RSS

الجمعة، 10 أكتوبر 2008

اصل ولا صورة

**تحديث **
*********
تهنئة قلبية للاخت العزيزة كاميليا
بمناسبة الزفاف السعيد
الف مليون مبروووووووك
================
السلام عليكم ورحمه الله وبركاته اخواتى واخوانى المدونين ازيكم والله وحشتونى اوى فيه حاجه شغلتنى الايام اللى فاتت دى وهى انى لما ابص لاى حد اسئل نفسى يا ترى اللى بيتعامل معايا ده اصل ولا صورة؟؟؟؟ يعنى هو فعلا اخلاق وتربيه وتدين واحترام ولا دى صورة وقناع رسمه لنفسه دايماً السؤال ده جوايا !!!!! ليه مش بنتعامل من جوانا!!! ليه فيه حاجات بنصمم نداريها وبنخاف تظهر قدام اى حد لننكشف ونظهر على حقيقتنا زى ما نكون المفروض نتعامل مع كل انسان بصورة يعنى مع مراتك بصورة وصورة مع رؤسائك وصورة مع اصحابك يعنى المفروض تكون اصل و6 صور علشان تتعامل براحتك بقى طيب يا ترى فى الاخر بيعرف هو مين ولا بيتوه وسط الصور؟؟؟ ويا ترى اللى مش بيعرف الاصل من الصورة ده بيكون غباء منه ولا اتقان من الاخرين فى تقمص صورتهم . نفسى افهم ليه اقول حاجه وانا اقصد حاجه تانيه ليه مش نبقى واضحين مع انفسنا قبل ما نبقى واضحين قدام اى حد والاخر يقعد يغنى انا مش عارفنى انا توهت منى انا مش اناااااااااااااااااا سلام بقى اروح اشترى صور لانى للاسف مش عندى غير الاصل بس

54 التعليقات:

همس الاحباب يقول...

ياااااااااه ضغطتى على الجرح يا حنين
بجد انا متفق معاكى قلبا وقالبا
بجد كلنا بقى لابس قناع لكل مناسبة
ولكل موقف والاصل تاه وسط الزحمة وبقت الصور وياريت الصور واضحة بقت مشوشة ومهزوزة كمااااان
تسلم ايديكى بجد
تحياتى

Sweet Violet يقول...

فى ناس لسه مش فاهمه نفسها و دى اللى بتغنى انا مش عارفنى لانها بترسم لنفسها حاجه تعيش بيها لكن فى الاخر بتلاقيها شخص تانى خالص هى نفسها ماتعرفهوش

و فى ناس عندهم هوايه التقنع يعيش بوش مع كل شخص و لما يقعد مع نفسه بيبقى مبسوط من كدا و دول الاشخاص المرضى للأسف

اللى مابيعرفش يفرق مابين الاصل والصورة مابيبقاش غباء طبعا لان المقنع متقن و بيعرف ازاى يقنع اللى قدامه انه اصل مش صورة

لكن فى الاخر كل صورة بتتحرق والاصل بيبان فى الاخر و بيبقى ابشع اصل للأسف

بس تروحى تشترى صورة ليه خليكى بالاصل لان صدقينى الاصل هو دايما اللى كسبان مهما كانت الصور اللى حاوليه

همس الاحباب يقول...

فعلا الاقنعة كتير
بس عمرها ما تغنى عن الاصل
لانها بيجى عليها يوم وتنكشف الحقيقة وبتسقط كل الاقنعة
انا عامة عندى عقدة من الصور
مرة اتصورت فى اولى ابتدائى الراجل طلع اصل و6 عفريته
والمفروض انه يطلع عفريته و6 صور
ومن ساعتها رميت العفاريت وخليت الاصل

همس الاحباب يقول...

مش ينفع الجد كده
شوية تهريج بقى
رايحة تشترى صور ليه كفاية اللى عندك ولا بقوا عفريته ولا ايه
وبعدين تعالى هنا انتى بتذاكرى من ورانا يا بنت ولا ايه
مش ينفع كده احنا هناخد على كده

trick يقول...

علي فكره يابختك انك مش عندك الا الاصل بس ده احسن حاجه بس اللي بيكون عنده صوره ممكن يكون عاوز بيها يخبي حاجه مش حلوه في الاصل بس للاسف اما بيعمل كده مش بيحاول بعدها يعدل في الاصل بيعتمد علي ان الصوره خلاص قدام الكل بس الافضل لو رسم الصوره في نفسه وحاول يكون زيها ساعتها هيبقي احسن كتير

تحياتي علي طرح الموضع لاني فعلا بكتشف كل يوم صوره لواحد مش كنت اتوقع انه يكون ليه غير الاصل

واسف علي الاطاله
:)

عبده الرايق يقول...

هو فى ايه يا عم خالد ؟؟؟
ايه يابا
ماسك المدونه ومش مخلى حد يعلق غيرك
اوعى كده علشان اعرف اكتب لى كلمتين

عبده الرايق يقول...

كان زماااااااااااااااااااااان
حكايه الاصل وال 6 صور دول
دلوقتى مع التقدم فى الكمبيوتر
بقوا 8 صور وكارت كبير وعشر صور تانى صغيرين
يعنى حوالى اصل وعشرين صوره
هههههههههههه
شفتى بقى العلم بيتطور ازاى علشان يزود الوجوه
وبانوا بانوا بانوا على اصلكم بانوا

Empress appy يقول...

لا انا اصل وخليكي على الاصل وواجهي الصوره انها صوره وبس
فاهمه حاجه هههههههههههه
وحشتينى يا قمر اوي ابقى رنى يا خالتى

Unknown يقول...

حنين القلب الرقيقة ...

جميل ما اثرتى

نعم هناك من فقد نفسه وسط اقنعة حاصرته فى جميع الاتجاهات ومختلف المواقف

فعندما يلبس احدهم قناع فان ذات القناع تخلق منه الاف الاقنعه
وعندما تبدا رحلة البحث عن الماهية الحقيقة تكون فى طيان النسيان والغموض
كثيرا ما يذهب المرىء الف مرة فى رحلات مستميته للبحث غن حقيقته محاولا بشتى الطرق خلع جميع الاقنعه
ولكن ليس الامر يسيرا

لكن الحقيقة ان مجرد التفكير فى البحث عن ما هو حقيقى داخلنا
التعبير عما يدور دالخنا بصدق
لا للتجمل لا لمحاولة التصنع فنحن لسنا ملائكة
ما اجمل ان نكون كما تريد النفس ان تكون
ولكن طالما احكمنا عليها لماذا ؟
الاجابات كلها مجرد ادعاءات ليس لها صحة ولا تملك اى نوع من الاقناع

سلمت يمناكى

لكى منى كامل الاحترام والتقدير
واتاسف لاطالتى

ليكى منى :)

من بعيد اوى .. بكتبلك

موناليزا يقول...

ذى ما انتى اياكى تتحركى
صور ايه اللى هتشتريها
الاصل حلو جدا ماتجيبيش معاه حاجة
تعرفى الاصل دايما بيكون فى البيت يعنى كل الصور المزيفة بتكون فى الخارج اما فى البيت بقى فكل واحد على حقيقته

همس الاحباب يقول...

الف مليوووووون مبروووووووووك لكاميليا
وعقبال ما نشوف شهد وحنين ونعملهم احلى سبوع فى الدنيا
ولا ايه رايك اسم خالد اورجينال
سيبك منه

Mafrousa يقول...

انا جيت
ازيك يا قمر
اخبارك ايه
عارفه خلاص الناس اغلبها بقت صور
و ساعات بتبقى صورة مقلدة
و الافظع بقى انك بتتعبي نفسيا لما بتلاقى الشخص اللى قدامك صورؤة
و بقعدي تأنبي نفسك انا ازاي بالغباء اني ما أخدتش بالى
انا كده اتضحك عليا

و جعتي قلبي و الهمتينى ببوست حروح جري اكتبه

دعاء مواجهات يقول...

سيبكم الصور

الاصل دوما هو ما يبقى


وحشاانى اوى ياقمر


بيس

خواطر ليست عابرة يقول...

أحييك علي هذا البوست الرائع
فيه ناس كتيير بيكوني صورة مرسومة بدقة شديدة يصعب اكتشافها
وفيه ناس عليها شوية مساحيق ممكن نكتشفها
وفيه ناس بتتحاول تتجمل طيبين ومفقوسين
وفيه ناس شر عليهم مش قناع واحد بل ميت مليون قناع
هذا البوست الرائع ذكرني ببعض الخواطر التي سجلتها عن الصدق علي مدونتي المتواضعة التي أدعوك لزياترتها
تحياتي
http://khawater3.blogspot.com/

Doba يقول...

من اكتر المشاكل اللى بتواجهنى وانا بتعامل مع الآخرين انى مش بعرف البس أقنعه فى وقت هما محتاجيين منى اعمل كده

وخاصة فى شغلى

انا لو زعلانة بيبان على وشى ولو فرحانة ولو مهمومة - كل يا بنتى مفضوح من عينيه فمبعرفش

مشكلتى بقى فى انى بتصدم لما بتعامل مع اللى بيلبسو وشوش وشاطرين قوى فى تغيريهم بيصيبونى باحباط بس فى الآخر بحس انى بتعلم منهم حاجة او فيه منهم رسالة ربنا باعتها علشان نتعلم اننا على حق وان الغش الخداع ملهوش قيمة

نفسى اتعرف عليكى اكتر لو تعرفى حد من اللى اعرفهم حاولى تاخدى تليفونى وكلمينى او ابعتيلى رقمك واكلمك

تحياتى يا ام قلب كله حنين
هبة

Unknown يقول...

السلام عليكم ورحمة الله وبركاته
لحد الحين مازلت اعتمد على الاحساس
والقلب لاعرف ان كان ما أمامى قناع ام حقيقة بالرغم من انى (اتقرصت)مائة مرة وبرضه ما حرمتش !!!!!

خمسة فضفضة يقول...

السلام عليكم ورحمة الله وبركاته

اليومين دول نادر اوي لما تلاقي اصل
كله صور وصور مهزوزه كمان

Unknown يقول...

حنين القلب
فى ناس لهم صورة واحدة بس صحيح بيتعبوا كتير فى حياتهم وهم ناس قليلين جداا لكن موجودين

لفتةلطيفة منك لكاميليا وهى اهل لكل
احترام وحب
ربنا يوفقها يارب

Unknown يقول...

حنين القلب
فى ناس لهم صورة واحدة بس صحيح بيتعبوا كتير فى حياتهم وهم ناس قليلين جداا لكن موجودين

لفتةلطيفة منك لكاميليا وهى اهل لكل
احترام وحب
ربنا يوفقها يارب

Yahia يقول...

بصي يا حنين ...... الحياة بتفرض علينا ان يكون لينا اشكال كتتتير واحنا في الحياة وده بيختلف بأختلاف أمكنا زي مثلا في الشغل ممكن تكون مدير صارم وفي البيت أب دمه خفيف ومع مراتك رومانسي وده مش معناه انك بكذا وش أو انه ليك صور كتتير ، كتير منا بيغير اسلوبه في الحياة حسب الموقف اللي هو فيه وده مش نفاق . ولو فكرتي بجد وركزتي هتلاقي ان ليكي اكتر من شخصية بتختلف باختلاف الناس والاماكن والاوضاع. والشاطر اللي يعرف يميز بين الشخصيات دي ويعرف بيتعامل مع اي شخصية في اي وقت. وطبعا في سيمات عامه لكل واحد بس دي بتكون الخطوط العريضه لكن التفاصيل ممكن تكون متناقضه بشكل كبير.

تحياتي

حنين القلب يقول...

همس الاحباب
والله يا خالد كلنا تعبنا من الوشوش والصور ودى مش بقت مهزوزه بس لا دى محروقه كمان
تسلملى يا ابو همس

حنين القلب يقول...

ضد التيار
فعلا يا حبيبتى عندك حق

للاسف لما بيظهر الاصل بحس انى انضحك عليه او انى كنت غبيه لانى مش عرفت حقيقه الانسان ده قبل كده
وصدقينى دى بتكون صدمه جامده خاصه لو الانسان ده قريب منك
حاضر مش هشترى صورا لانى اصلا مش هعرف استعملها حتى لو جبتها
نورتينى يا عسوله

حنين القلب يقول...

همس الاحباب
يا سيدى انت اتعقدت من الصور علشان المصور طلع ليك اصل و6 عفاريت
يا خالود ده الطبيعى تلاقى الاصل اصلا مش بتاعك والعفاريت بس هى اللى بتاعتك
وبعدين هتفرق معاك ايه منتا كده كده وحش ولا انت عايز الصورة تطلع فيها شبه حسين فهمى
صبرنى يا رب

حنين القلب يقول...

همس الاحباب

رايحة تشترى صور ليه كفاية اللى عندك ولا بقوا عفريته ولا ايه
اه انت فاكرنى شبهك لا يا عم انا حلوة وصغيرة لا طويله ولا قصيرة .واخدلى بالك انت يا خالود

وبعدين تعالى هنا انتى بتذاكرى من ورانا يا بنت ولا ايه
مش ينفع كده احنا هناخد على كده

يا عم خد براحتك بس هى كانت مرة وخلاص خلاص يا لمبى

الـسـيـدة نـون يقول...

كل يوم
نفعل أشياء متعددة
نتلون نتشكل
كل يوم
نرتدى شخصيات عديدة
نخلع شخصيات عديدة
مختلفة .. مختلفة .. مختلفة
فى ذات الوقت
نمسك بخيوط الشخصيات المتعددة المختلفة
فى كياننا
فى حنايانا
فى قاع عقولنا
حتى لا نكتشف ولا تنكشف نوايانا المتقلبة
ولا اختلاف شخصياتنا
ففى النهاية
جميع الامور المتعددة المختلفة
جميع الشخصيات المتلونة المتسللة
هى بيننا وبين انفسنا
نحن الحقيقية

بس خلاص
فهمتى حاجة يا حنين
اصل انا مافهمتش

سلام
اختك خيخة

حنين القلب يقول...

حسن حنفى
فعلا كده اللى بيلبس وش مش وشه بيكون عايز يدارى شىء قبيح طيب ليه مش يصلحه احسن ما يداريه

نورتنى يا حسن

حنين القلب يقول...

عبده الرايق
شوفت يا روقه
هو خالد كده علطول محتل المدونه
والله خايفه افتحها فى يوم القى مكتوب عليها مدونه همس الاحباب الثانيه

ربنا يستر

حنين القلب يقول...

عبده الرايق

شوفت يا عم هو العلم بيتطور علشان نزيد خداع وغش ولا علشان نصلح من نفسنا
رووووقه
وحشتنا اوى بجد ويا رب ترجع تنور مدونتك ومدونتنا كلنا الضاحكون تانى

ربنا يتم شفاك على خير يا اجدع اخ فى هذا العالم التدوينى

حنين القلب يقول...

appy

طيب ماشى مش هغيير الاصل بس يا رب ينفع مع الناس

والله الشريحه كانت محروقه ورجعتها ومش عليها اى رقم بس الحمد لله وصلت لرقمك وهتصل اهه

آبى بحبك اوى خالص موووووووووه

حنين القلب يقول...

البحث عن انا شىء جنونى

تعليقك اكتر من رائع
ده المفروض يكون بوست مش تعليق


ما اجمل ان نكون كما تريد النفس ان تكون

جميله جدا الجمله دى بتقول اللى جوايا ومش كنت عارفه اوصله
تسلم ايدك انت

من بعيد اوى .. بكتبلك
من بعيد فييييييين ؟

نورتنى

حنين القلب يقول...

موناليزا
طيب حاضر مش هتحرك

والحمد لله ان الاصل دايما بيكون فى البيت لانى دايما بكلمكم من البيت يبقى بتكلم بالاصل
بس عارفه والله الاجمل انك تكونى بالاصل فى كل مكان جوا البيت وبره

نورتينى

حنين القلب يقول...

همس الاحباب

الف مليوووووون مبروك ليها ويا رب يبارك ليها ويوفقها
وعقبال ما نشوف شهد وحنين ونعملهم احلى سبوع فى الدنيا

ياااااااااا رب يا خالود وانت اللى تيجى تدق الهون بنفسك ولا ايه؟؟

ولا ايه رايك اسم خالد اورجينال

ليه كده يا عم منتا كنت ماشى كويس
خالد مين وانا ابقى ام خالد لالالالالالالالالالالالالالالالالالالالالا
انا ابقى ام الخلول ارحم
وافرض الواد طلع شبهك اموته انا
يعنى انا صابره كل ده والاخر اجيب خالد
يا رب اكرمنى بحنين وشهد وخالد يلا زى بعضه اياك يتمر فيك

حنين القلب يقول...

واحده مفروسه
ازيك يا حبيبتى وحشتينى موت
اخبارك ايه انتى
والله عندك حق انا سبب كتابتى للبوست ده ان واحده من اعز صديقاتى بعد عشرة اكتر من 10 سنين اكتشفت انها مش صحبتى كانت صدمه ليه صعبه اوى
حسيت انى غبيه جدا انى كل ده مش عرفتها على حقيقتها
يلا ربنا يصلح حالنا جميعا ويحرق كل الصور اللى فى البلد

و جعتي قلبي و الهمتينى ببوست حروح جري اكتبه

سلامه قلبك يا حبيبتى
روح يا عم اكتب احنا هنيجى جنبك فين

حنين القلب يقول...

دعاء مواجهات
صدقتى
صدقتى
فعلا الاصل دايما اللى بيفضل
والله انتى وحشانى اووووى يا دودو
موووووووووووووه
بيس يا وومن

حنين القلب يقول...

خواطر ليست عابرة

طيب برضه السؤال قائم
ليييييييييييه؟؟؟؟؟
ليه بنلبس اقنعه
ليه بنزيف صور
ليه مش بنتعامل من جوانا
ليه لما بنحب مش بنحب بجد ولما بنكره مش بنقدر نقول كده فى وش اللى بنكرهه

نورتنى وان شاء الله هروح حالا ازورك

blue-wave يقول...

لأن حياتنا كلها بقت مجموعه من المواقف الخادعه
تحياتى

حنين القلب يقول...

doba
للاسف انا كده برضه يا هبه
كل حاجه بتترسم على وشى
الفرحه قبل الحزن
وكله بيتفضح فى عينى لو بكره حد او مش مرتحاله بيبان فى عنيه جدا انى مش طيقاه وطبعا بحاول ادارى بس كل محاولاتى بتفشل فشل ذريع
حلوة ذريع دى يا حلاوتك يا نونه وانتى بتتكلمى من المعجم

المهم
انا نفسى اتعرف عليكى اكتر والله يا دوبا ونفسى نكون اصحاب بجد واتصلت فى كام اجتماع تدوينى واسئل عنك واما القيكى مش روحتى واما القيكى مشيتى
اخر مرة اتصلت بخيخه وطالبت اكلمك قالتلى دى مشيت والله زعلت اوى
بصى يا ستى انا رقمى مع خيخه
معلش هتعبك خديه منها وكلمينى وان شاء الله هنكون اكتر من اصحاب
بحبك اوى خالص
مووووووووووه دى مش ليكى دى ليوسف

حنين القلب يقول...

norahaty

وعليكم السلام ورحمه الله وبركاته
لحد الحين مازلت اعتمد على الاحساس
والقلب لاعرف ان كان ما أمامى قناع ام حقيقة بالرغم من انى (اتقرصت)مائة مرة وبرضه ما حرمتش !!!!!


والله وانا برضه اتقرصت كتير بس اصلى مش ادمنا غير اننا نجرب واما نفشل او ننجح
واعترفى انك احيانا كتير بتنجحى فى اختيار الاصدقاء المنسبين
يعنى مش علطول قرص ولا اييييييييييه؟؟
نورتينى

حنين القلب يقول...

خمسه فضفضه
وعليكم السلام ورحمه الله وبركاته
والله عندك حق
بس هنعمل ايه ؟؟
اما ندور على الاصل بين الصور
واما نبعد عن الكل ونعيش لوحدنا وده صعب جدا

نورتنى

حنين القلب يقول...

نهر الحب


فى ناس لهم صورة واحدة بس صحيح بيتعبوا كتير فى حياتهم وهم ناس قليلين جداا لكن موجودين

عارفه يا ستى انهم موجودين بس فييييييييين مش انكر انى قبلت اللى كده واللى كده بس الصراحه تعبت اوى من الصور

لفتةلطيفة منك لكاميليا وهى اهل لكل
احترام وحب
ربنا يوفقها يارب
عقبالك يا حبيبتى انتى كمان ونفرح فيكى يا رب
اييييييوه يا جدعان قصدى ليكى
ههههههههههههههههههههههههههههه
نورتينى

حنين القلب يقول...

yahia


بص يا استاذ يحيى


ماشى هوافقك ان الحياه ممكن تفرض علينا كده انما بعض الوقت مش كل الوقت تبقى لابس قناع دى حاجه تخنق وامتى نفوق لنفسنا ونشوفها على حقيقتها للاسف اللى دايما بيرسم لنفسه صور الاخر شكله بيشوه ولا بيبقى اصل ولا حتى صورة
انما عن نفسى انا شايفه نفسى اصل والحمد لله انما لو بتغير مش معنى كده ان دى صور وبغيرها لا دى طباع وصفات وبحاول اصلاحها

سلامى لدوبا ويوسف

حنين القلب يقول...

بنت مش خيخه ولا اى كلام


ده مش تعليق
ده بوست
ايه التعليق الجامد ده يا خوخه
فهماكى والله يا حبيبه قلبى

بس اتمنى يجى علينا يوم نكون شخصيه واحده واصل واحد من غير ما نتلون ولا نتبدل

ففى النهاية
جميع الامور المتعددة المختلفة
جميع الشخصيات المتلونة المتسللة
هى بيننا وبين انفسنا
نحن الحقيقية
عجبنى اوى كلامك يا خوخه

خوخه وحشتينى موووووووووووت
مووووووووووووووووووووووه دى لشيكو
بحبك اوى

الـسـيـدة نـون يقول...

صعب اوى ان احنا نكون شخصية واحدة
وده مش معناه نفاق او كدب

بس غصب عنك انتى ممكن تاخدى راحتك مع واحدة صاحبتك فى التهريج والهزار والكلام والدردشة
وماتقدريش تكونى نفس الشخصية دى مع اهلك مثلا او مع جوزك

كل انسان مننا ليه اصول كتير اوى
مش هاقولك صور

لان زى ما قلتلك قبل كدة
لو جمعنا الشخصبة اللى بنكون عليها مع ماما
والشخصية اللى بنكون عليها مع صاحبتى
والشخصية اللى بنكون عليها مع زميلتى
والشخصية اللى بنكون عليها مع عم عبده البواب
وهكذا دواليك دواليك
هنكون فى الاخر
نحن الحقيقية

بس خلاص
وانتى كمان وحشانى يا حنين

سلام
اختك خيخة

حنين القلب يقول...

بنت مش خيخه ولا اى كلام

صعب اوى ان احنا نكون شخصية واحدة
وده مش معناه نفاق او كدب
بس غصب عنك انتى ممكن تاخدى راحتك مع واحدة صاحبتك فى التهريج والهزار والكلام والدردشة
وماتقدريش تكونى نفس الشخصية دى مع اهلك مثلا او مع جوزك

والله ما عارفه يا نوران بس للاسف انا واحد مع الكل بعصبيتى وهزارى وضحكى وصوتى العالى احيانا لان دى طبيعتى مش بعرف اغيرها


كل انسان مننا ليه اصول كتير اوى
مش هاقولك صور

انا متفقه معاكى بس دى مش لخداع حد او لتزيف الاصل

لو جمعنا الشخصبة اللى بنكون عليها مع ماما
والشخصية اللى بنكون عليها مع صاحبتى
والشخصية اللى بنكون عليها مع زميلتى
والشخصية اللى بنكون عليها مع عم عبده البواب
وهكذا دواليك دواليك
هنكون فى الاخر
نحن الحقيقية
اهم حاجه اننا فى الاخر نبقى الحقيقه


سلام يا خوخه

غير معرف يقول...

بجد بجد انتي بتتكلمي صح
انا كتير بفكر في الموضوع ده ،، احساس مقرف اوي لما بتشوفي صورة حد وبعدين تمأئي عنيكي فيها تشوفي تفاصيل تانية وعيوب وبلاوي كانت مستخبية او ما تشوفيهاش وتبان هي بعد كده
ربنا يستر ويلطف

مها ميهوووو

حنين القلب يقول...

احسن تستاهل
ازيك يا حبيبه قلبى

اه والله وشوفت كتير وشوش اتغيرت ادامى مهو ده اللى معقدنى

ربنا يستر يا روحى
مها بحييكى على بوستك الاخير
وعلى فكرة انتى كمان بتعجبينى جدا وبحبك اووووووووى

حاول تفتكرنى يقول...

قضية أزلية
ولكننا لا نعدم جيلة فى الإجابة على تلك الأسئلة

فالصورة لا تصمد كثيرا أمام الإدراك الكلي لها

الأصل هو من يبقى

لن أنسى الإشادة الصادقة بالمدونة

تحياتي

أحــوال الهـوي يقول...

دايما الذي يتصنع ينكشف يعني البنت اللي بتسترأ (بتعمل نفسها رقيقه ) بيبان عليها و الجبان اللي بتصنع الشجاعة بيظهر في اول موقف و الذي يدعي انه علي بيه مظهر بيبان الخ و من الممكن ان تقولي لماذا نتجمل امام الناس و التجمل ليس قناع و لكن رتوش تحلي الصورة

التوازن النفسي يجعلنا نظهر بطبيعة واحدة و لا مانع من بعض الرتوش

تحياتي

حنين القلب يقول...

حاول تفتكرنى

اكيد الاصل هو اللى بيبقى بس بعد قد ايه بعد ما يخدع كام حد ويتسهلك كام قناع


نورتنى والمدونه مدونتك

حنين القلب يقول...

احوال الهوى

لا مانع من الرتوش اللى تحلى الصورة انما مش تغير ملامحها ولا تظهر بصفات مش فيها علشان تجذب الانظار ليها

التوازن النفسي يجعلنا نظهر بطبيعة واحدة و لا مانع من بعض الرتوش
اكيد طبعا التوزان النفسى عليه عامل قوى

نورتنى

صبرني يارب يقول...

للاسف اه فى ناس كده
بس اكيد لسه فى ناس ما عندهاش وشوش ولا حاجه
وياريت كل الناس يبقوا كده والله من وحهة نظري اريح كتير لهم حتى

تحياتي ليكى والموز وصيت عليه ومعاه برتقال كمان ولا تزعلي

حنين القلب يقول...

صبرنى يا رب

اكيد يا صبرنى بس نادرا ما بنلاقى حد كده
طبعا اريح

تحياتي ليكى والموز وصيت عليه ومعاه برتقال كمان ولا تزعلي

ولا شوفت حاجه
ادينى مستنيه اهه
اقولك حاجه
مدونتى نورت بتعليقك والله

MaNoO يقول...

لأن الانسان اللى بيخبى ده اتعود انه دايما يبقى ورا ساتر وعشان كده كون شخصيته انه دايما خايف ودايما ويوصل المعلمة بطريقة كمان فيها جبن بس عارفة والله الحاجات دى معدتش بتأثر فى حركات كده وكلام معين يظهر حقيقة اللى قدامك

غير معرف يقول...

滿..........................................................