RSS

السبت، 26 أبريل، 2008

اللهم ثبت قلوبنا

السلام عليكم اخوتى واخواتى المدوني: عايزة اعرف حاجه ليه الحاجات الكويسه هى اللى بتتغير فينا والحاجات الوحشه ثابته مع ان المفروض العكس يعنى مثلا تلاوة القراءن تكون فى شهر واحد رمضان والزكاه فى مواعيدها وبس مع اننا طول السنه بنغلط وبكنون محتاجين لحاجه تخفف من زنوبنا يعنى احنا متهيألى اقل شهر بنغلط فيه وبنواظب على الصلاه والسنن والطاعه والاستغفار بيكون فى رمضان طيب وباقى السنه ليه ارادتنا بتضعف ليه بنقع فى نص السنه ونغلط وممكن نبطل الاستغفار والزكاه وممكن كمان الصلاه كل يوم يقع مننا فرض او اتنين عندى حكايه عايزة احكيها يا رب تعجبكم وعلى فكرة حصلت بجد يعنى مش تأليف ولا حاجه بس من زماااااااااااااااان . كان فيه شيخ عايش فى اعلى الجبل عاش 40 سنه مش بيعمل اى حاجه الا انه يعبد ربنا صلاه وصوم وقيام ليل عباده حقيقيه من قلبه والناس اللى فى المدينه هما اللى بيبعتولوا الاكل وكلهم عارفين انه شيخ صالح زاهد فى الدنيا لا اتزوج ولا خلف اولاد عايش لربنا وبس فى المدينه دى كا فيها اسرة من 3 رجاله واختهم الوحيده وجالهم شغل سفر بره البلد وقعدوا يفكروا هيودوا البنت فين ملقوش فى القريه الا الراجل الصالح اللى عايش فى الجبل وطالعوا ليه اخواتها وطالبوا منه انهم يسبوها عنده وانه اكتر شخص هيحفظ الامانه لانه يعرف ربنا كويس المهم الشيخ وافق وهما سابوا اختهم وسافروا لمده سنه . اول شهر كان بيودى ليها الاكل ادام البيت من بره ويسيبه ويمشى وهى لما تفتح الباب تاخده وتاكل قعدوا على الحال ده شهر وبعدين الشيطان وسوس ليه انه مش هيحصل حاجه لما يخبط عليها واداها الاكل بأيده ويطمن عليها دى امانه طبعا ولازم يطمن عليها واكرام الضيف واجب برضه وربنا امرنا بكده وفعلا خبط عليها وشافها لاول مرة فهى صغيرة وجميله واطمئن عليها واداها الاكل ومشى وقعدوا كده 10 ايام وبعدين الشيطان وسوس ليه وقاله ادخل كل معاها وسليها هى برضه بنت ولوحدها اكيد بتتخنق وانت برضه مش هتغضب ربنا بالعكس ده انت هتخليها متتخنقش من قعدتها لوحدها المهم بقى فعلا بيدخل ياكل ويقعد معاها. ويوم وراه يوم طبعا اتشالت الحدود اللى بينهم ووقع فى الغلط وزنا بيها وساعتها الشيطان قاله ان ربنا غفور رحيم وانت حسناتك كتير واكيد ربنا هيسمحك وفضل عايش معاها زنا وحياه حرام فى حرام وبعد كام شهر بقيت حامل طلب منها تنزله رفضت واستنى عليها ما ولدت وبعدين الشيطان قاله لو سيبت الطفل امرك هيتفضح واخوتها هيعوفوا هيفضحوا واحتمال يشتكوا للملك راح اخد منها ابنه وموته دبحه ودفنه فى الصحراه . الشيطان وسوس ليه وقاله ممكن قلبها يوجعها على ابنها وتفضحك يبقى لازم تموتها هى وفعلا قتلها ودفنها جنب ابنها واخوتها كانوا رجعوا لما سالوا عليها قالهم هى من بعد ما سافرتم بشهر هربت ولا اعرف عنها اى حاجه طبعا اخوتها مصدقوش بس هيكدوبوا الشيخ اللى معروف بصدقه واخلاقه العاليه المهم روحوا وهما نايمين راح ليهم الشيطان ووراهم كل اللى حصل فى الحلم ليهم هما التلاته فى نفس الوقت وصحيوا على اذان الفجر راحوا فتشوا مكان ما كانت اختهم عايشه لقوا حاجات تاكد الرؤيه راحوا حفروا مكان ما شافوا فى الحلم لقوا اختهم وابنها مدفنين راحوا للملك واشتكوا ليه وحكوا ليه على الحكايه كلها الملك امر بقطع راس الشيخ وجه ليه الشيطان قبل تنفيذ الحكم بدقايق قاله تحب اخلصك من الموت ده قاله يا يا ريت قاله اكفر واؤمن بيه قاله كفرت واومنت بيك راح الشيطان ضاحك وقاله زنيت واتبعتنى وقتلت روحين منهم ابنك وكفرت انى ليس على بك سلطان انى اخاف الله رب العالمين وفى نفس اللحظه اتقطعت راسه ومات كافر. ودى كانت نهايه الشيخ 40 سنه طاعه وقيام ليل وصلاه وصيام وسنه واحده كفر وزنا وقتل . ربنا يبعدنا عن الحرام. عندى سؤال مهم ياريت القى اجابه عليه ليه الشيخ ده مش ثبت على الطاعه والعباده رغم انه اتعود عليهم 40 سنه ؟؟؟ يا ترى قله ايمان ولا الشيطان اقوى منه ولا انه عبادته دى اصلا كانت من الظاهر والباطن كان غير كده عارفين ليه ربنا قال ان الحسنات يذهبن السيئات وان اللى يغلط ويتوب لربنا اجره اعلى من اللى مش غلط اصلا لان اللى بيغلط وبيجرب الغلط ويبطله بيكون عنده اراده انه يرضى ربنا ويرجع لربنا تانى دى مش دعوة اننا نغلط بس برضه لازم نتعلم ازاى نفضل ثابتين على حب الله وطاعته .اللهم ثبت قلوبنا والسلام عليكم ورحمه الله وبركاته

50 التعليقات:

همس الاحباب يقول...

اولا مبروك على المدونة الجديدة
وسعيد بزيارتها
واول تعليق كمان
يا رب يسترها علينا
ويثبتنا على الايمان
مات كافر مع الاسف والله اعلم بعبادته خلال 40 سنة هلى هى رياء ام كانت عبادة حق
مع انى اعتقد انه لو مخلص فى عبادته سيصبح من عباد الله المخلصين ولا سلطان للشيطان على عباده الخلصين
تحياتى وتقبلى مرورى

almasry يقول...

لو بعدنا عن ربنا يبقى ضيعنا كل شيىء من ايدينا ده اللى أقدر أقوله ربنا قال لسيدنا موسى لقد استغاث بك فرعون سبعون مره فلم تجره فلو نادانى مرة واحدة لوجدنى سميعا قريبا وقال لسيدنا محمد واذا سألك عبادى عنى فإنى قريب وبذلك احنا اللى مقصرين ومش هنقول شوشو هو سبب كل المصايب "وما أبرأ نفسى إن النفس لأمارة بالسوء"

سبهللة عالآخر يقول...

تحياتى وبالتوفيق ان شاء الله
اشكرك على زيارة مدونتى وانتى اللى دمك عسل
وعندى دعاء تعليق على التدوينة بتاعتك
اللهم يا مقلب القلوب ثبت قلبى على دينك

Rainbow يقول...

الاعتدال مطلوب فى كل شىء
ربنا قال انه خلقنا علشان نعبده اه بس فى نفس الوقت قال انه بيحب المستغفرين
يعنى الواحد مفروض يحب دنيته و يعيشها و فى نفس الوقت مينساش اخرته و يستعد لها
كان سهل على الشيخ انه يتزوجها لكنه رفض يقال عليه ترك العبادة للزواج و كانت دى اخرته
لازم نعرف امتى نتنازل علشان الريح تعدى و امتى نقف لها

حنين ما بلاش الكلمة الملغبطة اللى لازم نكتبها قبل نشر التعليق دى ياريت تشيلها لو ينفع
تحياتى

حنين القلب يقول...

همس الاحباب
الله يبارك فيك ونورتنى والله
فعلا الله اعلم بعبادته ولو كان مخلص لربنا كان بقى من المخلصين الثاثبتين قلبا وقالبا بس الله اعلم بالى كان فى قلبه.
سلام

حنين القلب يقول...

almasry
طبعا النفس امارة بالسوء بس مش تنسى ان فيه شوشو كل شغلته انه يغوينا ويهبط من عزيمتنا صحيح هو مش ليه علينا سلطان بس برضه بيوسوس فى ودنا وكتير اوى بيسمع كلامه .
وربنا يثبت قلوبنا على الايمان
سلام

حنين القلب يقول...

سبهلله عالاخر
والله نورتينى وهاين عليه ادبح خروف او معزة علشان على قد قدرتى واعمل عزومه على شرفك.
المهم مش فيه اجمل من دعائك
اللهم امين
سلام

حنين القلب يقول...

rainbow
السلام عليكم
عندك حق طبعا الاعتدال مطلوب فى كل شىء ولازم نعرف امتى نعدى علشان العيشه تمشى.وعلى الكلمه والله ما عارفه اشيلها منين وعلى العموم هحاول اشيلها.
سلام

خبيب يقول...

والعياذ بالله
والعياذ بالله

---

نسأل الله أن يثبتنا

ليه لم يثبت ؟

لأن ظن أن طاعته من عند نفسه لا من عند الله

وأنها بمجهوده وفضل منه لا فضل من الله عليه

فاطمأن إليها !

واستنكف أن يسأل الله الثبات ، وأن يلتزم بحدوده

فدخل الشيطان إليه

---

نسأل الله لنا ولكم الثبات

ومبروك المدونة

واحد من البلد دى يقول...

هبسم الله..يقول شفيعنا محمد(صلى الله عليه وسلم)إن المرء ليعمل بعمل أهل الجنة حتى لا يكون بينه و بينها إلا زراع.فيقع عليه الكتاب فيعمل بعمل أهل النار.فيدخلها.وإن المرء ليعمل بعمل أهل النار حتى لا يكون بينه وبينها إلا زراع.فيقع عليه الكتاب.فيعمل بعمل أهل الجنة .فيدخلها)..صدق رسول الله صلى الله عليه وسلم..لو يعلم الناس أنهم يمكن أن تتحول قلوبهم فى لحظة...لكان دعائهم دائما...اللهم يا مقلب القلوب ثبت قلوبنا على دينك وصرفها على طاعتك وأجمعها على ذكرك وفرقها على لقائك ووفقها إلى كل ما تحبه وترضاه..وأجعل لنا ما نحب عونا لنا على ما تحب ..وما زويت عنا مما نحب فراغا لنا فيما تحب....آمين آمين

Yahia يقول...

بصي يا ستي من المعروف ان الانسان بيمل بسرعه حتى من فعل الخير ، بس أكيد مش الحل أنه يعمل شر من باب التغير يعني ، وكمان الرسول عليه وعلى اله الصلاة والسلام قال ما معناه "روحوا القلوب ساعة فإنها تمل" وعشان مطولش عليكي انا مش متأكد من إجابة أو حل بس اعتقد ان الايمان الصحيح هيجنبنا كل المشاكل دي

واحدة مفروسة يقول...

انا جيت.....
اعوذ بالله من الشيطان الرجيم
ده بس مبدأيا...اكمنى لقيته شغال وسوسه لغايه لما الراجل مات...ربنا يكفينا شره.....اعمل لدنياك كانك تعيش ابدا و اعمل لآخرتك كأنك تموت غدا
ربنا يهدينا و يهديكى .....
انا مابحبش الخرفان ..ممكن اجرب المعزه
اهه حاجه احسن من الفسيخ و الرنجه اللى فى مدونتى هههههههه

صبرني يارب يقول...

حنين مبروك المدونه الجميله وربنا يجعلك عنها الاجر ان شاء الله

عندى رد على سؤالك . ليه الراجل ده عمل كده بعد ما اطاع ربنا وعبده اربعين سنه ؟؟

أولا هو مش غلط الا لما احتك بالحياه العاديه والى هو مش متعود عليه وعشان كده كان سهل اوي انه يقع فى خطأ .
وخصوصا ان واحد عابد زي ده الشيطان قاعدله مستنيه بس يوارب الباب بس عشان يدخله .
عشان كده انا باقول داما اتعلم العوم ولا تفضلش طول عمرك تخاف البحر .

ثانيا : لانه تهاون فى الصغير الى ان وقع فى الكبير .
يعنى هو لو كان التزم بالقوانين الشرعيه فى التعامل مع النساء الاجانب عنه كان بقى زي الفل وعاش تمام .
القوانين دي معروفه للجميع بس الناس بتستهبل .
عشان كده برضه دايما اقول لو نمشي تبع الكتالوج (القوانين الى ربنا حطها لنا في دينا ) اه ما هو ده الكتالوج بتاعنا لومشينا تبعه ما يحصلش مشاكل باذن الله .

وشكرا لك على البوست وعلى القصه وندعوا الله ان يتقبل توبتنا ويثبتنا ويثبت قلوبنا على طاعته .

حنين القلب يقول...

خبيب
اكيد يا خبيب انه لو كان استعان بالله كان هيلاقيه جانبه وكان ولا كفر ولا زنا ولا قتل بس هو فعلا زى ما انت قولت اعتقد ان عبدته دى من نفسه ومش فضل من ربنا.
ربنا يثبت قلوبنا
سلام

حنين القلب يقول...

واحد من بلد دى
بالظبط الاعمال بالخواتيم وربنا يجعل خير اعمالنا خواتيمها.امين يا رب
سلام

حنين القلب يقول...

yahia
ازيك يا ابا يوسف عامل ايه ودوبا عامله ايه والواد يوسف يا رب تكونوا كلكم بخير .
المهم اكيد الايمان الصحيح بيجنب المؤمن من اخطاء كتير صحيح مستحيل اننا مش هنغلط بس نغلط غلطات صغننه مش زنا وقتل وكفر والعياذ بالله .
وعايزين نشوف بوست جامد على مدونتك لانك كتابتك وحشتنااااا
سلام

حنين القلب يقول...

واحده مفروسه
نورتى البيت يا مفروسه
طبعا ربنا يهدينا ويهدى الجميع وبعدين هو الشيطان ده بيبطل وسوسه ربنا يثبتنا ويبعده عننا.
انتى هتنورينى فى العزومه وهشيل ليكى الورك بتاع المعزة كله الف هنا وشفا.على فكرة برضه انا مش بحب الضانى
سلام

حنين القلب يقول...

صبرنى يا رب
ازيك يا ام مريم نورتينى والله
طبعا كلامك صح وطبعا لان الشيطان جابها ليه خطوات وعرف يضحك عليه يعنى لو كان قاله ازنى من الاول كان ممكن برفض ويعرف ازاى يبعد الشيطان عنه انما هو جابها خطوات لحد الزنا والقتل والكفر وده معناه ان المعصيه الصغيره ممكن تنتهى بمعصيه كبيره جدا.
وربنا يثبت قلوبنا .
اوعى تنسى تجبى البيه جوزك ومريم العزومه.
سلام

mohamed يقول...

هل ممكن أجاوب؟
طب شكرا
الاجابة
هل ممكن المسلم يكذب سيدى محمد علية الصلاة والسلام لما سؤل هل المسلم ممكن بسرق او يزنى قال اة بس مش وهو مؤمن
ولما سؤل هل يكذب المسلم قال لا

نعم المسلم لايمكن ان يكذب ابدا
طب ما علاقة الكذب بالقصة الى كتبتيها أقولك الاتى-----------------
الكذب هو عدم قول الحقيقة والهدف منة
هو الهروب من المسؤلية والحصول على منفعة بدون وجة حق
لو الشيخ دة الشيطان لعب بية أو نفسة الامارة بالسؤ غلبتةوهو مؤمن بالفعل بالاسلام كمنهج واسلوب وقيم حياة ودستور لة,كان هيعترف بالغلط الى عملة وهيتجوز البنت وهيعترف بالابن الى خلفة منهاويتحمل اى جزاء اولوم

لكن وخلى بالك من ولكن دية

الشيخ دةخاف على سمعتة الشخصية أنة يتقال أنة ارتكب الزنا
مش خاف من ربنا أنة ارتكب الزنا وحب يصلح غلطتة
خاف من كلام الناس
ومخفش من ربنا

طب سؤال لحضرتك؟

الراجل دة لو قعد يصلى الف سنة كان
فعلا بيعبد ربنا ولا هيا مظاهر للناس علشان يقولوا علية راجل صالح!

هو دة الريأ
الى الرسول حذرنا منة
أنتى عارفة اول تلاتة هيدخلوا النار
مين؟
شهيد--- متصدق----- عالم.
الاول ربنا هيسألة عملت أية
هيرد ويقول استشهدت فى سبيلك
ربنا هيقولة كذبت
انتا قاتلت علشان الناس يقولوا عليك
شجاع والناس قالوا انك شجاع
والثانى هيقولة عملت اية بالمال الى اعطتيتة لك
هيرد ويقول تصدقت بة
ربنا هيقولة كذبت
أنت تصدقت علشان الناس يقولوا كريم
والناس قالوا انك كريم
والثالثربنا هيسألة عملت اية بالعلم
هيقولة علمت الناس أبتغاء وجهك
ربنا هيقولة كذبت
أنتا علمت الناس علشان يقولوا عليك عالم, والناس قالوا أنك عالم

ويأمر سبحانة الملائكة بأخذ الثلاثة الى النار

يبقى يست الكل لما الواحد يعمل حاجة كويسة يبقى لازم يبقى المقصود منها أرضاء ربنا اولا مش أرضاء الناس

وفى النهاية حبى ربنا يحبك الرحمن الرحيم

أخوكى محمد

فرنسا هانم يقول...

حنين القلب
ازيك يا قمر
اتأخرت عليكى صح ؟؟؟
كلامك جميل جدا
وسؤالك غايه فى الاهميه
ولكن من الممكن انصهارهم فى اجابه رابعه
هى كل ما سبق
حاسه كده انى هاخد جايزه
اروح اجيب عربيه نقل واجى علشان احمل الجايزه ؟؟؟؟؟؟؟؟؟؟؟؟؟؟

Salwa يقول...

بوست جميل جدا

بعض الناس يا عزيزتي مسلمين بالبطاقه فقط

ربنا يعافينا جميعا

تحياااااااااتي

حنين القلب يقول...

mohamed
السلام عليكم
بجد تعليقك اكتر من انه يتقال عليه هايل .
اما بالنسبه للسؤال اللى انت سالته ليه الله اعلم بقلوب الناس احنا بنشوف الظاهر بس يعنى مثلا بنشوف اى شيخ فى ادمنا بيصلى بينا ويصوم يزكى يبقى كويس انما هل يا ترى هو كويس ومؤمن بجد ولا بيعمل كده علشان احنا نقول عليه مؤمن ؟دى بقى الله اعلم بيها
ونورتنى بجد واتمنى تنورنى دايما بتعليقك المثالى
سلام

حنين القلب يقول...

خالتى فرنسا
والله وحشتينى فوق ما تتخيلى عامله ايه وفينك غايبه ليه عننا يا شيخه دنا من كتر ما وحشتينى بقيت ادخل المدونات علشان اقرى تعليقك وحفظتهم ومستعده اسمعهم.
وفعلا يا فرنستى هو فعلا الاجابه الرابعه كل ما سبق .
ومبروك كسبتى الجايزة بس استنى اخد فلوسى السلف اللى عند الرايق واجيب الجايزة !!!!فرنسا قولى للرايق يرجعلى الفلوس دول 200 جند.سلام يا حبيبتى ومش تتاخرى عليه تانى لانك بتوحشينى والله .

حنين القلب يقول...

salwa
نورتينى يا سلوى والله .
واللهم امين يعافينا ويثبتنا اجمعين
سلام

سبهللة عالآخر يقول...

حنين
شكرا على مرورك عندى وعايزين نتعاون فى موضوع محاربة الفقر اللى انا كتبت عنه عندى
ارجو من اى حد عنده فكرة نبتدى ونفذها

nonoymm يقول...

اننا بشر ونملك قلوب وهي متقلبة
اللهم يا مقلب القلو ب ثبت قلبي على دينك وطاعتك
ففروا الى الله
موضوع كبير بس رائع
بوركت الانامل

حنين القلب يقول...

سبهلله عالاخر
انتى اللى مشكورة على مروك عندى ونورتينى والله وبالنسبه لموضوع محاربه الفقر ممكن المدونين اللى فى كل بلد يتعانوا ونشوف ممكن نعمل ايه؟
يعنى مثلا فى الاسكندريه نشوف المدونين اللى فيها واللى ممكن يقدروا يعملوا اى حاجه اكل;ملابس;اللى نقدر عليه نعمله.
شوفى وردى عليه ماشى
سلام يا حبيبتى

حنين القلب يقول...

nonoymm
السلام عليكم
اللهم امين يثبت قلوبنا على طاعته وحبه.
والمرة الجايه هصغر الموضوع شويه
وبوركت اناملك انتى
سلام

رئـــــيسـة حزب الأحلام يقول...

الموضوع كبير اوى
بس دة بيندرج تحت لكل قاعدة شواذ وسبحان الله

حنين القلب يقول...

رئيسه حرب الاحلام
السلام عليكم يا سلو والله نورتينى .
بس الحكايه مش حكايه شواذ حكايه ليه بيتغيروا اناعلى فكرة بشوف ناس كتير جدا كده يكوتوا ماشين على الصراط المستقيم وبعدين يتغير 180 درجه اكيد فيهم حاجه غلط.
اللهم ثبت قلبوبنا
سلام

عبده الرايق يقول...

دائما ما ننخدع فى الشيوخ التيوانى
وده لاننا نحترم اللحيه والجلباب والعمه
نحترم مظهر الشيخ
نحن نحافظ على مظهره باحترامنا له وهو للاسف لا يحافظ على مكانته
فى ناس كويسه جدا فى الشيوخ وفى ناس عايزين ..........
ولا بلاش
انا سمعت انك ليكى عندى 200 جنيه
انا مش فاكر
انتى وضميرك
عموما
لو فاكره اوكى
هاتى 300 ويبقى المبلغ نص باكو

حنين القلب يقول...

عبده الرايق
والله عندك حق يا رايق احنا دايما بناخد بالمظاهر وده اللى بيخلينا نتخدع .
انت ازاى مش فاكر ال200 جند وكمان عايز 300 ليه ما الريس فرحكوا وقال مرتبك هيزيد 30% يعنى المفروض تسد بقى مش تستلف عليهم يلا ربنا يزيدكو وبلاش احنا لاننا قطاع خااااااااااااااااص والله يسهلوا.
سلالالالالالالالالالالالالام

monaliza يقول...

اشكرك على التذكرة فهذه القصة اول ماقرأتها فكرت فى حسن وسوء الخاتمة لكن موضوعك دلؤتى خلانى افكر ليه الشيخ ده عصى ربنا رغم انه المفروض عارف الحلال من الحرام ولقيت انه كما قال رب العزة فى حديث قدسىفيما معناه ان استغفار المذنبين احب الى من تسبيح المرائين
وان بجد العاقل بعد مايعرف شرع ربنا لو وضع فى اى اختبار المفروض ينجح فيه وان اقوى عبادة من وجهة نظرى هى مجاهدة النفس والشيطان
اللهم ارزقنا حسن الخاتمة
اللهم باعد بيننا وبين خطايانا كما باعدت بين المشرق والمغرب

حنين القلب يقول...

monaliza
ربنا يحسن خاتمتنا اجمعين.
نورتينى يا سكرة
سلام

sabrina يقول...

اولأ مبروك المدونه
بالنسبة للشيخ بيتهيألي انه عزل نفسه من الدنيا ولكنه كان في أشتياق لها
كان سهل جدا انه يتجوز البنت لكن هو كان زي أي حد ماعندوش خبرةو سنه كبير!
النبي صلي الله عليه وسلم
كان بيقول أتزوج النساء وأصوم وأفطر
ومن حاد عن سنتي فليس مني

Doba يقول...

مش بتيجى عليكى اوقات بتحسى فيها انك بتصلى وانتى مركزة قوى واوقات تانى بتصلى وانتى حاسة كأنك مصليتيش

مهو كل حاجة كده

المهم اننا نركز اننا مش نروح ورا الشيطان قوى بحيث نوصل لحاجة سيئة كده

وربنا يستجيب منك ويثبت قلوبنا يارب
دمتى بكل الخير
هبة

appy يقول...

مبروك المدونه
وعارفه لو الواحد قرب من ربنا قوى ووضع ثقته فيه فى كل حاجه هنعيش فى راحه فظيعه بجد
وعموما هو اللى بيعلم ما فى القلوب والنيات

حنين القلب يقول...

sabrina
الله يبارك فيكى ونورتينى والله
بس المشكله مش فى الخبره
المشكله انه بنى لنفسه صورة ادام الناس وخاف يشوها ومش خاف من ربنا وطاوع نفسه والشيطان.
سلام

حنين القلب يقول...

doba
ازيك يا هبه وحشتينى والله
عندك حق اهم حاجه اركز فى صلاتى وطريقى وانى ابعد عن الشيطان وعن النفس الامارة بالسوء.
اللهم ثبت قلوبنا
سلام

حنين القلب يقول...

appy
نورتينى والله
طبعا اللى بيعلم بالى فى القلوب والنيات ربنا ولو توكلنا عليه حق توكله كانت هتبقى قلوبنا مرتاحه وراضيه وصبورة .
ربنا يهدينا ويصلح حالنا اجمعين.
سلام

سكــر يقول...

اللهم بتنا على الايمان

اللهعم احسن خواتيمنا جميعا

اسلوبك جميل جدا وبسيط

ودا فعلا بيشد الواحد لمتابعة مدونتك

تحياتى

وشاكر زيارتك الجميله لمدونتى

تقبلى مرورى

احمد سكر

فرنسا هانم يقول...

فين الجديد؟؟؟
انا منتظره جديدك
عموما
اترك لكى احلى سلام
وتصبحى على خير

حنين القلب يقول...

احمد سكر
نورت المدونه يا احمد
اللهم امين يثبت قلوبنا اجمعين
سلام

حنين القلب يقول...

فرنسا هانم
والله تعبانه شويه يا فرنستى ادعيلى.
وان شاء الله قريب هتلاقى حاجه هتعجبك اوى .
سلام يا حبيبتى

أبو خالد يقول...

أختى الغالية /حنين القلب
مدونتك جميلة و توجهك كريم جعله
الله فى ميزان حسناتك ،و اللهم ثبت
قلوبنا على دين الأسلام و الطاعة
لك يارحمن يا رحيم..
جزاك الله خير

حنين القلب يقول...

ابو خالد
ابى العزيز نورتنى وشرفتنى والله
اللهم ثبت قلوبنا امين يا رب
سلام

rona يقول...

ربنا يثبت قلوبنا بس الشيخ ده طاعته كانت من بره يعنى قلبه مكنش مليان ايمان
ربنا يسترها على الناس كلها يارب

حنين القلب يقول...

Rona
الله اعلم بقلبه بس اكيد لو كان فعلا من قلبه مش كان خاف من الناس اكتر من ربنا.
اللهم ثبت قلوبنا
نورتينى واتمنى تزورينى دايما
سلام

حبيب الروح يقول...

المشكلة بجد مش فى قوة ايمان الشيخ او ضعغه
المشكلة فى المراة وجبروتها وكيدها
انت كل كلامك على الشيخ وتصرفاته بس
ما اتكلمتش عن الاعيب المراة وازاى اغرته
لعاية ما قلبه هواها
واسالينى انا
طبعا حاتقولى تسالينى ازاى
لما تتصلى
ahmad_wagdy

حنين القلب يقول...

حبيب الروح
ممكن الست يكون ليها اغرئها انما المفروض يكون ايمانه اقوى من اى شىء مش ست تضحك عليه ولا اييييييييييييه.
ولا الرجاله عايزين يرموا الحكايه على الست وخلاص .
ومش هتصل يا بخيل ...
سلام