RSS

الأربعاء، 6 أغسطس 2008

نصيحة لكل انسة مخطوبة

اختي العزيزة.. لو ربنا فك عقدتك.. واتخطبتي.. فإليكى نصائحي حتى تأخذي بخطيبك من مركب الخطوبة إلِّي محدش عارف هاترسى على إيه.. إلى مثوااااه الأخير في قفص النسانيس.. قصدي قفص الزوجية السعيد..أجمل ما في الخطوبة العزومات الرومانسية .. على أحلى محلات أكل فى البلد.. واللي عمرك ماهاتشوفيها بعد الجواز.. المهم نصائحي لك عند أي عزومة مع خطيبك..
قلناايه ؟؟؟؟ برافو عليكى شاطرة ايووووون الرقَّه ....
1- الأول لازم تعرفي إن الشوكة والسكينة بيتمسكوا من إيديهم من الطرف يعني مش من الوسط ولا من البوز زي الخنجر ولا من فوق طبعًااا .
2- العيش أوعي تفضحينا وتقطعيه بسنانك.. ولا الرغيف نصين بأيدك وكل نص لقمة وتحشري.. أوعي...العيش بيتقطع بالسكينة فى الطبق. وبعدين تاخدي لقمة.. لقمة.. بالعافية.. قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِفِّي زي مانتِ عايزه...
3- الشورررربة.. أبوس كعب رجلك.. بند الشوربة ده مهم جدًاااا.. الشوربة تتشرب من غير صوت خالص. . ومن غير ماتقعدي تنفخي فيها.. زي القهوجي اللي بينفخ فى الحجر للزبون.. وطبعــاً عايزك تنسى تمامًا.. السلطانية اللي بتقيميها على بقك ف البيت.. وتدلدقي على روحك.. بالمعلقه وبدون صوت.. سخنة ولعة برضه بدون صوت.. وتسيبي تلت الطبق ع الأقل.. مش تميليه.. عشان تلهطيها لآخر نقطة.....
4- الرز طبعاً .. بيتاكل بالشوكة.. أوعي إيدك تتمد ع المعلقة. . وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه..
5- المكرونة.. الاسباكتي.. برضه بالشوكة.. تتلف على طرف الشوكة.. لحد ما تخلص وبعدين تحطيها فى بؤك من سكات.. مش تشفطي المكرونة عود عود..
6- السمك.. مشكلة.. شوفي.. بتفصلي اللحم عن الشوك.. إزاي..؟؟؟ تقطعي اللحم من النص.. بالطول وبعدين تفردي اللحم ع الجانبين ولما تخلصي ناحية.. متقلبيش السمكة.. بلاش فضايح.. شيلي السلسلة بالشوكة والسكينة وحطيها ف جنب الطبق وكملي أكل النص التاني.. وبدل الفيلم الهندي ده.. نصيحة.. ماتكليش السمك خالص.. قولي مابحبش السمك وخلصي نفسك..
7- الجمبري.. -إذا كنتي عارفاه-.. أول ماطبق الجمبري ينزل.. بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت بابـا.. وأتنهدي جامد وقولي.. برضه..؟؟؟ وتروحي قاطعة راس الجمبري ياية.. بالشوكة.. أنا فى عرضك إنسي المصمصة دلوقتى..
8- البطاطس سواء مسلوقة أو محمرة.. أوعي تهرسيها وتدبيها على الرز وتدي ...لا..لآ...لآ...بالشوكة حتة حتة وإنتى زي ما تكوني هاتعيطي من كتر ما البطاطس صعبانة عليكي..
9 -الفاكهة.. لو الفاكهة فيها بذر.. طلعيه من بؤك بالراحة وحطيه فى إيدك وهي مقفولة.. وبعدين فى طفاية السجاير اللي على الترابيزه.. أوعي ياحبيبتي من نظام التفتفة للبذر.. إنسي....
10- ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة.. أنا أودامي أسبوع.. هابطل أكل فيه.....وبعدين تمسكي الفوطة اللي دايمًا موجودة على التربيزة من غير لازمة.. وتبوسيها.. آل يعني بتمسحي بؤك.. وبعدين تستأذني منه لدخول التوليت لإصلاح ماكياجك.. وتخشي التواليت وتطلعي من شنطة إيديك.. لفة الفول والطعمية اللي جايباها معاكي.. وبالهنا والشفـــا

82 التعليقات:

همس الاحباب يقول...

طبعا اول تعليق بلا فخر
وبراحتى كمان

همس الاحباب يقول...

يلا كمان وتانى تعليق
كله زكاة على صحتنا

همس الاحباب يقول...

نعلق وامرنا لله
ههههههههههه
ههههههههه
ايون كده اظهروا على حقيقتكم يا معشر النساء
انا قلت كده الرقة والاتيكيت ايام الخطوبة اختفت ليه بعد الجواز
طلع كله تمثيل فى تمثيل
والواحدة تبقى عايزة تاكل ايدك وتكمل برجل الكرسى
هههههههههه

همس الاحباب يقول...

برافو عليكى يا حنين
نصايح فى الجوووووووووون
علشان الواحد لو فكر يخطب تانى ياخد باله
قال شوكة وسكين
وجمبرى ههههههههههه
انتوا اخركم ترمس درة على الكورنيش
قال اسباجتى وشوربة هههههههههه

حنين القلب يقول...

همس الاحباب
منتا عارف انك لازم تكون الاول

حنين القلب يقول...

همس الاحباب
زكاه ؟؟؟
هو انت اصلا بتطلع زكاه
اوعى تكون فاكر ان حله الملوخيه البيظه اللى اديتها للشحات بتاع اول امبارح دى ذكاه
لا يا سيدى ده قتل عمد ومع سبق الاصرار والترصد
وابقى دور بقى على محامى

حنين القلب يقول...

همس الاحباب
نظهر على حقيقتنا
ليه
مالنا محنا زى الفل اهه
ورقه واتيكيت دايما انا بقول للرجاله بس مش رضيت احرجكم
وبعدين احنا جنس ضعيف يبقى لازم ناكل كتير ولا هو افتراه بتعزمونا وعينكم فى العزومه
ياااااااااااااا ساتر

همس الاحباب يقول...

وطبعــاً عايزك تنسى تمامًا.. السلطانية اللي بتقيميها على بقك ف البيت.. وتدلدقي على روحك.. بالمعلقه وبدون صوت.. سخنة ولعة برضه بدون صوت.. وتسيبي تلت الطبق ع الأقل.. مش تميليه.. عشان تلهطيها لآخر نقطة.....
يا سلام عليكى وانتى لابسطة السلطانية فى وشك
تحفة بصراحة
بصراحة بتفكرينى بمسرحية المتزوجين
وسمير غانم لما بيسال على الشوربة
هههههههههههه

همس الاحباب يقول...

بمناسبة الملوخيه
انتى بقطعى الملوخية بصوابيعنك ولا بالمقص
اوعى تكونى بايدك يع يع
الجراثيم يعنى
ويا سلام لو تشربيها بالمعلقة او الحلة
اوعدك انه جوزك ايعملك تمثال فى البلكونةويحدفك معاه

حنين القلب يقول...

همس الاحباب
لو فكرت ايه والنبى
مش سمعتك ام همس كانت جابت رقبتك وقطعتها بطرف السكينه
هههههههههههههههههههههههههههههههههه
يلا كفايه عليك كده
انت هتحتل مدونتى
روح عند مدونتك انا هتعشى واقفل المدونه وانام
خخخخخخخخخخخخخخخخخخخخخخخخخخخخخ
ملحوظه صغننه
خالد
ربنا يحفظك ويخليك لهمس
بجد شكرا

حنين القلب يقول...

همس الاحباب
انا بلبس السلطانيه
والله انت اصلا ولا تعرف شكلها منتا طول عمرك بتاكل فى فخار وبلاستيك يا صعيدى هتعرف السلطانيه منين

حنين القلب يقول...

همس الاحباب
بمناسبة الملوخيه
انتى بقطعى الملوخية بصوابيعنك ولا بالمقص
اوعى تكونى بايدك يع يع
الجراثيم يعنى
ممكن سؤال يا صعيدى
هى صوابعينى دى مش فى ايدى
صحيح صعيدى مش فيه مخ
ويرمينى انا من البلكونه
ربناااااااااااا يسمحك
خالد سمعت اخر نكته
بيقولك مرة واحد اسمه خالد صعيدى بيزعل اوى من النكت اللى بتتقال على الصعايده راح قرر يكتشف نظريه محدش اكتشفها قبله
جاب دبانه وقطع جناجتها وقعد يصرخ فيها يقولها طيرى
طييييييييييييييييرى
وهى مش بطير
راح كتب نظريته الشهيره الذباب لما بتقطع جناجه مش بيسمع
عععععععهههههههههههههههه

Doba يقول...

تعليقاتك انتى وهمس الأحباب وقعتنى من الضحك يا مصايب انتو

ليكو حق تبقو ولاد الرايق وتقطعو فى شعور بعض

مالك ومال الصعايدة يا حنين مش تزعليهم دول على نياتهم بس وغلبانين

غلابة غلابة

يلا وشكرا عالبسمات الحلوة
وربنا يستر على معشر الرجال من الحريم الفتاكة اللى هتطبق النصايح دى

تحياتى
هبة

همس الاحباب يقول...

صعايدة
وما بلاش نتكلم خلى الطابق مستور
يا بتاعة قلقاس انتى
مش كفاية لفة الفول والطعمية
وجمبرى وسمك
يا باشا انتى اخرك
بصارة وفحل بصل وتقعدى على الترعة ساعة العصارى
يا شماتة ابله ضظاظا فيكم يا بنات حواء
حنين خلت فضيحتكم بجلاجل يا بشر

همس الاحباب يقول...

يلا خليها احتلال بالمرة
دوبا
ام يوسف
ازيك
خليكى شاهدة يا ام يوسف
علشان الصعايدة لو جم قطعوها قطيع انا مش مسئول
بس ممكن اسامحها لو قدمت اعتذار فى 30 صحيفة قومية
ودفعت تعويض 3 مليون يورو
وممكن اتنازل
نو
نو
نو
لا اقبل الاعتذرات الشفهية

حنين القلب يقول...

همس الاحباب
يا نهار حرق دم
انت نسيت يا ابنى لما عزمت خطيبتك فى المطعم واول ما حطوا الكاتشب قولت هييييييييييييييه قراطيس الدقه جت
ولا نسيت فضيحتك وانت بتاكل الايس كريم وهو فى الكاس وعمال تدخل لسانك وتقول هو الطبق ده غويط كده ليه
والاخر حطيته فى نص رغيف وقولت كده يبقى مفيد اكتر
اسكت احسنلك

حنين القلب يقول...

doba
ازيك يا هبه
وحشتينى والله
ايه اخبارك واخبار يوم وابو يوسف
شوفتى خالد بيعمل ايه
لا وكمان احتل المدونه وبيرد على اصحابى والنبى شوفتى رخامه اكتر من كده
بس على مين انا هرش المدونه كفرسول واقفل عليه يمكن نخلص منه
بوسيلى يوسف
سلام يا حبيبتى

حنين القلب يقول...

الصاعيده
هههههههههههههههههههههههههههههههههه
اى صاعيده اللى عندهم فقر دم
هيجوا يموتونى بايه ؟؟
ويقطعونى بايه؟؟
ااااااااه تلاقيهم هيقطعونى بمبرد الدوافر
وتعويض ايه اللى هنزله فى صفيحه
دى صفيحه جبنه ولا ايه
وتعويض كاااااااااااااام
ليييييييييييييييه انا كنت اكلمت على مين ؟؟
دنا لو كنت قولت الكلام ده على بوش مش كنت هدفع التعويض ده كله
على العموم مش هعتذر واللى انت عايز تعمله اعمله

وانا وانت الاستاد كبييييييييييير يا ابو همس

عاشــــــ النقاب ـقــــة"نونو" يقول...

ههههههههههههههههههه
السلام عليكم
كويس يا امي فعلا احسن اماكن ومطاعم كنت بروحها قبل زواجي اصلا انا اتخطبت شهر واحد بس افتريت فيه بجد لف على العفش دة ودة
ولما الفطار بتاع رمضان يجي نتوجه لاقرب مطعم ناكل ومعانا الحبايب ياريتني كنت افتريت
بنروح برضه فيه مطعم بنحبه بس في المناسبات بس
عاااااااااااااااااااااااا يلا خير
شاطرة يا حنين
تحياتي

كريم بهي يقول...

كما القمر واحدُ
طبع النساء النساء واحدُ

دا مش تعليق دا جزء من قصيدتى الجديدة
لكن جه على بالى لم قريت البوست
خفة دمك فى البوست كانت واضحة اوى وجمال روحك كان اوضحك
ونصائحك احممممممم


تحياتى الخالصة
الشاعر كريم بهي

حنين القلب يقول...

عاشقه النقاب نونو
وحشاااااااااااانى جدا والله
ازيك يا حبيبتى وايه اخبارك
اتخطبتى شهر واحد بس
نو
نو
نو
خليه يعملك شهر كمان فى الجواز فيها ايه يعنى
وانا بقى اشطر منك اتخطبت سنتين لما ورمت رجليه على المطاعم والكافتيريات
شوفتى بقى انا شاطرة ازاى
ربنا يحفظك ويخليكى ليه

حنين القلب يقول...

كريم بهى
اهلا بحضرتك
اتمنى اقرى الشعر بتاع حضرتك
وشكرا على التعليق الجميل ده
نورتنى

Empress appy يقول...

حنين
واذا كنت يا قلبى انا عملت كده وهو عااااااااااا ولا بيعرف اعمل ايه اغزة فى عينه بالشوكه ولا اعضه من دراعه ههههههههههه
تسلمى يا نونى وبعدين هو خالد هم الاحباب ماله احتل البوست كده
النبى لاربطك فى رجل الكرسى يا باولو

حنين القلب يقول...

appy
والله يا حبيبتى يبقى يستاهل تغزيه مره فى عنيه ومرة فى مناخيره علشان تبقى ب 3 فتحات ويبقى عبره لمن يعتبر

خالد احتل المدونه خلاص يا آبى وبقى بيرد كمان على الناس
بس انا ردتها احليت مدونته وحطيت عليه يافطه باسمى وكلها يومين وهطلعه منها نوهائى
اه والنبى اربطيه ومش تفكيه
تسلمى انتى يا حبيبتى ويخليكى ليه
تسلمى انتى يا حبيبتى

غير معرف يقول...

هههههههههههههههههههههههههههههههههههههههههههههههههههههههههه
يا نهار اسوح يا نهار اسوح
هههههههههههههههههههههههه
استنوا الله يخليكو انتو الاتنين اما اخلص ضحك واجي،، اوعوا تمشوا اوعوا تمشوا هه؟ هه؟

هههههههههههههههههههههههههه
هههههههههههههههههههههههههه

ححححححححححح
خلصت
احم احم
كنا بنقول ايه بأه
آه لسه ما قلناش طويب

تعالولي هنا
ده انا كنت لسه قايمة اعمل كوباية شاي بلبن لقيت البوست ده ما صدقتش نفسي
ليه كده ليه ولاد تعملوا كده؟
ده حتى الدنيا حر وكتمة ورطوبة

لأ لأ فظاع فظااااااااع

تاني تاني تاني
ههههههههههههههههه

سكررررررررررررر

مها ميهوووو

الدفاع يقول...

يا سلاااااااام على النصايح هى دى النصايح ولا بلاش
اهو كده الواحد يعزم خطيبته وهو ضامن انه هاياكل كويس مش يبقى خايف لتاكل الاكل كله وهو يقوم جعان
بس فى ملاحظه بسيطه ياريت لو كل واحده تعمل كده ايام الخطوبه تكمل على الحال ده بعد الجواز واهو كله توفير للزوج المسكين
انما تقولى ايه دول بيتسرعوا بعد الجواز
تبقى الواحده من دول ماعندهاش نفس وتاكل الاكل وهو نى من الفريزر على يقها علطول
وتبقى فى المطبخ طول ماهى بتطبخ عماله تحش ولما يجى الزوج الهفتان م الجوع تحط الاكل وتقعد تاكله كله
والنيش يبقى مليان شوك وسكاكين الزوج مابيشوفش خلقتهم اساسا
حررررراااااام اكلتوا اكلنا
تحياتى

حنين القلب يقول...

احسن تستاهل
ازيك يا مها
ايه الضوحك ده كله طيب فهمينى بس انتى بتضحكى على البوست نفسه ولا على التعليقات
طيب اعملى لينا كوبيتين شاى معاكى بس انا اصلا مش بحب الشاى ممكن يبقى نسكافيه
مدام قولتى يا اولاد بتعملوا كده ليه يبقى تقصدى التعليقات
شوفتى يا مها البهدله اللى خالد
عاملها فيه
انا طيبه مش عملت حاجه
يلا ربنا يسامحه
بس بجد نورتينى
سلام يا سكرة

حنين القلب يقول...

مدونه الدفاع
اسامه باشا
ازيك عامل ايه
يا سيدى ده الطبيعى فى فترة الخطوبه تبقى نفسها مسدوده انما بعد الجواز بتقى خلاص حققت هدفها وبتاكل براحتها بقى
يعنى بلاش تدوق الاكل والاخر لو طلع مالح ولا نى تبهدلونا
اه يا ستات يا مظاليم يانا
وبص بقى انسى النيش ده خالص علشان فيه ساطور ولو المدام شافت تعليقك هتخلص عليك مااااااااااااااشى
احنا بناكل اكلكم
ده بعد الجواز بنجوع ونخس النص
الرررررررررررررحمه
بجد نورتنى

حسن حنفى يقول...

هههههههههههههههههه

بسم الله ماشاء الله

مدونه اكثر من رائعه

وتدوينه ممتازه

الدفاع يقول...

ملحوظه جارى الحصول على اذن من النيابه لتفتيش النيش وضبط جميع الاسلحه البيضاء وتحريزها وتشميعها بالشمع الاحمر
وعلى راى المثل الشمع الاحمر ينفع فى اليوم الاسود
المدونه منوره بصاحبتها تسلم ايديكى
تحياتى

حنين القلب يقول...

حسن حنفى
شكرا اوى
وربنا يطول عمرك فى التدوين وتنورنى دايما اظن فاهمنى

حنين القلب يقول...

مدونه الدفاع
سياده القاضى
حضرات المستشارين
ان الدفاع استند على طلب تفتيش النيش كى يثبت وجود اسلحه بيضاء
والحمد لله ولا لقوا اى اسلحه والساطور ده الزوجه كانت بتقص بيه حوافرها قصدى ضوافرها وشمع احمر ايه هو سبوع ههههههههههههههههههههههههههههه

لذلك اطالب بأقصى العقوبه على
الدفاع وهى الموبد وبعد النقض والذى منه يحكم على الاستاذ اسامه بالمؤبد والاعدام
يعنى يقضى 25 سنه وبعدين نعدموه لو انبقى منه حاجه
ملحوظه
اوعى تزعل انا بهزر
ربنا يبارك فيك وتنورنى دايما

الربان يقول...

تحياتي

في رأيي ، ان قواعد الاتيكيت يجب ان تتبع سواء البنت مع خطيبها او مع صديقاتها او اهلها...طالما انها بتأكل في
مكان عام....

اما كمية الاكل...من الافضل ان تأكل الكمية الطبيعية التي تتناولها عادة...

يا ريت في فترة الخطوبة نكون علي حقيقتنا...بلا رتوش و لا ادعاءات...
لأنه يفترض ان بعد الخطوبة زواج...و سينكشف المستور....

لكنني أكرر اننا يجب ان نتبع قواعد الاتيكيت في الاماكن العامة...سواء مع
الخطيب او الاهل او الصديقات.

تحياتي و تقديري

الدفاع يقول...

ايه يا ستى الاحكام السريعه دى ؟؟؟ ده انا هاحول عليكى قضايا المكتب كلها واقسم معاكى جبتيلى مؤبد واعدام فى حركه واحده لا وايه وبعد النقض كمان
ده انتى صاروخ يابنتى فى عالم القضاء
على فكره ممكن يقعدوكى فى وزراة العدل تسرعى الاجراءات تبقى ميه ميه
ويوزعوكى بقى على كل محكمه شهر
وتبقى وش محاكم
ههههههه
وساعتها بقى هانتقابل طبعا مش بصفتى محامى لالالالالالالالالالالا بصفتى رد سجون ومحكوم عليه بالاعدام بسببك
وتخيلى بقى واحد محكوم عليه بالاعدام وشاف اللى كان السبب ياترى هايعمل ايه؟؟؟؟؟؟؟
قولى انتى بقى؟
تحياتى

حنين القلب يقول...

الربان
طبعا انا مه حضرتك ان الاتيكيت لازم التعامل بيه سوء مع الخطيب او الاصدقاء
وطبعا لازم الخطيب والخطيبه بطبيعتهم علشان مش يتصدموا بعد الجواز
نورتنى بجد

حنين القلب يقول...

مدونه الدفاع
احم احم
موافقه اشاركك فى المكتب بس بشرط انا اللى اقبل القضايا وانا اللى اترافع وانا اللى اجيب الاعدام والمؤبد انما البراءه خليها عليك انت انا مش بشتغل فى الحاجات السهله ماااااااااااااشى
هيييييييييييييييييييه بقيت محاميه
ما الموضوع سهل اهه من غير كليات ومذكره ربنا يخليك يا اسامه حققت حلم ماما بعد 28 سنه
بص يا حضرة الزميل انا مش بحب الروتين
لسه ندخل نقض واستئناف
لييييييييييييه
القاتل اعدام
السارق مؤبد
المظلوم اعدام برضه علشان نخفف عنه الظلم حرام يعيش طول عمره حاسس بالظلم والقهر (صح ولا ايه؟)
وانا وش محاكم انا مش هرد عليك فى تعليق
نو
نو
نو
انا هرفع عليك قضيه قذف وسب علنى
وطبعا لما تشوفنى بعد ما حققت حلم حياتك وجبت ليك اعدام هتدعيلى علشان ريحتك من الدنيا وبلاويها
صح ولا ايه ؟؟؟
بس سيبك انت من كل ده والله العظيم انت محامى عسل
وانا ممكن اقتل حد علشان تترافع وتجيب ليه اى حاجه ان شاء الله قرصين مشبك
نورتنى

الميكروباص يقول...

ده على اساس ان خطيبها هايعزمها في مطعم 5 نجوم
لكن اعتقد صعب انه يحصل

موناليزا يقول...

كنت قراتها قبل كده
جاتلى على ايميلى كذا مرة
بس تعرفى المفروض الموضوع ده يبقى سر للبنات وبس مش اى حد يشوفه كده

حنين القلب يقول...

لورنس العرب
وفيها ايه لما يعزمها على 8 نجوم كمان مش 5
مهو بعد كده مش هتشوف الخروج ده تانى
اومال الخطوبه عملوها ليه
مش علشان الفسح والعزومات
هههههههههههههههههه
نورتنى

حنين القلب يقول...

موناليزا
ازيك يا حبيبتى
يا حبيبتى انا مش قولت انها من تأليفى
وهى برضه جت ليه على الاميل وعجبتنى وقولت اللى مش شافها يشوفها وهى لمجرد الضحك
وانا مش شايفه ان فيها اسرار خاصه بالبنات
لانها مش تجريح فينا لا طبعا
دى تهريج فى تهريج
نورتينى

زُمُرده يقول...

هههههههههههههههههههههههه
هههههههههههههههههههههه
هههههههههههههههههه
ههههههههههههههه
هههههههههههه
ههههههههه
هههههه
هههه

عارفه خفة دمك تجنن اووووووووي

بس كده تطلعي سمعه ع البنات
ياشماتة الرجاله فينا
شفتي بقى آدي العينه خالد ..همس الاحباب
عمال يديك كلام انما اييييييييييه

بس انت جدعه مفيش حرف فوتيه
والله ربنا يكرمكم ضحكتوني بجد

اهي نصايح للي عايزه تتجوز بقى
اللي

سلام يا عسولتي

حنين القلب يقول...

زمرده
وحشتينى موووووووووووووووت والله
ازيك يا سكرة
يا حبيبتى انا مش بشمت الرجاله انا بقول الكلام ده للبنات لانهم معروفين بالاتيكيت والذوق انما الرجاله بياكلوا بالعشر صوابع ده الطبيعى بتاعهم
شوفتى خالد اللى عمال يدينى فى كلام ده وهو بياكل
ماسك الفرخه بيعذبها مش بياكلها
بياكل بايده الاتنين وهمس كمان بتساعده ويا ريت بيشبع فى الاخر
ومش عايزة تتجوزى ليه هى الرجاله حصل ليها ايه ؟
حد يشوف القمر ده ويسيبه
زمرده لازم اشوفك ان شاء الله يوم التجمع بجد هموووووت واتعرف عليكى
سلام يا عسولتى

Asmaa mahaba يقول...

انا بقترح شىء احسن تعملى نفسك صايمه و تتجوزى فى رمضان احسن
او نتجوز واحد ملوش فى الشوك بس له فى الصكاكين
عشان يبقى قفص نسانيس بجد
تحياتى ليكى سومه_87

حنين القلب يقول...

سومه...مجنونه فى بلد عاقل
ههههههههههههههههههههه حلوة دى
فكرة برضه
والسكاكين لازمتها ايه علشان التنين يخلصوا على بعض
نورتينى بجد يا سكرة

فاتيما يقول...

إيه يا حنونة الفضايح و الجورس دى ؟؟
كدا تقولى للشوباب و الرجال سر الصنعة
طب نعمل إيه دلوقتى لو حصل و إتجمعنا فى فطار رمضان ؟؟
بصى بقى مل الآخر
أنا اول خطوبة ليا إلتزمت حرفياً باللى قولتيه دا لدرجة إنى مكنتش باكل حاجة خالص ...
تانى خطوبة بقى قررت إن معرفشى أبويا و اكل على راحتى و اللى عاجبه
طبعاً مفيش داعى أقول إن الخطوبة دى مصيرها كان الجواز ثم إنتى عارفة بعد كدا ...
الخطوبة التالتة بقى
بإذن الله لو ربنا أذن يعنى و إن كان مستبعد نوهائى الكلام دا يحصل
أنا هخد حقى ناشف
و أقوله روح لمامتك
و اروح اطلب دلفرى و أقعد اكل قصاد تلفزيون بيتنا براحتى بقى لا حد يبصلى و لا ديوله
بلا حركات منظرة
أل يعزمنى ناكل برا أل
كلام فارغ

حنين القلب يقول...

فاتيما
عاااااااااااااااا
مش ليه دعوة قشمعنه انتى مرتين خلاص هعمل زيك واتخطب تانى الا ينفع اتخطب وانا متجوزة؟؟؟
انا بقى اشطر منك مش اتخطبت الا مرة واحده بس خدت حقى تالت ومتلت
فاتيما بعد اذنك عايزة اقول حاجه ومش تعتبريها تدخل منى
ولا اقولك لما نتقابل احسن علشان اتكلم واسمع منك كمان

احسسسسسسسسسسسسسسن حاجه بلا حركات فاضيه هو فيه احسن من الاكل ادام التليفزيون ابقى هاتلى معاكى والنبى
بوسليى يوسف
سلام يا احن واطيب قلب
مووووووووووووووووءءءدى ليوسف

الدفاع يقول...

انا يشرفنى يافندم تشاركينى فى المكتب وتمسكى القضايا اللى فيها اعدام ومؤبد براحتك خالص وانا ماليش دعوه بيكى ولا باللى هايجرالك بعد كده
بس ايه حضرة الزميل دى؟؟؟؟؟
يانهار ابيض يعنى عملناكى محاميه فى كلمتين وقلنا ماشى انما فجأه بقيت انا حضرة الزميل؟؟؟ القطه كلت عيالها يا ولاد مفيش اعتبار للاقدميه خالص
وكمان هاترفعى عليا قضية قذف وسب علنى؟ الاتنين؟ طيب هو فين القذف وفين السب؟ وايه الفرق بينهم يا زملة الحضير
اجب افصح قول؟
ومتشكرين جدا من محاولاتك انك تريحينى من الدنيا وبلاويها انا مبسوط كل م البلاوى بتكتر كل ما ببقى مبسوط اكتر
شكرا ليكى خالص انتى اللى ستين عسل
واقتلى اى حد مش عاجبك وانا هاطلعك منها زى الشعره من العجين و زى السكينه فى الحلاوه
والمدونه منوره بحضرة الزميله وامرنا لله ماهى بقت سايبه

حنين القلب يقول...

الدفاع
هههههههههههههههههههههههههه
طيب يعنى لو لقيت حد من اللى اترفعت عنهم وجبت ليهم اعدام مش هتحوش عنى ولا هتسبنى اضرب على قفايا لما يجيلى حول فى عنيه الشمال وابقى صورة تبك الاصل من عبد الفتاح القصرى

ومش عجبك حضرت الزميل احمد ربنا يا سمسم كويس كده بلاش حضرت الزميل هههههههههههههههههههههههههههه
وبعدين انا هعرف منين الفرق بين القذف والسب العلنى مش انتوا اللى بتقولوا كده
ومتشكرين جدا من محاولاتك انك تريحينى من الدنيا وبلاويها انا مبسوط كل م البلاوى بتكتر كل ما ببقى مبسوط اكتر

اعوز بالله
اه صح منتا كل واحده بتموت جوزها انت بتسترزق منها وكله مصلحه
انا ستين عسسسسسسسسل
دى قضيه تانى اسمها ايه ؟؟؟
ااااااااااه معاكسه انثى
هههههههههههههههههههههههههههه
عد القضايا يا حضرت المحامى
انا بقى اقول براحتى مش فيه قضيه اسمها معاكسه راجل
(وش بيطلع لسانه)
والله انت عسل وسكر عسسسسسسسسل على رأى المغنيه شهر زاد
بص انا خلاص عرفت هقتل مين اول ما احدد ميعاد القتل هقولك بس يا ريت تطلعنى منها بسسسسسس ازاى بعد ما نخلص عليك

بقولك ايه عايزين نشوفك فى اجتماع المدونين فى اسكندريه يوم 19\8
يا ريت تيجى بجد هتنور اسكندريه
نورت المدونه وصاحبتها والله

الدفاع يقول...

فى قضايا كتير تترفع من الراجل على الست اولها التهديد العلنى بانك هاتقتيلنى ده لوحده مشكله
اما انتى اللى ستين عسل فانا ياستى مصمم وبقولك مع سبق الاصرار انك ستين عسل وابقى ورينى هاتعملي ايه
وقابلينى بقى فى المحاكم
وورينى شطارتك
اجتماع المدونين فى اسكندريه يوم 19\8 فين على ايدى اليمين ولا الشمال وانا داخل اسكندريه؟
وربنا يقدرنى انى اجى بس مش وعد لحد دلوقتى

حنين القلب يقول...

الدفاع
انا هدتدك مش حصل
لا عشت ولا كنت
وهو انا اقدر اقتلك دنا انتحر 6 مرات ولا اقتلك ياعم هو انا ناقصه اتسجن

اما انتى اللى ستين عسل فانا ياستى مصمم وبقولك مع سبق الاصرار انك ستين عسل وابقى ورينى هاتعملي ايه
وقابلينى بقى فى المحاكم
وورينى شطارتك

كمان مع سبق الاصرار دى تاخد فيها 13 سنه علطول مع الاشغال الحلوة
يعنى تشتغل حلاونى وافتكرنى والنبى
ومدام هنتقابل فى المحاكم يبقى محكمه اسكندريه وفى الحاله دى برضه هتيجى اجتماع المدونين
ههههههههههههههههههههههههههههههههه
والمكان خالد همس الاحباب هيحدد وهيعلن عنه
بس عيب لما مش تقول وعد ده انت محامى وعارف ان الكلمه بس حتى لو مش وعد بتتحسب عليك
بس ان شاء الله هتيجى وتنور اسكندريه
سلام يا حضرت الافوكاتو

الدفاع يقول...

شريكتى فى المكتب حنين
ربنا يقدرنى واعرف اجى يا اختى والله يعنى هى النيه موجوده ناقص بقى العمل وكله حسب ظروف الشغل وربنا ييسر واقدر اتشرف بيكوا انتوا ناس يتجرى وراكوا بالمشاوير عشان نتعرف عليكوا
ربنا يوفق الجميع
تحياتى

حنين القلب يقول...

الدفاع
حضرت الزميل اسامه
هو انا شريكتك
نو
نو
نو
لازم نصحح الاوضاع يا استاذ حضرتك محامى تحت التمرين وانا عندى خبره فى المحاكم اكتر من 28 سنه
ايوة انا اصلا مولوده فى محكمه
حد معترض؟؟؟
والله احنا يشرفنا انك تيجى ومدام النيه موجوده يبقى خير ان شاء الله
ولو على الشغل مش تحط فى بالك
انا هتصرف هاتلى وانت جاى 376 قضيه من عندك وانا هخلصهم فى نفس اليوم
ربنا يجمعنا كلنا على خير
تعيش منورنى دايما

عاشقة القمر يقول...

هههههههههههه والله ضحكتني شكرا لك علي نصائح قالوا في واحدها امام خطيبها دخلت البسكويت في الشاي خطيبها تركها انا عاشقة القمر من السودان

mohamed يقول...

وبعد الجواز حطيى زوجك فى نص رغيف عيش
وكلية بالهنا والشفا ومن غير مخلل ولا فاتح للشهية
نصايح سعادتك هتخلى الرجل فريسة سهلة زى عنكبوتة الارملة السوداء الى بتاكل جوزها بعد الجواز
وكدة نقدر نحل مشكلة الزيادة السكانية
أنتى استاذة ممتازة للمخطوبات ليتعلموا كيف ينتقلوا من الخطوبة الرقيقة الى حالة الزواج المتوحش
الله يرحم الرجال

الدفاع يقول...

376 قضيه بس؟؟؟؟؟؟
هى دى قدرتك فى اليوم الواحد؟؟؟؟؟؟؟
انا اتصدمت بقالك 28 سنه فى المحاكم وبتخلصى الرقم ده بس؟؟؟؟؟؟لالالالالا انتى ضعيفه خالص
انصحك تقضى كمان 28 سنه وتيجى تتمرنى عندى احتمال اقبلك

لؤلؤة الاسلام يقول...

÷هههههههههههه
على فكرة انا اختى مخطوبة ممكن ابقي اقولها النصايح الدهبية ديه

الموضو جميل ما شاء الله تسلميلى عليه و الله

و جزاك الله خيرا و دمت بخير

حنين القلب يقول...

عاشقه القمر
والله عند حق يسيبها
فيه واحده فى الدنيا تحط البسكويت جوا الشاى
تعرفى الحركه دى بتضايقنى جدا
تلاقيه افتكر انه بعد الجواز هيجيب ليها سيريلاك

اهلا بالسودان واهلها
نورتينى يا قمر

حنين القلب يقول...

mohamed

بص يا سيدى
هى لو بتحبه هتفضل طول عمرها رقيقه معاه
والرقه مش فى اكل ولا شرب ولا مصاريف
لالالالا
الرقه فى انها
تحس بضعفه قبل قوته
تحس بحنيته قبل قسوته

الجواز صله حب وموده حتى لو بينهم مشاكل
ودلوقتى الشاب بيروح يتقدم للبنت وهو عارف عنها تاريخها كله وخرج معاها50 مرة يعنى مش ينفع تمثل عليه
الله يرحم البنات من غدر الرجاله
ملحوظه
(مش كل البنات ولا كل الرجاله )
نورتنى

حنين القلب يقول...

الدفاع
376 قضيه بس؟؟؟؟؟؟

ايه شويه طيب هتدرب اكتر

انصحك تقضى كمان 28 سنه وتيجى تتمرنى عندى احتمال اقبلك

احتمال تقبلنى
ليييييييييييييييه هو انت طلعتنى من عقد الشراكه اللى بينا
ايه يا عم هو علشان انت متر هتضحك عليه
لالالالالالالالالالالالالا لو انت متر انا مترو60سم
يعنى انا اللى اكسب
وبعدين عايزنى اقضى 28 سنه تانى فى المحاكم
لييييييييييييييه دنا ما صدقت خرجت من المؤبد
اصلى بعيد عنك قتلت محامى كان غيظنى
خالى بااااااااااالك
منورنى دايما يا اسامه

حنين القلب يقول...

خديجه محسن لؤلؤه الاسلام

قوليلها يا حبيبتى
وعقبال ما تنفذيهم بنفسك
بس قوليلها اهم من الاتيكيت وقواعد الاكل
الصدق والحب والاخلاص من الطرفين
وربنا يتمم ليها بخير
ربنا يخليكى ليه
وتعيشى وتنورينى دايما

الدفاع يقول...

اوعى تكونى بتهددينى؟؟؟؟
اصلك طالما لسه طالعه من مؤبد يبقى المره الجايه اعدام علطول
النور نور اصحاب المدونه يا حنين

حنين القلب يقول...

الدفاع
هو انا اقدر
دنا يتقطع لسانى يا عم قبل ما اعملها
بس لاحظ انت كده اللى بتهددنى
عييييييييب يكون ليه اخ محامى كبير اوى كده 65 سنه
واتعدم
اومال انت قاعد فى المدونه وعماله اعمل ليك مكرونه بشاميل ولحمه وفراخ محمرة وشاى وقهوة كل ده ليييييييييييييه
رحمه ونور مثلا ولا علشان لما يحصل اى حاجه القيك جانبى
على العموم انا بقى بهددك
ولو فيها 8 مرات اعدام
يلالالالالا هى موته ولا اكتر

والله المدونه منورة بيك انت
حتى شوف انت تطلع من هنا وهى تضلم
خليك منورنى
سلام يا متر

Mahmoud البطراوى يقول...

اول تعليق ليا هنا
والصدفه بارت تو من البوست ده موجود عندى
:)

حنين القلب يقول...

بطوط حبوب
يا محاسن الصدف
نورتنى

زُمُرده يقول...

والله ما اتهنيت بالاجازه ولا اخدتها اديني وياكوا هو

قوليلي بقى
ايه النظام لحسن عندي شغل وعايزه الحقكم
ايه الخطه والجدول وكده يعني؟؟؟
وهتروحوا فين وامتى؟؟
علشان اعرف ان كنت هقدر اجي ولا لأ

bondoah55@yahoo.com

هستنى ردك

الـسـيـدة نـون يقول...

حلوة اوى النصايح دى يا حنين

انا باكل الرز بالشوكة من زمان
وكل اللى يشوفنى يتريق عليا

مع انى انا اللى صح وهما اللى غلط


وحكاية البذر دى برضه بعملها

وفى حاجة تانية عايزة اقولكم عليها

لو مثلا بتاكلوا فراخ عادية مش بانيه يعنى
بواقى الفراخ من العضم
تحطوها على طرف الطبق الى بتاكلوا فيه ده اذا ماكنش فيه طبق فاضى مخصص لبواقى الاكل
لكن مش من الذوق ابدا انكم تحطوا بواقى الاكل على الترابيزة



حكاية العيش اللى يتقطع بالشوكة والسكينة دى بصراحة ماكنتش بعمل كدة
انا كنت باقطعه بايدى
بس كويس انك نبهتينى


المهم تسلم ايدك على كل النصايح الهايلة دى


تعالى بقى نقول كلمتين فى السكرتة

انا يا حنين مش هاقدر اجى بكرة اسكندرية فى لقاء المدونين

اللى حصل الاتى
قلت لابو شريف
قاللى لا
قلتله لأ ليه
قالى انا لسة ماوصلتش لدرجة من التمدن انى اخلى مراتى تسافر لوحدها

قلتله تعالى معايا
قالى هاروح على اساسا
انى جوز نوران الشاملى؟
لا طبعا

لما نسافر يا اما مسافرين سوا
يا اما انتى اللى مسافرة معايا على اساسا انك مرتى
مش انا اللى مسافر معاكى على اساس انى جوزك

بس خلاص

ومنعا لحدوث اى مشاكل
ونظرا لانى خيخة
فبالتالى قبلت بالأمر الواقع
وسلمت لكلامه
ومش هاسافر

متزعليش منى بقى

سلام
اختك خيخة

Soooo يقول...

اهم نصيحه بقى

لو بتسمع سي تامر موحسني .. او كاظم المساهر .. او هاني شاكر .. ماتقولش انها بتسمع اي حد منهم

دول ياما خربو بيوت يا حنين ياختي

----

انتي جدعه قوي قوي قوي
ربنا يارب يكرمك ويسعدك ويبسطك ويرضيكي دنيا وآخره يارب




سلامووووووووووووز

Soooo يقول...

استدراك

لاحظت في الأونة الاخيره ان النقاش احتدم بينك وبين خالد همس الاحبال .. ولأنني صعيدي بالوراثه .. أردت أن أوضح لكي نقطة هامه

الصعايده احباب الله





سلامووووووووووز

Soooo يقول...

استدراك أخير

آخر الدراسات والأبحاث العلمية التي ناقشتها وكالة ناسا الفضائيه .. أثبتت بما لا يدع مجالا للشكل .. انه في عام الفين تسعمائة ثلاثة وأربعون .. سيصبح عدد الصعايده أكتر من البني آدمين


والله ولي التوفيق




سلامووووووووووز

انسان وبس ! يقول...

ايوه كده بانو على حقيقتكم

عايشين الدور ، وبتناااااااااااكه على الاخر كمان

واخرتها فول وطعميه !

وبعدين هتروح من جوزها فين بكره هيشوف بعنيه و هيعرف كل حاجه خيبه بالويبه


ومين قالك ان فى واحد عاقل يعزم مراته على عيش ورز ومكرونه وسمك وشوربه ....ايه حيلك حيلك
تكونش السفيره عزيزه

فى الظروف المنيله - من النيل - بتاعت بلدنا اللى بتتقدم بينا لو اكلها فى جاد ولا فى اخر ساعه تبوس ايدها وش وضهر !
ويسقيها من قله ع الكورنيش ويغنيلها...مشربتش من نيلها
مش كنت تغنيلها

حنين القلب يقول...

زمرده
اديكى جيتى واتشرفت بمعرفتك يا حبيبتى
وبجد كان يوم جميل
ربنا يجمعنا دايما على خير
سلام يا عسوله

حنين القلب يقول...

بنت مش خيخه ولا اى كلام
شطورة يا حبيبتى
طبعا انتى اللى صح الارز بالشوكه
بس اقولك انا باكله بالمعلقه

بجد يا نوران كان نفسى اوى اتعرف بيكى واقعد معاكى بس ولا يهمك خيرها فى غيرها
ومش تزعلى منى جوزك ليه وجهه نظره برضه
لانى جوزى نفس الكلام قاله ليه لما قولت ليه عايزة انزل القاهرة يوم الجمعه
معلش ان شاء الله تيجى تصيفى ونتصل ببعض ونتقابل على خير ان شاء الله
سلام يا حبيبه قلبى

حنين القلب يقول...

سووووووووووو
ليه بقى يا سى سووووووو
تامر حسنى عسوله
هو كاظم اللى مطمع الستات فى الرجاله وكل شويه يقولها يا سيدتى زى ما يكون السواق بتاعها
وهانى شاكر مش وحش برضه
ربنا يبارك فيك انت ويكرمك يا رب

سلالالالالالالالالالالالالاموز

حنين القلب يقول...

سوووو
طبعا يا احمد هو انا قولت حاجه
بس انا وخالد زى القط والفار
وبعدين لو الصاعيده احباب الله
المنيفه يبقوا ايه ؟؟؟

حنين القلب يقول...

سووووو

آخر الدراسات والأبحاث العلمية التي ناقشتها وكالة ناسا الفضائيه .. أثبتت بما لا يدع مجالا للشكل .. انه في عام الفين تسعمائة ثلاثة وأربعون .. سيصبح عدد الصعايده أكتر من البني آدمين

ههههههههههههههههههههههههههه
موافقه يا سووووو
الا قولى هما الصاعيده ايه؟؟



سلامووووووووووز

حنين القلب يقول...

انسان بلا عنوان
لازم تعيش الدور مش مخطوبين
مهى مش هتعيشه بعد الجواز
يبقى تلحق اى حاجه منه

وبعدين عايز تعزمها عند جاد وتشربها كمان من قله ايييييييه البخل ده
الله يكون فى عونها
ومش تسمعها الاغنيه دى لالا
سمعها ظلموه
نورتنى

د. إيمان مكاوي يقول...

بجد دمك زي العسل
تحياتي

(صندوق الدنيا) يقول...

أدخل الله عليك السرور يا حنين

حنين القلب يقول...

ايما ام البنين
والله انتى اللى دمك عسل وسكر كمان عجبنى اوى البوست بتاع حضرتك اللى فى الضاحكون
بجد نورتينى

حنين القلب يقول...

ايما ام البنين

ربنا يسعدك ويحفظك انتى ومن تحبين

Soooo يقول...

وبعدين لو الصاعيده احباب الله
المنيفه يبقوا ايه ؟؟؟


أعوذ بالله




سلامووووووووووووز

غير معرف يقول...

滿..........................................................