختك خيخة

حنين القلب يقول...

بنت خيخه واى كلام
انا الحمد لله كويسه ويا رب انتى كمان تكونى بخير
انا لو متماسكه ابقى متماسكه بيكم
ويا ريت نتكلم واطمن انا كمان عليكى
بجد وحشتينى والله
سلام يا نوران

عبده الرايق يقول...

همس الاحباب
لا يا حبيبى
الرايق فى موضوع الفلوس دى زى سلومه الاقرع
ميعرفشى ابوه
حنين مستعده تأكلنى وتلملى الفلوس وانت مش عايز تدفع ؟؟؟؟
ادفع يا خالد احسن لك
بقولك ادفع احسن لك
النت كله محاصر
مفيش داعى للمقاومه

عبده الرايق يقول...

حنين القلب
انا جاهز للقتال والقوه معايا جاهزه
والنت محاصر
لمى انتى الفلوس وهاتيهالى
ولمى كمان الساعات والموبيلات والدهب والاقلام الصينى ام نص جنيه
وانا والقوه رايحين على القهوه نشرب معسله وراجعين

همسة قلم يقول...

حنين القلب

اعرف ان العزاء 3 ايام فقط ولكن لم استطع المرور من دون ان اعزيكِ في والدك رحمه الله رحمة واسعة

عظم الله اجركم ورحم والدك رحمة واسعة وعفا عنه وأجزل له عظيم الثواب

سعدت بالتعرف الى مدونتك اخية

دمتِ بكل الود

حنين القلب يقول...

عبده الرايق
هو قالى اطلعى انتى منها قولت ليه لالالالالالالالالالالالالالالا الا الرايق مدام طلب هنلم ليه الفلوس وكل اللى هو عايزه بس هو قالى انه اتصل بيك واحرجنى وحرق دمى وانت عارف خالد بيشمت ازاى فيه قالى الرايق ده حبيبى والرايق يقشر وخالد ياكل وانا الغلبانه الم القشر وروحت جبت المكنسه بتاعتى وعماله الم من ساعتها
انما مدام انت فوضتنى يبقى هلم ليك الفلوس وزياده كمان
سلام يا روقه

حنين القلب يقول...

عبده الرايق
انا معاك حتى الموت
ومش هلم الفلوس والدهب والاقلام وبس لالالا هلم كمان الاكسسوار والجزم ولو حد لابس كرفتات كمان ولو عايز اجيب ليك الشربات كمان عيوووووووووووووووونى يا رايق
روح انت اشرب المعسل وهاتلى معاك شيشه تفاحه ماشى
انا هروح الم الفلوس من خالد وآبى وسكر وقوس قزح وفرنسا كمان وابابا ابو خالد
انا جااااااااااااااااااااااى
سلاموز

حنين القلب يقول...

همسه قلم
البقاء لله وحده
شكرا على شعورك الجميل
وكفايه انك زورتنى ونورتنى
دومت بكل خير
سلام

حنين القلب يقول...

همس الاحباب
سمعت يا خالد
هاااااااااات ال 200 جند بتوع الرايق هو عمل ليه توكيل اخدهم منك
يلا بقى يا حلو هات الفلوس وخد المكنسه لم القشر نيييييييييييييييييهههههههههههههههههااااااااااااااااا
عمال تقولى الرايق حبيبك اهه مش واثق انك هتدفع علشان تعرف ان الكل واثق انك بخييل
هاااااااااااات الفلوس يا خااااااالد

همس الاحباب يقول...

عملتها يا روقة
وانا اللى كنت بقول عليك انك حبيبى وصاحبى
اذن ناخذ من كل رجل قبيلة
اذن هى الحرب
مفيش فلوس
وانا هلم المدونين وانجى نحتل المدونة
ومش بعيد اربطكم فى رجل الترابيزة
واقلب الفلوس اللى معاكم
وانتى يا ست حنين لمى القشر من سكات
وبلاش دوشة

همس الاحباب يقول...

حنين هانم
انتى صدقتى يا بنتى انه حد يدفع للرايق
ده الرايق مفضوح فضحية المطاهر يوم طلوعه على المعاش هههههههههه
حتى اسالى فرنسا كده
يعنى انتى اتلمى الفلوس واتدبسى فى سدادها وهو فص ملح وداب
انسى يا عمرو نو
نو
نو
على راى الرايق والف نو كمان
انا عيونى للرايق انا سامع ناس كتير جاية من بعيد
هو كان طالب كام
بس بسيطه
ادفعى انتى ونبقى نتحاسب

حنين القلب يقول...

همس الاحباب
انت بتقول اربطكم فى الترابيزة تقصد مين انا والرايق
مااااااااااااااشى انا هشوف مين اللى هيتربط ويضرب كمان
وعايز تقلبنا بلا نيله انا والرايق انضف من الصينى بعد غسيله
وماشى يا خالود هلم القشر من سكات
انا عارفه ان كل ده من كبسه الرايق ليك يلا خليها عليه المرة دى
والايام جايه كتييير

حنين القلب يقول...

همس الاحباب
خالد باشا
عايز تقول ايه ان الرايق حرامى وهياخد الفلوس ويكت وانت مالك ادفع بالتى هى احسن ومش ليك دعوة بغيرك
والدكتور الرايق يتقال عليه مفضوح
نو
نو
نوووووووووووووو
عيب ده ابوك فى مدونه تانيه وممكن يطلع عينك
انت بتقول ادفع انا ونتحاسب
لا يا عم الحج الحساب يوم الحساب ادفع انت وانا هبقى اجيبهم ليك من الرايق
ثما ان دول مش سلف لالالالا انت فهمت غلط
ده تبرع لعائله الرايق
تصبح على خير يا بخيل

عبده الرايق يقول...

موجز لاهم الانباء
ترترا ترترا ترترا

سيداتى انساتى سادتى
نحييكم ونقدم لكم موجز لاهم الانباء
افاد مراسلنا فى السويس ان قوات كبيره من عائله الرايق يقدر قوامها بنحو عشرين الف رجل مدججين بالاسلحه الخفيفه والثقيله قد تحركت من السويس عبر ثلاث محاور
المحور الاول طريق السويس القاهره
المحور الثانى طريق السخنه القاهره
المحور الثالث طريق الاسماعليه القاهره من تقاطع نفق الشهيد احمد حمدى
المحور الرابع عبر مجاهل الصحراء
وقد ذكر مراسلنا ان تلك القوات قد اكتسحت الاخضر واليابس فى طريقها للقاهره
وقد اكد لنا شهود العيان ان تلك القوات كانت تهتف فى طريقها

همس الاحباب يا همس الاحباب
سلم نفسك بدل العزاب
ما وطئت اقدامنا بقوم
الا وجعلنا عروشهم تراب

انا وهبنا للرايق ارواحنا
فداء ووفاء وعزه لاجدادنا
فيا حنين القلب قفى واثبتى
فنحن اسود تنهش كل اعدائنا

فلا تستكينى وتجمعى القشر
فان الرجل منا بعشره
وتجاهلى ياحنين الصوت العالى
ولا تلتفتى الى الزعيق والفشر

فنحن معك و فداؤك يا دكاتره
وجيوبنا محمله بسجاير كليوبترا
وافواهنا لم تذق طعم الماء
الا من خلال الفلتر ابو الفلاترا

هذا
وسنوافيكم باهم الانباء فى اوقاتها
ترترا ترترا ترترا

عبده الرايق يقول...

همس الاحباب
خلووووووووووود حبيبى
انا بحبك موووووووووووووووووت
وخايف عليك
سلم نفسك احسن لك
وانا هاقوم بالواجب معاك ومش هاخلى حد يكلمك

عبده الرايق يقول...

حنين القلب
الجنود بتاعتى جاهزه
واحنا عدينا نص الطريق
لو خالد سلم نفسه هنرجع
لو لا قدر الله ركب دماغه
يبقى
يبقى
يبقى
مش قادر اقول
لسه بحبه
ياريته يسلم نفسه احسن

Mohamed Hesham Safa يقول...

السلام عليكم ورحمة الله وبركاته ...

أنا أول مرة أجي هنا الحقيقة ... لكن حظي حلو الظاهر ان فيه عزومة جامدة جدا ... شئ عظيم خالص ... بس يا خسارة انا لسة راجع من اسكندرية كان بقالي كتير هناك ... بس ملحوقة انا باجي اسكندرية كتير أصلا صيف شتا في أي وقت ... بس محدش يرجع في كلامه ...


دمت بخير ...

تمنياتي بأيام أجمل ...

والسـ ختام ــلام

حنين القلب يقول...

عبده الرايق
الله معاك ومعاك فلوسنا
والروح فداك منتا حبيبنا
انى معك لاخر نفس فى الرئتين وفى الشيشه اللى عزمتنى عليها امبارح
بس يا روقه خالد زودها اوى وانا الصراحه بتمنى من قلبى انه مش يسلم نفسه والقوات تسحقه بالدبابات
خالد انا مش هلم القشر الظاهر انى هلمك انت بعد ما تتقطع من الجيش اللى جاى يخلص عليك وانا الرايق هنعمل عقيقه بمناسبه تخلصنا منك

حنين القلب يقول...

عبده الرايق
والله انت طيب وحنين يا روقه
بقى هو يقول عليك كده وانت لسه بتحبه والله انا لو منك مش احذره حتى واخد حقى تالت ومتلت بقى روقه يتقال عليه نصاب ومفضوح
نو
نو
نو
خلى قلبك جامد يا روقه
انا جايه اهدى النفوس
يااااااااااااا رب ما يسلم نفسه

حنين القلب يقول...

عبده الرايق
بص بقى يا روقه سوء سلم او مش سلم انا مش ليه دعوة بطيبه قلبك دى
خلاص القوات عدت نص الطريق هنرجعهم بايدهم فاضيه
لا طبعا ميصحش
وانت مش قادر تقولها انا بقولها
يا خالد سوء سلمت نفسك او لا كده كده هنخلصوا عليك
دحنا هنريحوك
اييييييييييييوه ياجدعان محدش بياكلها بالساهل

حنين القلب يقول...

mohamed hesham
وعليكم السلام ورحمه الله وبركاته
انا اللى حظى حلو علشان زورتنى
وانت تنور العزومه ومدام بتيجى اسكندريه كتير يبقى ان شاء الله لما نتجمع تيجى وعيون الاسكندارنيه كلهم ليك
نورتنى
سلام

همس الاحباب يقول...

هههههههههه
لا يا عم كده انا اسلم ونص
وانا اقدر على جيوش الرايق
دول وحوش ضارية
ليهم 5000 سنة ما شافوش الاكل
الرايق حارمهم من كل حاجة
انا هادفع يا رايق
هى الاعمار بعزقة يا جدع
وبعدين الجبن سيد الاخلاق
والجرى نص الجدعنة
ههههههه

همس الاحباب يقول...

وبعدين يا اخت حنين
اوقفى على جنب
او شوفى حتة ناشفة اقفى عليها
وبلاش تسخنى الموضوع
شغل البوتجاز والتسخين ده مش بياكل معانا انا والراايق
ههههه
بصراحة منظرك بقى وحش قوى
وودانك احمرت وبقت شبه ودان الارنوب

همس الاحباب يقول...

روقة حبيب قلبى
الاخت حنين جاية تهدى النفوس
خلى بالك انا نازل بورسعيد وامر على السويس
يعنى لازم يبقى فيه هدنة
واما ايحصل مباغته من الصفوف الخلفية
وسوف يتم احتلال السويس والقبض على الدكاترة عبده الرايق
وطلب فدية قدرها 3 مليار دولار
وخلى الست حنين تلم الفدية من دلوقتى
يا رايق

حنين القلب يقول...

همس الاحباب
ايييييييييييووووووووووووووووووه
يا جدعان ايه الجبن ده
دنا كنت فاكراك اجمد من كده
طيب استنى استسلم بعد ضربتين من دبابات الرايق
يا خسااااااااااااارة الصاعيده يا رجاله

حنين القلب يقول...

همس الاحباب
انا اقف على جنب
واقف فى حته ناشفه على اساس ايييييه؟؟؟انى عايشه فى بحيرة مثلا
وبعدين انا اللى شكلى وحش ولا انت
اللى مستخبى تحت السرير من الخوف ده انت هتموت يا ابنى
وبعدين انا مش بسخن لا
بس انت اللى غلطت فى روقه وانت عارف روقه ده روحى
يلا مدام طلعت قطه واستسلمت خلاص