RSS

الخميس، 17 يوليو 2008

عيد زواج


السلام عليكم ورحمه الله وبركاته
اخواتى واخوانى المدونيين
والله كلكم وحشتونى
هى \ صباح الفل والورد والياسمين يا روحى
هو \ (صاحى مفزوع ) خير فيه ايه ؟؟
هى \ مش فيه يا روحى بقولك صباح الفل والورد والياسمين
هو \ منا عارف اليوم اللى اصحى فيه على دلع بيبقى يوم مش معدى . ربنا يستر
هى\ نعم نعم ليه هو انا منكده عليك
هو \ لا يا حبيبتى صباح الحب والهنا
هى \ قوم يلا انا مجهزه ليك فطار يجنن
هو \ (مستغرب جدا ) مجهزاه ليه اناااااااااا
هى \ اومال للجيران مالك يا راجل
هو \ اصلها غريبه اوى انتى فاكرة اخر مرة جهزتى ليه الفطار كان يوم عيد تحرير سينا
هى \ يا اخى حرام عليك تحرير سينا ايه بس والله شكلى هحررك النهارده
هى \ انت مش عارف فيه ايه النهارده ؟
هو \ خير فيه ايييييييييييييييييه ؟
هى \ النهارده فيه مناسبه مهمه جدا
هو \ مناسبه مهمه ... ممممممممممممممممممممممممممم
يبقى النهارده عيد الام الحق اقوم البس واروح اشترى هديه لماما
هى \ ماما مين وانا مالى ومال مامتك هو فيه عيد ام شهر 7
هو \ اه صحيح اومال مناسبه ايه ؟؟
هى \ افتكر دى حاجه تخصنا احنا الاتنين
هو \ اااااااااااااااه يبقى النهارده عاشورا الحق اقوم البس واشترى البليله علشان تعمليها لينا
هى \ يا لهووووووووووووووووى عاشوا ايه ؟؟ وكل شويه الحق اقوم البس انت عايز تهرب وخلاص هو فيه عاشورا فى رجب يا راااااجل
هو \ انا غلب حمارى قوليلى انتى
هى \ زى النهارده من 6 سنين اتنيلت واتجوزتك يلا بقى قوم ورينى جبت هديه ليه ايه ؟؟
هو \ وده مناسبه محتاجه هديه .. دى محتاجه نقف 8 ساعات حداد او نصلى ونستغفر
ربنا على الذنب ده وندعى ربنا يسامحنا عليه
هى \ليه ان شاء الله انت ندمان انك اتجوزتنى نسيت لما كنت بتقف ليه فى البلكونه طول الليل فى عز الشتا زى الكتكوت المبلول علشان بس تشوفنى دلوقتى بقيت ذنب .
هو \ (لسه رايح يمد ايده على الفطار ضربته على ايده وشالت الفطار)
هى \ عندك حق هى فعلا غبطه ولازم تتصلح
طالقنى .................. طالقنىىىىىىىىىىىىىى
هو \ انا قولت انه نهار مش فايت . لا يا حبيبتى انا فاكر وهنزل اشترى الهديه اللى انتى عايزاها
هى \ ولازمته ايه ده كله من الاول صحيح رجاله مش بتيجى الا بالعين الحمره
هو \ كل سنه وانتى طيبه يا حبيبتى
هى \ وانت طيب يا روح قلبى ونبضه
ملحوظه صغننه
ده فعلا عيد جوازى السادس
عايزة اقول كمان لخالد همس الاحباب كل سنه وانت طيب وعقبال مليون سنه
ولهمس كمان عيد ميلادها الشهر ده ويا رب نشوفك احلى عروسه ويحفظك
وداليا قوس قزح عيد ميلادها برضه كل سنه وانتى طيبه
كل سنه وانتم كلكم طيبين
السلام عليكم

54 التعليقات:

الضاحكون يقول...

كل سنه وانتى طيبه بمناسبه عيد جوازك السادس
من كل قلبى بهدى لكى الف تحيه وبوسه من خالتك
وبرضه مصممه اعرف انت زعلانه منى ليه ؟

فرنسا هانم

nigro يقول...

كل سنة وانت طيبة و بألف خير و الحب مالي بيتكم و مغطّيكم كمان
بس انت جبتي الخلاصة في الآخر
الرجالة ما بيجوش غير بالعين الحمرا
بس غلابة و الله برده

كل سنة وانت طيبة


يلا سلام

حنين القلب يقول...

فرنسا والرايق
وانتى طيبه يا روح قلبى
والله ما اقدر ازعل منك ابدا
بس انتى عودتنى انك معايا علطول
مش فيه بوست ينزل الا لما تكونى عندى بتقوليلى رايك فيه
كنت بحس انك دايما تقيمى للى بكتبه
انما انتى نستينى والضاحكون خدوكى منى
ولا بقيتى وتدخلى عندى ولا تسئلى عليه
انما ده والله من حبى ليكى مش زعل منك
يا فرنسا انتى اول واحده قولتى ليه اعملى مدونه وانتى اكتر واحده شجعتينى
وتيجى فى الاخر وتسيبينى
وبرضه يا حبيبتى انا مش اقدر ازعل منك
لسبب بسيط انى بحبك والله بجد
سلاموزة يا موزة

حنين القلب يقول...

nigro
وانت طيب يا محمد وعقبالك لما تتكلبش انت كمان وتدخل عش الزوجيه اللى مش فيه حد بيعرف يهرب منه ابدااااا
صح والله يا محمد لازم الخناق والعين الحمرا اه غلابه اوى اهه برضه اشترى الهديه ما كان من الاول
اوعى تعمل زيه لحسن المدام تكون عصبيه وتخلص عليك
سلام

همس الاحباب يقول...

ههههههههه
كل سنة وانتى طيبة
وعقبال مليون سنة زواج

همس الاحباب يقول...

لا مليون ايه كتير قوى حرام الراجل ما يستحملش اللى محكوم عليه بمؤبد بيخرج حسن سير وسلوك بعد 3/4 المدة
بس بجد اشرف ده نكته عيد الام فى شهر 7
على اعتبار انك انتى ماما وانتى بابا وانتى عبدالسلام النابلسى مش كده
بس من امتى الرقة والاهتمام ده
والله من حقه يقوم مفزوع
اكيد شاف حاجة مش كويسة
او حاسس بكارثة بعد الرقة دى
اسالينى انا عن المواضيع دى
واخيرا ظهرت الرؤيا
كله ده علشان الهدية
انسى يا عمرو

همس الاحباب يقول...

ههههههههه
فعلا رجالة مش بتيجى غير بالعين الحمرا
على اعتبار حضرتك منمتيش من سنة فعينك محمرة مش كده
والله الستات دى امخاخها طاقة
طلقنى ايه يا ستى هو دخول الحمام زى خروجه
دى محتاجه نقف 8 ساعات حداد او نصلى ونستغفر ربنا على الذنب ده وندعى ربنا يسامحنا عليه هى \ليه ان شاء الله انت ندمان انك اتجوزتنى نسيت لما كنت بتقف ليه فى البلكونه طول الليل فى عز الشتا زى الكتكوت المبلول علشان بس تشوفنى دلوقتى بقيت ذنب
هههههههههههههه
بجد بجد فطست على نفسى من الضحك
جامدة قوى قوى يا حنين
لا بجد كل سنة وانتى طيبة وعيد زواج سعيد وزى الايام دى يكون معاكى شهد وخالد

همس الاحباب يقول...

تعليق كمان علشان ادفع 75 قرش
والله فيكى الخير انا نسيت عيد ميلادى
كل سنة وانتى طيبة
وداليا طيبة وكل الاخوة والاخوات طيبين وبصحة وسعادة
تحياتى وتقديرى

د. إيمان مكاوي يقول...

كل سنه وإنتم طيبين ..وإنتم في حب وسعاده ..يا رب

حنين القلب يقول...

همس الاحباب
وانت طيب يا سيدى

حنين القلب يقول...

همس الاحباب
مؤبد فى عينك يا اخى
ده بيحمد ربنا كل يوم انه اتجوزنى
انت مش شايفه مبسوط ولا اييييه؟
وبعدين اصلا الكلام ده مش على لسانه لالالا ده من تاليفى انا
وشاف حاجه مش كويسه ازاى
ده عايش مع قمررررررررررررررررر
وانا مامته برضه ماااااشى
والهديه غصب عنك وعنه جااااااايه
هو يقدر مش يجبها تبقى سنه مش فايته
وبطل رخامه بقى

حنين القلب يقول...

انت عايز ايه بالظبط؟
عمال تلعب فى المدونه هو مش فيه غيرك
امشششششششششششششششششششششى
وبعدين انا عنيه حمرا ومش نمت من سنه
انا عنيه عسلى غامق مش حمرا
وانا دماغى طاقه
يا رب تطق من جنابك يا اخى
ومدام نسى يشترى هديه لمناسبه مهمه زى دى يبقى جزائه الطلاق التام او الموت الزؤام( صح الزؤام دى اصلى اول مرة اكتبها فى حياتى لو غلط عديها )
هههههههههههههههههههههههههههههههه
يا رب يكون معايا شهد انما خالد
نو
نو
نو
هو انا تجننت اسمى خالد يبقى طول عمرى اسمك على لسانى دنا اخليه معدوم الاسم احسن

حنين القلب يقول...

والله انت بخيل ولا بنشوف منك 75 قرش ولا ربع جنيه مخروم حته
وطبعا فيه الخير عملت ليك عيد ميلاد اهه
وشايف التورته دى جيباها مخصوص علشانك
يا رب يتمر بس
كل سنه وانت طيب وبالف صحه ويا رب مش يحرمنا من رخمتك ابدا
وهمس كمان طيبه
وداليا حبيبه قلبى طبعا
سلالالالالالام وكفايه عليك كده

حنين القلب يقول...

ايما ام البنين
وانت طيبه يا حبيبتى
ويديم عليكم الصحه والمحبه والامان فى اسرتك
نورتينى

عاشــــــ النقاب ـقــــة"نونو" يقول...

السلام عليكم حبيبتي
كل عام وانتم مع بعض والى الله اقرب وعلى طاعته ادوم
انا كمان بوم ميلادي قريب
كل عام وانا صغنتوتة بقى
ههههههههههه
عاوزين نتكلم سوا بقى
بتدخلي امتى بس

حنين القلب يقول...

نونو
عليكم السلام ورحمه الله وبركاته
وانتى طيبه يا حبيبتى
وكل سنه وانتى دايما اجمل واصغر كمان بس انتى نونو هتصغرى اكتر من كده ايه
يا حبيبتى انا تقريبا بفتح كل يوم اميلى من الساعه 7مساء للساعه 10
اميلى
fifi_love20072000
ضفينى بقى بس اكتبى على الاضافه نونو علشان اقبلها
يلا انا مستنيه اضافتك
علشان نتكلم يا سكرة
سلاموزة يا موزة

الـسـيـدة نـون يقول...

كل سنة وانتى طيبة يا حنين
وعقبال عيد الجواز الستين يارب


وكل سنة وكل المدونين اللى عيد ميلادهم الشهر ده كل سنة وهما طيبيبن

اختك خيخة

حنين القلب يقول...

بنت مش خيخه ولا اى كلام
وانتى بالف مليون صحه وسلامه يا حبيبتى
ويا رب دايما تفضلى جنبنى
ومش يحرمنى منك ابدا

انا اتصلت بيكى النهارده وكان تليفونك غير متاح كنت عايزة اكلمك
خيرها فى غيرها
سلام يا حبيبتى

عبده الرايق يقول...

كل سنه وانتى بسعاده وهناء
مش عارف مين هناء
يمكن هناء سعيد اللى ساكنه جنب الفرنه
جايز هى ومتنكره
مفيش حاجه ساقعه ؟؟؟؟؟
هه
فى ولا نمشى
ياحنين
فى ساقع ولا نروح
يلا الارزاق بالله
سلام عليكم

حنين القلب يقول...

عبده الرايق
كل سنه وانت بالف خير يا روقه
هناء دى اخت اشرف انا عارفها هى بنت حشريه كده
ازاى مش فيه تورته اومال التورته اللى فى البوست دى لمين دى ربعها ليك وربعها لفرنسا وخيخه وربعها لخالد وسكر والربع الاخير ليه انا وداليا ودوبا وآبى واسلام ونيجرو
وهتلاقى الساقع جنب التورته
اى خدمه يا رايق انا عارفه انك بقالك 8 سنين مش دوقت التورته
الحمد لله انك دوقتها قبل ما تموت
الف هنا وشفا يا رايق
ابقى خلى مناب مسز رايق وسقراطه
سلام يا روقه

عبده الرايق يقول...

ربع التورته بحاله للرايق
انا فيرى فيرى سانك يووووو
بس فى حاجه مهمه
انا هاجيب غفير خصوصى يبات هنا فى المدونه ليل نهار يحرص الربع بتاعى فى التورته
احسن حد يخلص نايبه ويلف على الربع بتاعى
وانا كل ما اجوع اجى اتعشى واروح
بس برضه ليا سؤال ومكسوف اقوله
اسأل وامرى لله
هى التورته دى بتتغمز بعيش ؟؟؟؟

حنين القلب يقول...

عبده الرايق
العفو يا روقه
ده انا لو اقدر اديلك التورته كلها يبقى الف هنا وشفا
وبعدين غفير ليه يا سيدى انا مش هقطعها ولا ادى لحد اى حته منها الا لما تاخد منابك انت الاول
وبعدين ده سؤال يا روقه مش عارف التورته بتتغمز بايه
طبعا بسردين مملح
وعلى اول مستشفى علطول
ويا فرحه قلبك يا سقراطه
ومسز رايق ترتاح منك شويه
سلام يا روقه

Empress appy يقول...

ههههههههههههه لا يا بنتى انتى اصلا علطانه بالقله فى دماغه علشان الذاكره ترجع هههههههههههه
كل سنه ووانتى وهو بخيرررر يا رب

حنين القلب يقول...

appy
والله يا آبى عندك حق
بس هو كلمه طالقنى ردت ليه الذاكرة
كل سنه وانتى طيبه يا حبيبتى
وعقبال ما نحتفل بيكى انتى وزوج المستقبل
آبى والله بحبك
سلاموزة يا موزة

saragebaly يقول...

هههههههههههههههههه
ههههههههههههههههههه

كل سنة وانت طيبة
وعقبال مليوووووون سنة زواج
وتكونو في صحة وسعادة واسعد حال

اني احببتك في الله

سارة

Yahia يقول...

كل سنه وانت وهو طيبين ويارب يكملكم على خير

سلام

حنين القلب يقول...

saragebaly
كل سنه وانتى طيبه يا حبيبتى
وعقبال ما نبارك ليكى على فرحك
وابقى خدى حته من التورته وانتى ماشيه
وانا كمان احبك فى الله
سلام يا حبيبتى

حنين القلب يقول...

yahia
عاش من شافك
ازيك يا يحيى
ولا بوست جديد يلا اكتب حاجه جديده علشان وحشتنا كتابتك
سلملى على دوبا وبوسلى يوسف
خد التورته بتاعتك وخد مناب دوبا وخد شيبسى ليوسف والف هنا وشفا
نورتنى بجد والله يا يحيى
سلام

همس الاحباب يقول...

هههههههههههه
حاسس انك فاتحة مسمط و حلوانى
وعمالة توزعى تورته وساقع
واحنا ولا شايفين حاجة
انتى يا بنتى هى التورته مش كانت محجوزة علشان عيد ميلادى
والمفروض انا اللى اوزع ولاغاب القط العب يا رايق
وبعدين مين قالك ان الرايق بيحب التورته ولا يعرف شكلها اصلا
اهو بايت 24 ساعة فى المدونة اشربى يا فالحة

Doba يقول...

كل سنة وانتى طيبة
هابى أنيفرسارى
عقبال متكملو مع بعض الستين
انا أقل منك بسنة
بقالى فايف ييييييرز بس
=============

ثم هو لازم الهدية
هو كل الستات طماعين كده
===
ربنا يباركلكم فى بعض ويحرسكم ويبعد عنكم الشيطان وصلحى جهازك بقى علشان ينفع تكلمينى ماسينجر

باى يا قمر
هبة

Doba يقول...

انا من موقعى هذا بأطالب انك تشتركى فى مدونة الضاحكون

لانك عاملة دويتو رائع عن حق مع الرايق وماشاء الله عليكم وقعتونى من الضحك

ربنا يسعد أيامك كلها بالخير والسعاده والهنا - البت الحشرية دى

يلا باى

حنين القلب يقول...

همس الاحباب
انا فاتحه مسمط وحلوانى
والله عيب عليك هو المسمط اللى بيبع السردين المملح دنا بجيبه من المول
وبيحطوه ليه فى ورق سلوفان وبيحطه عليه برفان علشان ريتحته وباكله وانا لابسه جوانتى وطبعا لازم اشترى ميه نار علشان اشربها بعد البصل علشان يضيع ريحته
المهم التورته ليك فيها نصيب طبعا ليك الربع وابقى ادى لسكر حته صغنونه وكل انت الباقى
وبعدين منتا كلت كباب وكفته وتورته بجد وحلويات
كمان بتبص على حته التورته اللى فى الصورة
اعوز بالله
اعوز بالله
عيونى ليك يا خالود وانت عارف
تورته بحالها توصل لحد البيت علشان خاطر عيونك وعيون همس ومامتها
بس سورى يا خالد الا الرايق
الرايق ده ينور مدونتى ليل ونهار واى وقت ده المدونه مدونته
سااااااامع يا رايق
سلام يا ابو همس

حنين القلب يقول...

doba
وانتى طيبه يا حبيبتى وعقبال ما تكملى مليون سنه مع ابو يوسف ويوسف
ازاى بقى يا دوبا
لازم الهديه اومال هحس ازاى انه يوم مختلف هى الهديه مش فيه غيرها
ربنا يخليكى ليه بجد يا دوبا ويسعدك دايما
دوبا انا ليه عندك طلب
انا علطول بدخل عندك مش بلاقى جديد مش شايفه انك اتاخرتى عننا شويتين
يا ريت البوست الجديد يكون قريب بجد وحشتنا بوستاتك
جوزك خد التورته بتاعتك خديها ولا
اكلها لوحده ؟؟
نورتينى بجد
سلام يا هوبا

حنين القلب يقول...

doba
يا ريت يا دوبا
وصيهم عليه انتى بقى
الرايق بيقولى لازم تدفعى 2500 جند الاشتراك
وهمس الاحباب بيقولى لو بقيتى اختنا هناكلك وانتى نايمه اوعى تيجى هنا
وداليا قوس قزح بتقولى هترسم على وشى علم مصر
وآبى هتجيب خرفنها تنطحنى
وكلهم كلهم مش طايقنى
الا فرنسا حبيبتى طبعا
ربنا يسعدك يا حبيبتى ومن غير هناء
الحشريه دى
باى يا حبيبتى

فرنسا هانم يقول...

من غير ضرب ولا خربشه
ولا عض ولا شد شعر
انا لسه كنت بكلمك دلوقتى على الشات
وعملت نفسى ناصحه وفلحوسه وخرجت من غير ما انسخ اميلك
هتحدفى طوب او زلط انا موافقه
بس ابعتى ليا اميلك
اختك فرنسا

فرنسا هانم يقول...

خلاص
متشكره
الاميل موجود فوق
الحمد لله انها عدت من غير خناق
بحبك مووووووووووووووت

حنين القلب يقول...

فرنسا هانم
يا حبيبتى لا عاش ولا كان اللى يمد ايده عليكى
والله بجد كنت مبسوطه اوى وانا بكلمك ربنا مش يحرمنى منك ابدا
سلام يا حبيبتى

حنين القلب يقول...

فرنسا هانم
كويس انك لقتيه
وانا والله بحبك موووووووووووووووووووووووووووووووووووووووووووووووووووووووووووووووووووت
ربنا يتمم شفاكى على خير يا حبيبتى
سلام

حسن حنفى يقول...

الف مبرووووووووووك

حنين القلب يقول...

حسن حنفى
الله يبارك فيييييييييييييييك
نورتنى

فاتيما يقول...

حنين
كل سنة و إنتى طيبة يا حبيبتى
بس تعالى هنا قوليلى
الحوار دا حصل فعلاً و لا دا من وحى الخيال ؟؟
أصل لو واقعى يبقى الحمدلله إنى إتطلقت بدرى بدرى و موصلتش لعيد جوازى السادس و بقى دا الحال ...
و بمناسبة الفطار
ماشاء الله هوه جوزك عاوز يفطر كل يوم و لا إيه ؟؟
غريبة الحكاية دى قوى
لكن معلش برضو إنتى اللى قلبك كبير
بوسة على خدك بقى
و تحياتى لزوجك العزيز

همس الاحباب يقول...

مبروك على النيو لوك الجديد
وعقبال ما نعمل نيو لوك للنونو

حنين القلب يقول...

فاتيما
لوووووووووووووووووووووووولى
اخيراً فاتيما عندى يا مرحبا يا مرحبا
لا طبعا يا حبيبتى ده من الخيال هو يقدر ده جايب الهديه من اول الشهر
شوفتى يا طماطم رجاله اخر زمن عايزين يفطروا كل يوم
ربنا يخليكى ليه يا حبيبتى
بوستين كمان على خدك ده وعلى التانى علشان مش يزعل وبوسه كمان ليوسف
نورتينى يا حبيبتى

حنين القلب يقول...

همس الاحباب
يسلم اللى عمل النيو لوك
وربنا يخليك وتعمل نيولوك حنين كمان
شكرا يا ابو همس
سلام

زُمُرده يقول...

لولولولولولولو
مبرووووووووووك يا جميل وعقبال 100 مليون سنه سعاده وحب وهنا

بس بيني وبينك انت الللي خسرانه المفروض مش تقوليله طلقني
اما الخلع عملوه ليه
اخلعييييييييه على طول
ينسى يوم ابتدت فيه حياته وانتهت
هههههههه
ده يبقى كده فقد الذاكره بقى
ولا من كتر ماشاف نسي الايام اهو عيد الام جاء في 7 وبعدين هيقولك عيد سينا في ديسمبر
من كتر ماشاف ياعييييييني

مش بدافع عنه لالالالالالا ولا بقول مسكين ولا يا حرام واعتقيه ولالالالا اي حاجه من دوول

هههههههههههه

جميل بوستك اوووي وعجبني وموتي من الضحك رده
دى محتاجه نقف 8 ساعات حداد او نصلى ونستغفر ربنا على الذنب ده وندعى ربنا يسامحنا عليه

بجد انت تحفه اووي
--------------------
كل سنه ووانت وهو طيبين وخالد همس الاحباب وهمس وداليا وربنا يجمعكم في خير وسعاده وحب دايما ياااااااااااااااااااااااااااااارب

حنين القلب يقول...

زمرده
وانت بالف خير يا حبيبتى وعقبالك
كده برضه انت مع مين معايا ولا معاه
وبعدين حياته ابتدت فى اليوم ده صح انما انتهت ازاااااااااااااى
هو اتجوز ريا وسكينه ولا ايه؟؟
وبعدين هو فقد الذاكرة يبقى ده منى ولا ذنبى
نو
نو
نو
الرجاله كلهم بيفقدوا الذاكرة فى عيد جوازهم وعيد ميلاد زوجاتهم
انما عيد الام فاكرينه وتحرير سيناء
شوفتى الراجل قلبه اسود ازاى فاكرلى اخر مرة جهزت ليه الفطار
(رجاله اخر زمن )
ربنا يخليكى ليه وتعيشى دايما رافعه معنوياتى
كل سنه والمدونين كلهم بخير وسعاده وحب
سلام يا حبيبتى

عروسة ننوسة يقول...

كل سنة وانتى طيبة وان شاء الله يبقى العيد الالف
تحياتى

maha zein يقول...

هابي بيرزداي تو يو
مبروك وكل سنة وانتي بخير وصحة وسلامة
يا رب المؤبد يا رب
ربنا يسعدكم وتفضلوا سوا علطول ولا تقوليلوا طلقنيييييييييي ولا اي حاجة
تحياتي

حنين القلب يقول...

عروسه ننوسه
وانت بالف خير يا حبيبتى
وعقبالك يا رب
نورتينى والله
سلام

حنين القلب يقول...

maha zein
كل سنه وانتى طيبه يا حبيبتى
واطمنى كلمه طالقنى دى عاديه جدا خصوصاً
لو بيحبو بعض وعارفين انهم مستحيل ينفصلوا اهه منها دلع ومنها تفكره انها نعمه من ربنا ليه هههههههههههههههههههههههههههههه
طبعا هو يلاقى زيها فين
ده كفايه الرغى والشكل اللى مش هيلاقى زيه اتنين
والضغط والسكر
بذمتك حد يلاقى دلع كده
بس سيبك انتى من كل ده
بجد بجد زيارتك لمدونتى اسعدتنى
عيب لما نكون اخوات من رايق واحد وفرنسا واحده ومش نكلم بعض
سلام يا ميهو ده دلعك اللى هدلعك بيه ماشى

د/اجدع بنوته يقول...

كل سنه وانتى وجوزك طيبين يارب

وكويس انى جيت ف مناسبه حلوه كده

هابى انفيرسسسر

حنين القلب يقول...

د\اجدع بنوته
وانتى طيبه يا حبيبتى
وعقبال كده اما اشوفك اجمل عروسه فى الدنيا
ربنا يوفقك
نورتينى

عاشــــــ النقاب ـقــــة"نونو" يقول...

حنين ليه كدة فيه ايه حصل

حنين القلب يقول...

عاشقه النقاب نونو
حنين ليه كدة فيه ايه حصل

مش فاهمه؟؟
هو ايه اللى حصل وبتسألى عنه يا حبيبتى
فهمنى وانا اقولك اصلى فتانه
أوووووووووووووومرى انتى بس