RSS

الأربعاء، 20 مايو 2009

حتى الاعضاء اتسرقت !!!

السلام عليكم ورحمه الله وبركاته
اسمعوا معايا اللى حصل
وده حصل بجد وبحق وحقيقى مش تأليف والله .
فى محل ملابس فى بوكلى واللى مش يعرفها دى قريبه من رشدى واحده ست دخلت تشترى طقم ودخلت تقيسه فى البروفه وجوزها كان معاها مستنيها قدام المحل
اكتر من ساعه وجوزها مستنى وهى مش رجعت دخل يسئل عليها فى المحل صاحب المحل واللى شغالين فيه اكدوا ليه ان مراته خرجت من المحل من بدرى رد جوزها ازاى انا مش شوفتها يعنى راحت فين ؟؟؟
وروح جوزها وفضل منتظر مراته مش رجعت
راح بلغ البوليس قالوله لازم يمر24ساعه على اختفائها علشان تقدر تعمل بلاغ
الراجل فضل يدور عليها والاخر وبعد ما طلعت روحه عملوا ليه البلاغ وجوزها اكد انها مش خرجت من المحل
راحوا وفتشوا المحل ومش لاقين حاجه
وفجأة!!!!؟؟؟؟
وهما بيفتشوا فى البروفه لقوا ان فيها زرار تحت شماعه الهدوم يضغط عليه ينزل زى الاسانسير فى سرداب ولقوا تحت جثه الست مرات الراجل مدفونه ومتاخد منها كل اعضائها ومعاها كمان جثتين برضه متاخدين اعضائهم
طبعا المحل اتشمع وخدوا كل اللى فى المحل وبيحققوا معاهم
بس فيه اسئله هتجننى
اولاً\ مين الدكاترة اللى بيعملوا العمليات دى مهو مش معقول جايبين ناس من المدبح اكيد دول دكاترة ومتخصصين كمان ؟؟؟
ثانياً\ ازاى بتتنقل وتتباع وتشترى وتدخل مستشفيات والناس اللى بتتنقل ليهم الاعضاء دى مش بيسألوا منين ليه ؟؟
ثالثاً\ والاهم فين الضمير فين الخوف من ربنا
ليه اللى بيعمل كده مش يبص لبنته او مراته او امه او اخته انها ممكن يتعمل معاها كده واكتر من كده كمان
المهم يا بنات حوا
اننا ناخد بالنا والاحسن اننا مش نقيس هدوم بره الاول كانوا بيصورو الاعضا ء دلوقتى بيسرقوها واحسن من كل ده اننا مش نشترى هدوم هيحصل ايه يعنى ؟؟
خلاص مش فيه امان فى اى مكان يبقى احنا اللى نأمن نفسنا
وربنا يستر علينا

53 التعليقات:

همس الاحباب يقول...

لا حول ولا قوة الا بالله

همس الاحباب يقول...

خلى بالك من نفسك
انا هزعل عليكى قوى
وممكن اقف 40 ثانية حداد على روح الدكتور
لانى مقتنع انه هينتحر من الخوف والرعب
ههههههههه

همس الاحباب يقول...

ربنا يسترها علينا جميعا
فعلا الموضوع اصبح جد خطير
وانتشرت سرقة الاعضاء وخصوصا من الاطفال
والنساء كماان
وغاب الضمير والاخلاق
احييكى على موضوعك
ونعتبره جرس انذار للجميع
تحياتى

رحلتنا في الحياة يقول...

لا حول ولا قوة الا بالله هى وصلت لكده حاجة غريبة بجد مش قادرة اصدق
بس دلوقتى مفي غريب فى البلد العجيب اللى مش هينصلح حالها ابدا

Empress appy يقول...

القصه دي حصلت هنا فى وسط البلد يا حبيبتى برضه من قريب انا مش عارفه بجد ازاي تتكرر

صبرني يارب يقول...

يا حنين البلد ما عادش فيها شرطه والله

صدقوني فى استهبال

عارفه

احنا عندنا في المنصوره حاليا

عصابه بتخطف الاطفال

بجد والله مش هزار

حالات سرقة الاطفال بالهبل

عارفه مسكوهم ازاي ؟؟

مش كلهم طبعا

مسكوه منهم ناس

عارفه ازاي

الاهااااااالي مسكوهم

لو حد من المنصوره يعرف طلخا فى موقف المحله

واحده منقبه حاول تخطف بنت بس المكان هناك زحمه والبنت صرخت والناس عندهم خلفيه عن موضوع الخطف
كله اتلم ومسكوا الست الى طلعت تجري

ولا اصلا اصلا طلعت راجل

رنوه علقه وسلموه للقسم

وتاني يوم مانشيتات فى جرايد محليه مسكنا الحراميه

شوفتي بقى المسخره الى احنا فيها ؟؟؟

saragebaly يقول...

لا حول ولا قوة الا بالله

اللهم ارفع عنا هذا البلاء

بجد الدنيا مبقاش فيها امان

من قتل لخطف اطفال لاغتصاب لسرقة اعضاء

ربنا يحمينا يااااارب ويهديهم يارب

مش عارفة بجد اقول ايه
؟؟؟؟!!!!

ربنا يبعد عن الجميع كل شر يارب ويسترها معانا

لاحولا ولا قوة الا بالله

حنين القلب يقول...

همس الاحباب

حسبيا الله ونعم الوكيل
كمان

حنين القلب يقول...

همس الاحباب

والنبى ايه ؟؟
هتزعل عليه اوى
وربنا تلاقيك من جوا منك بتقول
يا رب يكون الدور الجاى عليه

والله لو حصلى حاجه هبلغ عنك واقول انك انت اللى مسلط عليه

وهتقف 40 ثانيه على روح الدكتور
ليك عليه يوم ما اخلص منك هقف 4 ايام وهنام زى الخيل
هههههههههههههههههههههههههه
بس اخلص منه يا رب

حنين القلب يقول...

همس الاحباب

ربنا يستر علينا جميعا يا رب

صح خالود
فعلا الموضوع زاد اوى عن حده بس لازم يكون فيه عقاب شديد ورقابه اشد

الحمد لله ان الموضوع عجبك

نورتنى يا باشا

حنين القلب يقول...

ايوشه

البلد هيتصلح حالها
لما يبقى فيه ضمير وخوف من ربنا
لما يبقى البلد فيها قانون من حديد
لما يبقى فيه رقابه على كل شىء

وقتها بس البلد هيتصلح حالها

نورتينى يا سكرة

حنين القلب يقول...

صبرنى يا رب


ده استهبال واستعباط وداخلين على العته

يا بنتى خلاص الشرطه دى كانت زمان

وعندنا برضه يا صبرنى الموضوع بقى خطير جدا
والله كنت متوقعه انها مش ست

والله احسن المفروض دول يتعدموا فى ميدان عام

شوفت ياختى
خلى بالك من مريوم ورحوم وخالود حبايبى

حنين القلب يقول...

appy

عادى يا آبى
مهى لازم تتكرر مرة واتنين مدام مش فيه رقابه على الاماكن دى

وحشانى يا سكرة والله

حنين القلب يقول...

saragebaly

اللهم امين

قولى حسبنا الله ونعم الوكيل

اميييييييييين يا رب

تورتينى يا سكرة

kochia يقول...

فعلا الموضوع ده صحيح ؟
ممكن يكون اشاعات لان الحكاية دي منتشرة برده في السويس علي محل دهب
بتفاصيل مشابهة

نبض اسكندرية يقول...

حنونة

والله خلتينى بلعت ريقى بعد ما قريت البوست من القلق

بجد بيحصل كدة عندنا هنا
دة انا رجلى فى بولكلى ليل ونهار

يانهار اسوس
وبعدين بقة فى القلق دة؟
اجيب مسدس اشيلة معايا ولا اجيب مطواة؟

تفتكرى انهو ااحسن
:))

يارب سترك
تحياتى ياقمراية ووحشتينى اوى اوى اوى

hasona يقول...

السلام عليكم

الامان ضاع مع حاجات كثيرة
وضاع معه أمور جميلة
وأصبحنا نخاف من كل شئ وأي شئ


ربنا يعديها علي خير

حسبنا الله ونعم الوكيل

الطائر الحزين يقول...

سمعت هذه الانواع من القصص بس فيه سيناريو الواحد ممكن يصدقة والتانى لا يعنى الزر بتاع البروفة ده حاجة متتصدقش لانهم عارفين اكيد هيعرفوه والناس اللى فى المحل هيتبهدلوا

اما موضوع الدكاترة نفس اللى قلتيه والله قلته موضوع البحث محصور فى الاطباء مش بس الاطباء لا الجراحين وكمان القريبين من منطقة الخطف وكمان اللى سمعتهم سيئة ...

حفظكم الله وايانا من كل سوء

حنين القلب يقول...

كوشيا

انا سمعته من واحده صاحبتى ساكنه فى نفس المنطقه وجه كمان فى برنامج 90 دقيقه

اظن انه حقيقى
لان التحقيق فيه شغال على حسب الكلام اللى سمعته فى البرنامج

والله اعلم

حنين القلب يقول...

نبض اسكندريه

حبيبه قلبى
انتى اللى وحشتينى موووووووووت والله

يا حبيبتى مش فيه امان لازم ناخد بالنا
والله يا ستى على حسب الكلام اللى بنسمعه فهو صح

طيب خلى بالك بقى وبلاش تشترى هدوم شوفى لينا حد يسلفنا هدوم من عنده اهه نوفر شويه
هههههههههههههههههههههههههههههههه
لا يا ستى خليها مطوة اهه ارحم من المسدس وارخص كمان

نورتينى يا سكرة ويا رب تنورينى دايما

حنين القلب يقول...

hasona

عليكم السلام ورحمه الله وبركاته

اكيد طبعا
اه والله عندك حق

حسبنا الله ونعم الوكيل

حنين القلب يقول...

الطائر الحزين

ازيك يا ايهاب

والله ما عارفه بس انا سمعتها بنفسى فى برنامج وواحده صاحبتى هى اللى قالت ليه حكايه الشماعه دى وصاحبتى ساكنه فى نفس منطقه البوتيك

وبعدين هما لقوا الجثث تحت المحل تفتكر كده الناس صحاب المحل مش هيتبهدلوا؟؟

اكيد لازم يكون رقابه جامده على الاطباء
شوفت اللى اكتشف علاج للسرطان وجربه على الناس بقى اللى ياخد من العلاج ده يموت فورا
دى شوفتها بنفسى ومتاكده منها بقى

امين يا رب يحفظنا جميعا

نورتنى

beautiful mind يقول...

الموضوع بجد وانا بقراه كنت مرعوب هو حصل ايه للناس يا جماعه ولا احنا معدناش بشر ولا ايه
المفروض والله الناس دول اللي عملوا كدا يتعدموا في ميدان عام قدام كل الناس وياريت يكون في محطة الرمل علشان اسكندرية كلها تتفرج عليهم

♥نبع الغرام♥♪≈ يقول...

السلام عليكم
اختى الحبيبه
اشكرك لمرورك الكريم
ومعلهش للتأخير انا الحمد لله رجعت وان شاء الله نتواصل
بس بجد موضوع خطير وفى غاية الاهميه
وحسبى الله ونعمه الوكيل تحياتى
وادعوكى لزيارة البوست الجديد
إيناس

VÖltaa يقول...

حكاية صعبة اوى بجد

ربنا يسترها معانا جميعا

بس هوه سرقة الاعضاء للحريم بس ولا ايه ؟

يعنى لو كده الواحد يطمن ويحمد ربنا انه راجل

هههههههه

عاشقه الرومانسيه يقول...

بصى بقى
انا مش هاقول زى اللى قالوا فوق واشجب واعترض
لكن هاطلع فرمان حاااااالا
انا مش هاقيس اى هدوم فى اى بروفه فى اى محل فيكى يابلد
وهابقى اجيب هدوم واسعه واضبطها على مقاسى
اه
العمر مش بعزقه
انا لسه صغيره وعايزه افرح بشبابى واتجوزززز

سمعانى
اتجوزززززززززز
ياااااااارب عريس وشقه وعربيه
طول عمرى احلامى متواضعه ياعالم

Ehab يقول...

ايه ده
ايه الرعب ده بقى
يعني الواحد يدخل محل ميطلعش منه

القصه تخوف بجد مش بهزر
ازاي الواحد يفقد حد بالسهوله دي كده
تفتكري لو كان الراجل ده ليه حد مهم في البلد وخلاهم دشدوا المحل اول لما مراته اختفت جوه كان ممكن لحقوها

مش عارف اقول ايه العمر ده بايد ربنا ومفيهوش تغيير يعني هو عمرها كده لكن الموقف نفسه والأهانه لجسدها
ايه اللي احنا وصلنا ليه ده

بتقولي نأمن نفسنا ازاي بصراحه مش عارف
ما هي اخدت جوزها معاها المحل وهي بتشتري هتعمل ايه اكتر من كده

ربنا ينجينا ويحسن خاتمتنا جميعا

سلااااااااااااااااااااام
اخوكي ايهاب

حنين القلب يقول...

beautiflu mind

اللى حصل قله ضمير

انشاء الله هيتعدموا بس انت مصمم على محطه الرمل ؟؟؟
اصلها بعيده عنى شويه وانا كنت عايزة اتفرج

نورتنى

حنين القلب يقول...

عاشقه الاحزان

عليكم السلام ورحمه الله وبركاته

لا شكر على واجب يا سكرة
حسبنا الله ونعم الوكيل

هاجى ازورك علطول

نورتنينى يا سكرة

حنين القلب يقول...

mo7ammed

يا رب يسترها علينا كلنا

انت فرحان فينا ولا ايه ؟؟؟
بكرة لما يخلصوا علينا اكيد هيبقى الدور عليكم

ههههههههههههههههه
وبعدين هما بياخدو اعضاء الستات لان التجربه اثبتت اننا اعضائنا بتكون مش فيها اى ميكروبات او فيروسات ودمنا عسل وشربات
ههههههههههههههههههههههههههههه

حنين القلب يقول...

عاشقه الرومانسية

نعم يا ستى

شاااااااااااااطرة يا روح قلبى
وتشترى وتظبطى وتتعبى نفسك ليه؟؟؟

يا بنتى نشحت هدوم اسهل من كل ده
ههههههههههههههههههههههه

يخرب بيت الجواز اللى هيجننك ده
وصغيرة ايه انتى 43سنه يعنى كفايه عليكى كده
يا عينى على الاحلام المتواضعه
عريس وشقه وعربيه
ممكن تلاقى الشقه والعربيه انما العريس مش اظن
هههههههههههههههههههههههههه
وش بيغيظك وبيطلع لسانه

حنين القلب يقول...

الشنكوتى الكبير

تخيل بقى يا ايهاب
اااااااااااااه والله لازم نخاف
ممكن كانوا لحقوها وممكن لا
الله اعلم

اكيد طبعا كل شىء بايد ربنا بس مش يقتلوا ويسرقوا ونقول ده عمرها

اللى وصلنا لكده
الجشع والطمع وقله الضمير والبعد عن ربنا

منا قولت الحل مش هنشترى هدوم

اللهم امين
نورتينى يا ايهاب

ذو الوجه المبتسم يقول...

لا حول ولا قوة الا بالله

الموضوع ده انتشر بالفعل
لكن زي ما بتقولى مين هما الدكاترة اللى بتعمل كده
وتخصصهم ايه اصلا
وضميرهم فين
معقول الفلوس تعمى عين الناس للدرجة دى
من الاخر دول مش بشر زينا
دول تقدرى تقولى عنهم ؟؟؟؟؟؟؟؟
ولا بلاش .. اسكت احسن
ممكن يشوفو التعليق ويعجبهم اعضائى ويجوووو ياخدوها
ههههههههههههههه
ربنا يعفينا ويخرجنا من الدنيا سالمين مسلمين
تقبلى تحياتى

ذكرى رحيل قلم يقول...

السلام عليكم

ربنا يرحمنا

اكيد دكاترة بس معندهاش ضمير ولا قلب ولا روح عايشين بلغة الفلوس وبس ميهمش الطفل او الام او البنت
كله زي بعضه اللهم ارحمنا

حنين القلب يقول...

ذو الوجه المبتسم

انتشر جدا

طبعا الفلوس تعمى اى عيون ولو حتى نظرهم 6\6مدام مفيش خوف من ربنا

فعلا دول مش بشر دول حيوانات
من غير دين ولا ضمير ولا احساس
انا قولتها بس مش هيعرفوا ياخدوا اعضائى لانى الحمد لله عايشه بالمرارة بس لو عايزين ياخدوها هى اتفقعت ياخدوها
ههههههههههههههههههههههههههه

اميييييييييييييييين يا رب
نورتينى يا سكرة

حنين القلب يقول...

ذكرى رحيل قلم

عليكم السلام ورحمه الله وبركاته
امين يا رب

اكيد والله مش بشر
اللهم ارحمنا جميعا

ذو الوجه المبتسم يقول...

انا مش مسئول
لو عرفو بجد انك بتتكلمى عنهم
هيوصلوا لك
ومش مهم عندهم ياخدوا المرارة اذا كانت مفقوعة ولا سليمة
ههههههههههههه

بس بجد تفتكرى الحل النهائى ايه فى اللى بيحصل ده

عاشقه الرومانسيه يقول...

يانهااااااارك اللى ملوش ملامح
انا 43 سنه
يامرضعه فرعون انتى؟

وانا بقى فى موضوع العريس ده املى فى ربنا كبيييييييير

ياااارب عريس علشان اطلع لسانى واغيظ البت دى
عاااااااااااااااااا

mahasen saber يقول...

حسبى الله ونعم الوكيل

ربنا يصبر زوجها ويصبر اولادها

وينتقم من كل سفاح بالمنظر ده

بس القصص المرعبه دى بتخلينا ناخد بالنا برضه
بالرغم انه لا يمنع حذر من قدر
ربنا يستر علينا جميعا

أسير الجراح يقول...

لا حول ولا قوة الا بالله


حسبنا الله ونعم الوكيل


وربنا يرحمها ويصبر اهلها



تسلمى يا حنين على الموضوع

ويارب الكل يتعلم وما يستهونش بالموضوع

مودتى


اسير الجراح

شيماء جمال(شيمو القمر) يقول...

بجد ضاع الآمان

لا حول ولا قوة الا بالله

أنا تعبت من اللى بشوفه وبسمعه

تحياتى

حنين القلب يقول...

ذو الوجه المبتسم

انا بقى مسئوله ومش تخاف عليه يا سيدى
بس والنبى لو عندك اى مكان استخبى فيها منهم تبقى تشكر بجد
هههههههههههههههههههه

الحل ان يكون فيه عقاب صارم ويكون فيه رقابه والاهم من كل ده يكون فيه ضمير

حنين القلب يقول...

عاشقه الرومانسيه

اسكتى يا بت دنا كرماكى فى 6سنين هنضحك على بعض دنا الوحيده اللى شوفت بطافه التموين بتاعتك
اصلى على ايامك كانت لسه البطاقه الشخصيه مش طلعت
هههههههههههههههههههههههه

يا بنتى الدنيا امل
يا رب يبعتلك اى حد بدل ما تعنسى وتتعقدى وتبقى شبه زينات صدقى
هههههههههههههههههههههههه

حنين القلب يقول...

محاسن صابر


امين يا رب


اكيد طبعا
المفروض ناخد بالنا من غير ما نسمع قصص الدنيا مش فيها امان
يا رب يستر علينا كلنا
تورتينى يا ام عبد الرحمن

حنين القلب يقول...

اسير الجراح



يا رب يرحمها ويرحمنا احنا كمان من اللى احنا فيه ده


نورتنى

حنين القلب يقول...

شيماء جمال شيموالقمر

والله يا شيمو انا خايفه نصحى من النوم مش نلاقى فى البلد دى غير القتل والسرقه والنهب والقرف ده

لا حول ولا قوة الا بالله


لالالا مش تتعبى دلوقتى اصبرى شويه يا عالم بكرة فيه ايه؟؟؟؟

نورتينى

ابو صهيب ( الجمعاوي الاصيل)سابقاً يقول...

يانهار ابيض

الموضوع عندنا هنا

في بلد الامن الامن

اين الشرطة في خدمة الشعب

واين الشرطة والشعب في خدمة الوطن

ولا خلاص بقت الوطن والشعب في خدمة الشرطة

حسبنا الله ونعم الوكيل

لينا رب اسمه الكريم

خدوا بالكم ياجماعة من البروفات بعد كده مشلازم تقيسوا يعني

حنين القلب يقول...

ابو صهيب الجمعاوى الاصيل سابقا


اقول لحضرتك حاجه دلوقتى مش فيه حد فى خدمه الشعب دلوقتى الشعب كله فى خدمه الفلوس حتى لو كانت الفلوس حرام او من مصدر قذر

حسبنا الله ونعم الوكيل

انا قولت بلاش نشترى هدوم خالص
ايه رأى حضرتك

نورتنى

yoyo يقول...

حسبنا الله ونعمة والوكيل
ياساتر يارب لدرجة دى مش بقى فيه امان
ربنا يرحمها يارب و يصبر اهلها
وربنا ينتقم من الناس اللى مش عندهم لا دين ولا اخلاق

هو الحريم بس ولا ايه ؟؟
مش المفروض يكون فى مساواة بيت المرأة والرجل ولا انت ايه رايك بقى ؟!
ههههههههههه
احنا نعمل احتجاج بقى

ربنا يحفظنا جميعا يارب
دمتى اختى بالف خير وصحة
تحياتى
يويو

(حلـم) يقول...

لمؤسف ارخص شيء في عالمنا العربي..وعلي راي المثل المصري المال السايب بعلم الحريمة السرقة وهذا ينطبق ع الانسان لانة سايب والحومة فاضية تقمعة اذا اعترض اما اذا انسرق اوقتل بعد24ساعة زي ماتفضلتي وهكذاااااااااا اتمني التوصل.. حلم..

حنين القلب يقول...

yoyo

طبعا مش فيه امان نهائى
خدى بالك من نفسك يا بنتى

ااااااااااااااااه بيقواوا ان الرجاله الاعضاء بتاعتها بتستهلك من السجاير وحرق الدم انما الستات رايقين
هههههههههههههههههه

ماااااااااشى نعمل مظاهرة ونطالب بالمساوة فى سرقه الاعضاء

نورتينى يا سكرة

حنين القلب يقول...

حلم

بجد تعليقك رائع
فعلا المال السايب يعلم السرقه
والعقاب البسيط وقله الرقابه تعلم سرقه الاعضاء

نورتنى

غير معرف يقول...

滿..........................................................