RSS

الخميس، 20 مايو 2010

لقاء اسكندرية

اخيرا وبعد عذاب وشوق ولهفة هشوفكم اخيرا فى اسكندرية
يوم السبت الموافق 29 مايو 2010 الساعة 10 صباحا امام باب القلعة هكون فى انتظاركم انا وعمر باشا والبت دودو عاشقة الرومانسية وكل مدونى مصر
مشتاقة انى اشوفكم كلكم وبحلم بفاتيما ام يوسف وانى ارتمى فى حضنها وكمان تشيل سى عمر شوية بدل ما هو مكفرنى فى عيشتى ومطير برج الحمام من نافوخى
من الاخر كده وحشتونى كلكم ونفسى اشوفكم فاتيما وداليا وكيارا وريم وكل بنات التدوين ،انا بحلم باليوم ده من زماااان وكماااان اليوم هيكون ليه طعم تانى معاكم وخصوصا اول مرة احضر لقاء ومعايا عمر
انا قاعدة منتظراكم على احر من الجمر
التفاصيل عند خالد همس الاحباب هنا

17 التعليقات:

همس الاحباب يقول...

عودة المايسترو فيلم الموسم
طبعا بما اننى رجعت لاول تعليق يبقى عودة المايسترو
اما رجوعك للتدوين فده عودة الندل
وبما اننى فاضى ومش مشغول
بس ما ليش نفس اعلق بصراحة

همس الاحباب يقول...

هو انتى هتكونى هناك
نصيحة بلاش
بعتى عمر وخليكى انتى ما فيش داعى لوجودك
وبعدين شروط اللقاء لا تنطبق على حضرتك

همس الاحباب يقول...

من الاخر كده عايزين اليوم يعدى
بدون خسائر فى الارواح
يلا كفاية كده احسن ماليش نفس اعلق بصراحة

richardCatheart يقول...

ههههههههههه ايون اخيرا يا دودو

ويلقى الله الشتيتين بعدما ظن كل الظن الا تلاقيا هههههههههههههه

ربنا يجعله يوم طيب
والله مبسوطه اوىىىىىىىىىى انى هاشوفكم كلكم

ان شاء الله على خير يارب

فاتيما يقول...

يا خاااااااالد

حرام عليك هنبتدو من دلوقتى ؟؟؟

انا قلبت اسكنكرانى اهو

بطل غلاسة و حوشها لحد ما نروحو طيب

مش كفاية الشابة تاعبة روحها و كاتبة بوست و مديك بريستيجك و عماملاك لينك و مصيتاك ..مفيش فايدة ف الرجالة دى يا خواتى ؟؟

معلشى يا حنونة و لا يهمك
اخونا و نستحملوه
نعملو ايه


انا قولتلك بحبك قوى ؟؟
قولت اهو

طيب

بوسيلى دودو و عمر لحد ما نجيلكم ان شاء الله

و ان شاء الله يكون يوم جميل زى قلوبكم يا حبيبتى و جنية بحرى الإسكندرانية الحلوة

داليا مش هتقدر تيجى عشان امتحانات نور بس بعتالك سلام رهيب

ريم ان شاء الله جاية
و البقية تأتى هتعرفى من بوست خالد بقى
معلش هنوقره و نديله وضعه ..غلبان و صاحب عيال بقى و انا هروح و أرجع معاه فلازم اتمحلسلوه شوية عشان المصلحة ..ماشى ؟

بحبك و بوسات و حضونات
يا اهل اجمل بلد ف الكون

shimaa elkholy يقول...

هاموت اجي يا بت يا لولو

بس مش عارفه شكله مش هاينفع

عموما اتمنى لكم لقاءا سعيداااااااااااااا

بكل غيظ الحقيقه

ahmed_k يقول...

فعلا ما اجمل ان يكون اللقاء على أرض مدينة الأحلام الإسكندريه
وربنا يقدرني وأقدر آجي
ورغم بعد المسافه إلا أن إسكندريه تستاهل

richardCatheart يقول...

هههههههههههههههههه
ياعنى حنين غير دودو ههههههههههه
والله افتكرتكم واحد معلش ياحنين الناس الحلوه لزقو فى بعض من الحلاوه يا اختى
العنب على الجزر سمحينى

على العمو لما هاشفكم مش هاتلخبط تانى خلاص
ان شاء الله تجمع خير

عاشقه الرومانسيه يقول...

richardCatheart

نعم نعمممم؟
يعنى افهم من كده انى انا الجزر؟؟؟؟
وحنين القلب هى العنب؟
(وش رافع حاجبه وبيتحلف لك)
ماااااااااشى لما اشوفك
حااااااااااضر

marmar يقول...

هوا انا كل ما ادخل مدونه الاقيهم بيغيظوني عااااااااااا عااااااا عاااااااااااااااااااااااااااااا
عااااااااااااايزه اجي بقى




يارب تتبسطو بجد وتعيشو احلى يوم في حياتكم وسط صحابكم وحبايبكم والناس اللي بجد بتحبوها

امووواااه

marmar يقول...

هموووسه انا فرحانه بجد اني زرتك واتعرفت بيكي وبمدونتك الجميله
انا خدت بصه سريعه عل مدونه كلها وشفت البوست اللي قبل ده وعرفت انك جبتي نونو زي القمر يارب يخلهولك ويحفظهورك من كل حاسد يارب وتفرحي بيه يا احلى هموووسه
والف مليون مبرووووووك مع انها جت متأخره
ربنا يكرمك يارب يا سكره

richardCatheart يقول...

هههههههههههههههههههههههههه
يابقى انتى دودو يا قمر

لا والله العنب على الجزر

ياعنى العتب على النظر
هههههههههههههههههه

دا انتم ناس عثليه والله العظيم
يادودو

لــــ زهــــــراء ــــولا يقول...

ان شاء الله يكون يووووووووووم جميل وفى انتظاركم

زهــــــراء

عاشــــــ النقاب ـقــــة"نونو" يقول...

الف مليون مبروك وحمد الله على سلامتك ويارب عقبال ماتشوفي ولاده ويتربى في عزك وعز ابوه وتخاويه ويارب يفرح قلبك
معلش متاخرة المهم اني فرحت بيكي
تتجمعوا دوما في الخير ياريتني كنت اقدر اجي
كل عام وانتم بخير
تحياتي

سمكه واحده يقول...
أزال المؤلف هذا التعليق.
dahlia.. يقول...

وحشاني قويييييي يا حنونة وياااااا رب أشوفك على خير انتي و عمر وأقطعه بوس.ربنا يخليهولك و يحفظه

mostafa rayan يقول...

بجد كان لقاء حلو قوي وكلنا استمتعنا بيه ومش هنقدر نوفيكم حقكم من الشكر على كل المحبة اللي استقبلتونا بيها
ربنا يسعد ايامكم دايما