RSS

الأربعاء، 18 نوفمبر، 2009

التدبيسة

السلام عليكم ورحمة الله وبركاته ازيكم كلكم وحشتونى والله وعارفه انى مقصرة بس الظروف بقى المهم انى ادبست فى تاج وده طبعا من حبيبتى دودو عاشقة الرومانسيه وبقولها اى تدبيسه تانى ولا هعرفك انا هاجاوبه المرة دى علشان روحك المعنوية بس نبطل رغى بقى وندخل على التاج علطووووووول * اسمك واسم مدونتك ؟ حنين حبيت الاسم ده لانى اتعرفت بيه وسطكم ومدونتى حنين القلب *احب الايام؟ الالوان ؟ الارقام ؟ احب الايام ليه الثلاثاء لانى بحب الارقام الفرديه 9,3 والالوان الازرق والسماوى *برجك وتاريخ ميلادك؟ الميزان 24\9 اهم مميزاتك؟ واهم عيوبك ؟وما الصفة التى تتمنى ان تتوافر فيك؟ المميزات \الله اعلم اللى يعرف يبقى يقولى العيوب \يااااااااااااااااااااه لا كتير خدو عندكم عصبيه,صوتى عالى ,غيورة جداً,متسرعه احياناً,كفايه كده ولا اقول كمان والصفه اللى اتمنى تكون فيه الهدوء ما هو مكانك المفضل ؟ بيتى طبعااااااااااااااااااااااااا ايه هى هوايتك المفضلة ؟ السباحة وزمان كان القراءه وحالياً بعد الحمل النووووم ههههههههههه ما هى المقولة التى تؤمن بها ؟ اذا دعتك قدرتك على ظلم الناس فتذكر قدرت الله عليك اجمل هدية قدمت لك من مين ؟ السنه اللى فاتت جاتلى اجمل هديه فى الكون مصحف من حبيبى طبعا والسنه دى جاتلى شنطة النونو من دودو عاشقه الرومانسية دول اغلى هديتين اسعد يوم فى حياتك؟ واتعس يوم فى حياتك ؟ اسعد يوم طبعا يوم ما عرفت خبر الحمل واتعس يوم مر عليه يوم وفاة والدى موقف طريف لا ينسى من ذاكرتك ؟ لالا دول كتير بس اكتر حاجه فاكراها انى فى يوم فى عيد الاضحى وكنت لسه مخطوبة جديد وخرجت انا وهو وطبعا عروسه جديدة عامله شعرى وميك اب وطقم كده مظبط المهم روحنا القلعة وحبيت اتصور على صخرة وهو يقولى بلاش الموج عالى وانا ابدااا المهم اخيرا وافق وروحت واقفت على الصخرة وفاجأة جت موجه غرقتنى كلى من شعر راسى لحد الشوز كنت شبه الكتكوت المبلول والدنيا كانت ساقعه موت وطبعا قضيت العيد فى السرير من البرد ودى كانت اول واخر مرة اقول اتصور على صخور بس برضه بحب القلعه فيها احلى ايامى معاك ثلاث وردات لمين تهديهم ؟ واحدة لابنى وابوه وواحده للمدونين وواحده لاهلى وحبايبى معاك ثلاث رصاصات على من تطلقهم ؟ حتى لو معايه مليون رصاصة عمرى ما هفكر اطلقها على اى حد مهما كان عمل اللى هقتله بيها اكيد عمل خير فى حياته يبقى حسابه عند اللى عالم بحسانته وسيئاته ايه رايك فى الحب ؟ولمن تقول اجمل كلمة حب ؟ الحب اجمل شىء فى الوجود بس للى يستحقه واجمل كلمه بقولها ليه بحبك ووحشتنى يا حبيب قلبى هل من السهل ان تمثل الحب لشخص يحبك لعدم جرح مشاعره ؟ ممكن اعامله بلطف من غير احراج لانى مش بحب احرج حد انما امثل عليه صعب اوى لان اكيد الموضوع هيوجعه فى النهاية المرأة فى نظر الرجل ........... اكمل؟ الزوجه والام والاخت والابنه والحبيبه يعنى تعتبر كل دنيته الرجل فى نظر المرأة ........ اكمل؟ كل دنيتها الاب الصدر الحنون وقت الشدة والزوج السند اللى بنسند عليه والحبيب اللى استحاله نعيش الدنيا من غيره والابن اللى بتمناه ما هو اسعد خبر سمعته هذا العام؟ وما هو اتعس خبر؟ اسعد خبر طبعا كان حملى والحمد لله واتعس خبر لالا مش فاكرة ولا عايزة افتكر لمن تهدى التاج ؟؟ اول عشر تعليقات وكل اللى يحب يجاوبه يتفضله والله ما يغلى عليكم الحمد لله اخيرا تم بحمد الله

14 التعليقات:

حاجات جوايا يقول...

حنونة
انا مش قلتلك ابعدى عن عيلتنا هههههههه
حلو الموقف الطريف ده ههههههه فكرنى بموقف حصلى فى دريم بارك
ربنا يجعل كل ايامك سعيدة يا قمر ويفرحك بحضن النونو قريب ان شاء الله
هاااااااانت

سلام يا غالية

romansy يقول...

انتى كده بتدبسينا بقى
اول عشر تعليقات
تاخد تاج هديه

romansy يقول...

ان شاء الله ربنا يسعدك دايما يارب
وتبطلى العصبيبه اللى احيانا بتضايق
ويارب دايما تاجات كتير تملا الدنيا

blue-wave يقول...

عجبتنى اجاباتك
تحياتى

7annen يقول...

يعنى انا كمان ادبست يعنى يا اعلق يا ستنى بعد العشره

ههههههههههههههههههه

اجاباتك رااااائعه

ربنا يكرمك يارب ويسعد ايامك

عاشقه الرومانسيه يقول...

بما انى انا اللى باعته التاج ده ليكى ياحنونه فانا معفيه من الاجابه عليه
ههههههههه
احجز مكان بقى وارجع

صبرني يارب يقول...

طووووووووول عمرك مخك ناااااااشف

كتكوت مبلول يادوب كده فعلا


انتى هاتقلدينى بقى اقول احسن خبر حملك تقومي قايله زيي ولا ايه
هههههههههههههههههههههههههه

عاشقه الرومانسيه يقول...

ايه ده ؟؟؟
دى بتقلدنى انا كمان ياصبرنى
ماانا كاتبه ان احسن خبر حملها
ههههههههههه
البت دى غشاشه


ولمن تقول اجمل كلمة حب ؟
اجمل كلمه بقولها ليه بحبك ووحشتنى يا حبيب قلبى
******************
اخس عليكى ياحنونه
انا قلت هاتقوليها لى اجمل كلمه حب
كده برضه تقوليها لعمر وانا لأ
ماانا عارفه ان مفيش حد وحشك غيره

أحــوال الهـوي يقول...

انت شخصيه رائعة

ردودك تدل علي ذلك

كل سنةو انت واسرتك بخير و سعادة

تحياتي

اقصوصه يقول...

مبرووك التاج :)

mahasen saber يقول...

كنت بتكلم انا ودودو عنك وسألتها عليكى وبعتلك السلام معاها

يا رب تشوفى قرة عينك قريب يا حنيين

كنت بسأل دودو عن المعاد على فكره

ربنا يطمنا عليكى

ريمان يقول...

الحمد لله انا خلعت من التاج


هههههههههههه


تحياتى ليكى


واجاباتك جميله

طالبه الفردوس يقول...

السلام عليكم

كل سنه وانتى طيبه

اول زياره ليا وان شاء الله مش هتكون الاخيره

دمتى فى سعاده

لو عرفوه هيحبوه يقول...

السلام عليكم ورحمه الله وبركاته

اسال الله ان يوفقك لكل ما يحبه ويرضاه

تابعونا فى بدايه الدعوه المؤلمه الى الاسلام فى حمله لو عرفوه هيحبوه

يسعدنا تواجدك وانضمامك