RSS

الأحد، 14 يونيو، 2009

مصرى بدون جنسيه

السلام عليكم ورحمه الله وبركاته اولا انا ولا بفهم فى سياسه ولا غيره بس فيه حاجه كده استفزتنى امبارح كنت بتفرج على برنامج الحقيقه بتاع وائل الابراشى المهم يا جدعان ايه بقى المشكله ان المحكمة العليا اصدرت قرار بسحب الجنسيه المصريه من اى مصرى متجوز من اسرائيلية وده طبعا حفاظا على الامن القومى وعلى البلد وعلى حاجات كتير كده مش فاهمها طيب حاجه بقى حارقه دمى يعنى هو الاسرائليين اللى ماليين البلد والمشاريع اللى بقت كلها اجنبيه والغاز اللى بيتصدر بنص تمنه ليهم والعام اللى بيتخصخص وطبعا احنا غلابه ومش معانا نشترى مين بقى اللى بيشترى مين اللى بقى مالك اكتر من نص البلد سياحه واستثمار وغيره وغيره كلللللللللل ده عادى ومعاهده سلام بينا والجواز هو اللى لا وغلط ومش ينفع ولازم تنسحب منهم الجنسيه ومش يسمح ليهم بدخول البلد لانهم متجوزين من عرب 48 واولادهم كمان بقوا معاهم الجنسيه الاسرائيلية والراجل بتاع مجلس الشعب اللى اسمه البدرشينى ده مستفذ اصلا يقول للمصرى اللى بيكلم من اسرائيل دى مصلحه الدوله العليا يقوم المصرى يقوله والتطبيع منتوا ليل ونهار فاتحين ليهم الاحضان والبلد بلدكم ودلوقتى فيه سلام ومش عارفه ايه يقوله الدولة موافقه على التطبيع بس الشعب المصرى مش موافق وهو انتوا اصلا بتسمعوا كلمه للشعب المصرى بصوا بقى انا مش مع دول ولا دول بس يا نعيش عيشه فل يا نموت احنا الكل يعنى يا نقفل التعامل معاهم نهائى زى دول ما عملت كده مع انى عارفه ومتاكده اننا مش هنقدر علشان المعاهده يا اما يبقى تطبيع من كله والجواز كمان من ضمن انا مش عارفه اذا كان الكلام ده صح ولا ايه ؟؟؟ بس دى وجهه نظرى ومستنيه اسمع وجهه نظركم

17 التعليقات:

عاشقه الرومانسيه يقول...

اوووووووووول تعليييق
وسععععععععع
لعاشقه الرومانسيه

عاشقه الرومانسيه يقول...

والتانى وزرغتى يابت
لولولولولولىىىىى

صبرني يارب يقول...

يا حنين الموضوع ابعاده اكتر من كده بكتير

انتى عارفه يعنى ايه مصري اسرائيلي

جنسيه مزدوجه يعنى

ده موال كبير اوي اوي

وممكن هما بده يعملوا مواويل جامده جدا

عارفه لو المصري ده لو ورث حضرتك انه يبقى كده مصري متملك ورث وفى نفس الوقت هو اسرائيلي وبعد شويه هايبقبى متملمك لاسرائيلي صرف من الجيل التاني بقى

ويبقى له حقوق ويعمل بقى قضيه على المستوى العالمي وانتى عارفه ان العالم ده محكمته دايما مش لصالحنا

دى وجه واحد للي ممكن يحصل لو كان فى جنسيه مزدوجه من النوع ده

ومافيش بيع يا ستى فى سينا ولا بتاع وان كان فهي حقوق انتفاع كلها ومش لاي حد

سيبك من كلام البتنجان ده

حتى لو كان في اخطاء كتير فى البلد مش معنى كده اننا نقول يعنى هى جت على كده
ما تسبوهم يتجوزوا

يا اختي انشاله ما اتجوزوا الى باقي على جنسيته المصريه ما يتجوزش من اسرائيل ما خلصوش الحريم يا اختي

حتى لو كانوا من عرب اسرائيل
الموضوع يا بنتى اكبر وله خلفيات اكتر من نظرتنا العاديه للموقف

حلو البوست يا لولو
ماليش دعوه انتى الى قولتيلي قولي

صبرني يارب يقول...

بت يا دودو انتى جيتى امته رخامه دي والله

ماليش دعوه انا قريت وعلقت قبلك

ما يحسبش يا حنين انا الاولاني يا اختي

عاشقه الرومانسيه يقول...

مين اللى بقى مالك اكتر من نص البلد سياحه واستثمار وغيره وغيره
كلللللللللل ده عادى ومعاهده سلام بينا
والجواز هو اللى لا وغلط ومش ينفع
***********************
تقولى ايه
مااحنا كده نيجى فى الهايفه ونتصدر

يعنى بنات الدنيا خلصت مش باقى غير الاسرائيليات؟
وعلى فرض ان ده حصل
نسحب الجنسيه من اولادنا علشان ياخدوا الجنسيه الاسرائيليه والجواسيس يزيدوا ونساعد اسرائيل فى ان عددهم يزيد على قفانا
انا مش عارفه مين ابن التيييييييييت اللى بيحكم ويطلع قرارات ده؟

حاجات جوايا يقول...

مممممممممم
انتى بوظتى يا حنين وبقيتى بتتفرجى على مجلس الشعب
ادى اخره اللى يتابع المجلس

:(


بصى انا معاهم فى موضوع سحب الجنسية المصرية من اللى يتجوز اسرائيلية
اصلا ده يبقى حد معندوش دم بصراحة
يعنى لا عنده دم ولا جنسية

بالنسبة للغاز اللى بيتصدر لاسرائيل
والمستثمرين الاسرائيلين فدى حاجة ممكن تتغير فى يوم من الايام لو ربنا كرمنا بحكومة كويسة وقوية وتقدر تنشلنا من الديون اللى كسرة عينا ومش مخليانا نقدر نقبل او نرفض


لكن الجنسية دى حاجة تانية لانها هتمتد للجذور فيما بعد
وهتلاقى ناس كتير اسرائيلين حواليكى ومعاهم الجنسية المصرية
ومش هتعرفى تتعاملى معاهم على اى اساس
وهما هياخدوا حقهم من عينا ومحدش يقدر يكلمهم
ده غير ان الديانة اليهودية هتكتر فى مصر
واحنا مش ناقصين بلاوى

يعنى
دى وجهة نظرى المتواضعة
والله اعلم


سلام يا حبيبى

Soul.o0o.Whisper يقول...

السلام عليكم و رحمة الله و بركاته


بصى يا حنين ...

أنا مع صبرنى و سالى فى رأيهم

اهو على الاقل مش بايدى أوقف الغاز
و أرفض التطبيع

لكن بايدى ماقبلش على نفسى انى اكون اسرائيلى
و اتجوز واحدة اسرائيلية

و كل واحد مسئول فيما يستطيعه بس




فدى مش زى دى خااااااااااااالص


تحياتى يا قمر

ملكة بحجابى يقول...

بصى ياحنين ياروحى
أنا معاهم فى حتة صغنتوتة كدة انهم يسحبو الجنسية من اللى يتجوز اسرائيليه
لسببين
الاول : ان القانون الاسرائيلى بيجعل الجنسية الاولى لابن الام الاسرائلية .. إسرائيليه زى امه حتى لو كانت مخلفاه من راجل عربى مصرى مسلم
وإنتى طبعا مايرضكيش رجالتنا يرمو فى رحم الاسرائليات بذور تطلع اسرائلية يهوديه




الثانى : ممكن تعرفيه لو اتفرجتى على فيلم فتاة من اسرائيل .. أد ايه رغم ان المصرى حب اسرائيليه واتحدى اهله عشانها اول ماالسفينه بدأت تغادر أرض سيناء عشان تاخدة معاها اسرائيل لتحقيق الحلم الامريكى على ارض اسرائيل .. الشاب نط فى البحر وعام لحد مارجع سينا تانى .. ماقدرش يستحمل انه هيكون فى حضن اسرائليه اهلها قتلو اخوه فى 67 .. مشاعرنا من جوه مهما حصل هتفضل فاكرة اوى وموجوعة اوى من علامات دمنا اللى على اديهم


تقبلى تحياتى يا قمرايه
ممممممممممممممموه
:)

أميرة
(ملكة بحجابى )

yoyo يقول...

صباحك سكر يا نونو

انا شفت الحلقة دى و تابعت حلقات تانية كتير فى برامج مختلفة لان الموضوع بالفعل عامل ضجة كبيرة
بس تعالى نحسبها بالعقل كدا
لو شخص اتولد فى مكان ما مش شرط اسرائيل يعنى و عاش فى المكان الما دا طول حياته و اتربى هناك و اتعلم و كل المميزات وكانه من اهل البلد و جينا قولنا له لا انت مش من المكان دا انت من مكان تانى هناك
ياترى هيكون ولائه لى مكان ولا مين بالتحديد ؟!

انا بصراحة متفقة مع قرار سحب الجنسية يعنى مش خالص بنات بلدك انتهت و حتى لو عرب فلسطين اصلهم اسرائيلى برده و مش تنسى عزام عزام الجاسوس ماهو كان من عرب اسرائيل

وبعدين واحد عاش عمره و حياته و دنيا تانية هناك جاى بقى يدور على بلده ياخى اتلهى اشمعنى دلوقتى بتقول مصر
ومسمعنا سلام مصر هى امى و نيلها هو دمى

وان كان على الغاز اعتقد انه الوضع ممكن يتصلح لا كان موضوع الجنسية دا صعب اوى
لان وراه اهداف كتيرة جدا بس واخدة الفكرة دى

وبعدين خليهم هناك عاوزين ايه تانى مش هما عايشين وعلى ارى جدتك و جدتى
(( يا نحلة لا تقرصينى ولا عاوزة عسل منك ))

معليش ببقى هو دا راى على ادى بقى يا نونو
دمتى اختى بالف خير وصحة
تحياتى
يويو

Sweet Violet يقول...

الصراحة اتفق مع صبرنى و سالى جداااا

بس السؤال اللى عايزة افهمه بجد اشمعنا الجنسية الاسرائيلية بس مش جميع الجنسيات الاجنبية ؟؟؟

ولا هى الدول الاجنبية التانية قانونهم مش هيسمح بتجنيد الابناء فى جيشهم ؟؟؟

عاشقة الأحزان يقول...

السلام عليكم


حبيبتى الغاليه
بجد الموضوع ده شغل اراء كتير قووى وانا كنت متابعه ليه

بس صعب الجنسيه المزدوجة دى

وانا مع كلام صبرنى كلامه صح واؤيده الرأى

دمتى بالف حب وصحة وعافيه

اختك
انوسه

maha zein يقول...

حنين وحشتيني
انا جهازي باظ خلاص ومبقتش ذي كل البني ادميين اللى عندهم كمبيوتر
رجعت للعصور المظلمة
وعشان اسلم عليكي كده داخلة من عند الناس

قلت اسلم
واقولك لو حبيتي تبعتيلي جهاز لاب توب ولا حاجة مش هقولك لا
ويا ريت لو تقولي لخالد همس الاحباب يعملي بوست يشحت عليا فيه اهو يفتكرني من ضمن الناس اللى عمال يباركلهم والحركات دي

بأمانة البوست مش قرأته بس لاني المفروض بسلم علي الناس بسرعة كده وهمشي
عشان الحق اسلم بس
وليا رجوع ان شاء الله بس ادعيلي اشتري جهاز بقه
ده انا خلاص فاض بيا
سلام يا عسل

KING TOOOT يقول...

من كام و ثلاثين سنة و إحنا نقول مافيهاش
لا حرب ولا دياولوا و سلامنا كمان ببلاش
دلوقتي عاملين بقى فيها السبع رجالة
lماتوزعوا على روحنا بلاستر و قطن و شاش
و عجبي
KING TOOOT

7annen يقول...

حنين القلب دائما فى تالق مدونتك جميله بلوج رومانسى ورائعه

حنين

أحــوال الهـوي يقول...

تدويب هوية عرب 48 القصد منها طمس الهويه الفلسطينية و بعدين دمج الجنسيتين المصريه و الاسرائيليه معناه انهم اصبح لهم املا ك بالبلد و الجيل الثاني يطالب بالله اعلم الموضوع ملخبط و به ابعاد كثيرة

المهم شكرا لك سؤالك عني
تحياتي

حنين القلب يقول...

شكرا ليكم كلكم يا جماعه
ولوجهه نظركم

انا قولت انى مش عارفه ان وجهه نظرى صح ولا غلط
بس من تعليقاتكم
عرفت انها غلط

اهه انا بعترف يا صبرنى
علشان تعرفى ان تعبك جه بفايده

الف شكر ليكم كلهم

ann يقول...

滿..........................................................