RSS

الأربعاء، 2 يونيو 2010

تجمع واتجمعنا

مش عارفه اقول ايه ولا ابدأ بايه بس بجد اليوم كان تحفه وروعه وطبعا مش هعرف احكى بالتفصيل زى فاتيما حبيبتى ولا بالصور الروعه زى خالود همس الاحباب بس اهه هحكى على قدى :

اليوم ابتدى بزيارتنا للقلعة وطبعا ولا لحقنا نلف علشان هما كانوا وصلوا قبلنا ولفوا واتفسحوا والشمس كانت نار وفطوم خافت على وشها رغم انك برضه اسمريتى يا طمطم وبعدين روحنا ع الزعيم وعملنا اجمل عيد ميلاد شوفته الصراحه غنى وزفه اسكندرانى واجمل تورتات لاجمل فطوم

تسلم ايدك يا مدام ناديه القدر وانا وانتى يا بت يا دودو عاشقه الرومانسيه،وطبعا كنا محتارين مين يقطع التورته ومش لقينا احسن من سى عمر اصغر مدون بينا صح ولا ايه؟؟

احتفلنا واكلنا وجه وليد هى وظروفها وفضحنا لحد ما جبنا ليه حته تورته وقعد يقول مش ليه دعوة عايز حقى فكرنى بهانى رمزى فى الفيلم هههههههههه

وبعدين روحنا ركبنا المركب ولفينا بيها وكانت اجمل ساعه فى اليوم تسلمى يا اللى اقترحتى ونفذتى طبعا دى مارو ريتشارد قلب القطة

وبعدين رجعنا اتغدينا وقعدنا شويه وروحنا على المرسى ابو العباس ركبنا المراجيح وضحكنا وفيه مننا اللى صوت واللى بقى مش عايز ينزل ،ده اليوم باختصار

كلمتين وبس

فاتيما \ ربنا يسعدك دايما باللى حواليكى ويسعداللى حواليكى بيكى ويردلك يوسف قريب باذن الله

عاشقه الرومانسية \ كلام الكون مش يعبر عن نص اللى فى قلبى ليكى وانتى عارفه غلاوتك عندى لو قولت جدعنة الدنيا واخلاق وادب والنيولوك روعه ادعلى للى عمله ههههههه

حنان ام رودينا \ بحبك والله وبحس انك اكتر من اخت وبرتاح اوى فى كلامى معاكى بحس انك فهمانى وحسانى وحته منى غاليه اوى عندى وكمان حماة ابنى وتربيه ايدها

خالد همس الاحباب\ طبعا هيكون كلام متكرر لما اقول الجدعنه والشهامه والاخلاق وخفه الدم بس الجديد بيخاااااااااف من المراجيح وقعد يقولى يا ريت كنت قلعت الجزمه قبل ما اركب علشان كنت اعرف انط من غير ما اقطعها هههههههههههه ساب كلللللل حاجه وخايفه على الجزمة اصووووووووووت منك يا خالود

ريتشارد قلب القطة \ بجد شخصيه عسل انسانه كده سكرة وخفه دم ايه وجدعنه ايه وكمان سندوتشتها حلوة اوى هههههههههه وطلعت كمان بنت منطقتى وجوزها كمان انسان اخلاق وشكله هادى يا ماور ربنا يسعدكم واولادها بسم الله ما شاء الله على الادب والاخلاق والتربية ربنا يحفظهم ليكى يا حبيبتى بجد يا ماور انا سعدت جدا انى اتعرفت عليكى واتمنى نبقى نزور بعض

نانو القدر وانا \ انسانه ذوق جدا وبنتها قمه فى الرقه بس لو تقلب من الزمالك للاهلى تبقى عسل واشرف بسم الله عسول اوى ربنا يحفظهم ليكى وكان نفسى تكملى معانا اليوم يا مدام ناديه والله

داليا ماى كورنر\ عايزة المرة الجايه اشوفك حامل انتى وعدتينى تجيبى عروسه لعمر اوووووووك

اسماء نبض اسكندرية\ طبعا مش اول مرة اشوفك يا سومه وكل مرة اشوفك بتزيدى احترام واخلاق فى نظرى بجد ربنا يوفقك يا حبيبتى واشوفك عروسه عن قريب

ضياء بيتوفل مايند \ انسان اخلاق وطيبه وقعد يلعب مع عمر كتير عقبال ما ربنا يكرمك بواحد زيه يطلع عينك

شريف باشا\ بجد انت نعم الاخ حسيت انه خايف علينا واحنا فى بلدنا وعايز يطمن علينا ويركبنا احنا الاول بجد تحس ان فيه شهامه واصاله حلوة اوى ربنا يبارك فيك ويوفقك فى المشروع بتاعك

مى رحيق الورد\ طيبه وامورة ورقيقه وعسوله جدا ربنا يوفقك يا حبيبتى وتعزمينا على فرحك قريب

حنان الشافعى\ قعدت شايله عمر وحضناه والولا يبصلها ويضحك بيعاكسك يا حنان يلا وافقى وجهزى نفسك واحنا هنيجى نتقدم علطول هههههههههه ربنا يوفقك يا حبيبتى

مصطفى ريان\ مثال للبراءة والطيبه والاخلاق بجد يا مصطفى ربنا يكرمك اهه انا مش شوهت صورتك زى ناس هههههه

وليد هى وظروفها \ تحس انه بن بلد وبيتعامل على طبيعته خالص وخلص على التورته كلها لوحده ههههههههه

انجى هات من الاخر \ ربنا ينجحك ويوفقك

بدراوى\ قعد ماسك ايد عمر اكتر من ربع ساعه لدرجه انى افتكرت انه بيقرى فاتحته هههههههههههههه ايه يا عم ايد ابنى

زهراء\ مش اتكلمت معاها كتير بس انسانه بشوشه وطيبة ربنا يسعدك ويوفقك يا حبيبتى

مين بقى كلمنا فى التليفون ريم حبيبتى رسائل بلا بريد وندى الياسمين وحشتينى وكان نفسى تكونى معانا اوى وستيته حب الله الحمش سعدت جدا انى سمعت صوتك

ناس كان نفسى يكونوا معانا

بابتى عبده الرايق وندى الياسمين وريم وبابا ابو خالد

انبسطت اوى بجد معاكم

يا رب جمعنا دايما على الحب والمودة

13 التعليقات:

richardCatheart يقول...

ايد احتلالالالالالالالالالالالالالالالالالال اول تعليق للللللللللللللللللللللللللولى

richardCatheart يقول...

ازيك ياحنينو يا جميل يابنت بلدى ومنطقتى
والله وحاشتينى ووحشنى هازرك الجميل
ووحشنى الواد مرمر العثولللللللللللله ربنا يحميه ويبارك فيه واحضر فرحه يارب
وحشتنى حنا العثل ربنا يطمنى عليها وهابقى ابعتلك اسال واطمن عليها لما تقوم بالف سلامه
والبت دودو الجدعه وحشتنى طلعت كارثه رومانسيه ههههههههه ربنا يفرحنى بيها

كان يوم جمييييييل بكل المعنى كان ناقصنا بس شويه حبايب بس ان شاء الله تتعوض
ويارب يديم المعروف ويشرفنى اننا نزور بعض ونتقابل انت من الحلوه الجدعه اللى عرفتها ويارب القا عن قريب
السلامه امانه لدودو وحنان
وبوسه لعمر حبيبى الولاد بيسلمو عليكم

همس الاحباب يقول...

انت لسه فاكر تنزل بوست
وبعدين مين قالك انى خايف على الجزمة
الجزمة كانت ضيقة يا ماما وكنت طمعان المحافظ يجىء يشوفنى ويجيب معاه بطيخة و2 كيلو خيار
بس مع الاسف ولا حد عبرنا
المهم اليوم كان جميل ويستاهل التعب
وكفاية ان عمر باشا نورنا وقطع التورته
تحياتى

mostafa rayan يقول...

بجد اليوم كان حلو قوي ماحدش هيقدر ينساه كفاية انكم استقبلتونا احسن استقبال وشيلتونا جوة عينيكم
ربنا يسعد ايامكم دايما

أحــوال الهـوي يقول...

ربنا يسعدكم
و كفاية جو المحبة و الاخوة اللي واضح في كل التدوينات اللي غطت اللقاء
و يكفي انه في ارض اسكندرية عشقي الاول

انا باشكر زوق حضرتك و كرمك رغم اني شرقاوي بس انتي بكرمك غلبتيهم

يكفيني فخرا اهتمامك بتلبية ندائي و ان شاء الله يقدر لنا نعمل لقاء لاول مرة مع اصحاب و احباب نتواصل منذ سنتين و نتبادل الراي و الفكر و الاحترام و لم نتقابل

و ان شاء الله لما انزل نجتمع علي خير و فرصة بنوتي تتعرف علي اصدقاء جدد تقريبا مثل سنها

تحياتي

عاشقه الرومانسيه يقول...

انا شخصيا كل ايامى حلوه بوجودك انتى وعمر فيها
بحبك

هي وظروفها يقول...

ام عمر

مساء الخير يابشمهندسه

ثواني بقي انتي كده

بقي عايزه حنان تجهز نفسها وتتقدم لعمر

وانا اشرب من المالح

ولا اشوي دره بشويه قوالح

ايه ام عمر مش كده

بقولك والله العظيم

كان يوم جميل بشكل ملوش حل

ربنا يباركلك ف عمر

ويبقي احسن مدون سكندري

ملوش دعوه بمدوني القاهره خالص

ونشوفك تملي علي خير وبخير

سلامو عليكم

Kiara يقول...

كان نفسي اكون معاكم يلا تتعوض ان شاء الله

ربنا يسعدكم يارب ويفرح قلبكم كلللللللللللللللكم

Gehad mousa يقول...

يارب على طول ايامك فرحه وسعاده

فشكووول يقول...

السلام عليكم
انتم عملتم ايه من ورايا
بس انا مش زعلان عشان شكل اللقاء كان كله حريمى الا ما ندر
تتجمعوا فى الخير ان شاء الله
سلامى وتحياتى الى عمر وام عمر

لــــ زهــــــراء ــــولا يقول...

حنين

اعتذاااااااار جامد اوى اوى لكى انتى وعمووووووووور ربنا يحفظه وتشوفيه عريس ياااااااااااارب
كان نفسى اتكلم معاكى بس وقتى كان فعلا ضيق والله يكرمك على كلامك اللى زى العسل عنى ده وبعدين عروسة عمر عندى اطمنى هو بس يشاور وتيجى له قمرايه زيه كده
ربنا يبارك فيكى ويفرح قلبك ياااااااااااااااااارب

زهــــــــراء

P A S H A يقول...

مســاء الورد

مش لاقي كلام والله أعبر لك بيه عن فرحتي بجمال اليوم والله العظيم .. ربنا يا رب يكرمكم ويبارك فيكم ويسعدكم ويفرحكم زي ما فرحتونا بجد

ربنا يبارك لك في عمر يا رب وتشوفيه في أحسن حال ويبارك لك فيه ويهديه لك ويفرحك بيه ويحفظه لك من كل سؤ . اللهم آمين

:))

خالص تحياتي وعميق تقديري وامتناني لكل أهل إسكندرية الكرام

أجــــدع نـــاس

:))

القدر و انا يقول...

حنين
بجد كان وقت جميل بوجودك انت وعمور
ربنا يخليه لك ويبارك لك فيه
انت انسانة جميلة وربنا حيكرمك دائما
حبى وتحياتى لك ولعمر باشا