RSS

الاثنين، 14 ديسمبر 2009

عيد ميلاد قمر العيله

اولا كل سنه وانتم طيبين ودايما فى الفته واللحمه غرقانين ويا رب دايما مبسوطين

النهارده بقى يا جدعان فيه مناسبه مهمة جدا وقولت احتفل بيها معاكم طبعا انا عندى اغلى منكم

حد عارفها ؟؟

ايه عيد تحرير سيناء لالالا طبعا احنا فى شهر 12

نعم ايه راس السنه ايه يا عم ولا راس ولا رجل ولا قفا

زى النهارده من 27سنه الدنيا غيمت وحصل فيها زلزال بقوة

9ريختر وحصل خسوف للقمر والشمس لاول مرة معا واتولدت دودو عاشقه الرومانسية يااااااااااااااااه مش قادرة انسى اليوم ده ابدا

المهم بقى علشان اللى حصل مش بيحصل الا كل ما واحدة زيها بتتولد قولنا نحتفل بيها يا عالم منا متاكده انها مش هتكرر تانى

كل سنه وانتى طيبه يا دودو ويا رب ما يحرمنا من بعض ابدا

صحيح انتى مثال حى للرخامه والغلاسه والذكاء الخارق فهمانى طبعا

بس بجد انا محظوظة جدا انى عرفت انسانه زيك فى طيبتها وحنيتها وجدعنتها ومش انتى وبس لا وعيلتك الكريمة كمان من اول ست الكل ام دودو وام حمبوزو وحماده اخوكى بجد ربنا يبارك ليكى فيهم

بت يا دودو انتى عارفه انى جبت ليكى هديه قيمه اقول ايه هى ؟؟

ولا اقولك خلينا فى هديتك فى البوست

مش فيه احسن من كتاب الله

الجاتوه والتورته والساقع كمان اهه

ودى هديه سيدك عمر

كل سنة وانتى طيبه يا حبيبتى وربنا يديم بينا الحب والمودة

ويا رب السنه الجايه تكونى فى بيتك مع اللى يستاهلك

وارتاح منك بقى

14 التعليقات:

همس الاحباب يقول...

كل سنة ودودو بخير
وعقبال مليون سنة
وعيد ميلاد سعيد

همس الاحباب يقول...

وبعدين ايه البخل ده تورتة يتيمة
و3 كانز
عل اساس انه عيد ميلاد ابو الفصاد يعنى
ولا حضرتك قمتى بالواجب وخدتى منابك مقدما انتى وبقلظ
ربنا يديم المعروف ويخليكوا لبعض
تحياتى

عاشقه الرومانسيه يقول...

التعليق التالت ونحجز مكاااااان
المركز التانى معقول برضه ياجدعان

عاشقه الرومانسيه يقول...

ربنا ما يحرمنى منك ابدا ياحبيبتى
واجبك واصل من قبل اى حد ياحنونه
وحتى لو ربنا كرمنى بحد كويس ويستاهلنى
فكرك انى هسيبك؟؟؟؟؟؟؟؟؟؟؟؟؟؟
لالالالالالالالالالالالالالا
انا على قلبك ياحياتى
P:

عاشقة القمر يقول...

كل سنه عاشقة رومانسيه هي طيبه عقبال مائة الشمعه
بارب جيه عمر باسلامه اعطيها هديه لوحدوا يارب دوم الصداقه بينكم

حاجات جوايا يقول...

كل سنة ودودو طيبة وحنونة طيبة وعمورة طيب وييجى بالف سلامة يارب
عقبال 100 سنة يا دودو
ويارب تحققى كل اللى بتتمنيه السنة دى

ويارب يارب 1431-2010 يكونوا سنة جديدة سعيدة علينا كلنا يارب

كل سنة وانتم طيبين

صيدلانيه طالعه نازله يقول...

كل سنه و انتى و هيا طيبين و اصحاب و ميحرمناش منكم انتوا الاتنين و نفرح بالنونو بتاعك يا حنين و بفرحك يا ست دودو
امييييين يا رب العالمين

غير معرف يقول...

كل سنه وانتى طيبه يا دودو
عقبال مليون سنه

blue-wave يقول...

كل سنه وهيا بالف خير
انا بقى عيد ميلادى بكرة:))

صاحب المضيفة يقول...

ربنا يخليكم لبعض دايما يارب


كل التحية والاحترام

شمس النهار يقول...

ازيك

كل سنه ودودو طيبه

وكل سنه وانتم اصحاب بتحبوا بعض


كل سنه والبلوجر كله بخير وسلام

سلامي

عاشــــــ النقاب ـقــــة"نونو" يقول...

السلام عليكم
كل عام وانتم جميعا بخير وسعادة مش هعاتب انا تصفحت المدونة وعرفت ان فيه نونو جي صح مش كدة يارب يكملك بخير وتقومي بالف سلامة يارب الف مليون مبروك
وحشاني جدااااااا

غير معرف يقول...

كل سنه وانتا طيب يا دودو

وعقبال مليون سنه

معلش اتاخرت ونسيت اجيب هديه :$ :D

المجاهد الصغير يقول...

السلام عليكم
كل سنه وانتم طيبين
بس متأخره
دمتى بخير
ويبقى التواصل