RSS

الاثنين، 19 يناير 2009

الحياه بقى لونها ابيض

السلام عليكم ورحمه الله وبركاته وحشتونى موت والله اولاً انا بعتذر عن تقصيرى وعدم متابعتى ليكم فى الوقت اللى فات بس ده غصب عنى والله انا هحكى لكم اللى حصل يوم الاربع 7\1 ده كان اصلا اجازة رسمى ولاننا شركه عليها اقبال قرروا اننا نشتغل اليوم ده وفعلا روحت شغلى واليوم كان تمام وعادى لحد الساعه 1 ونص لقيت خير اللهم اجعله خير غطا الماتور وقع على رجلى وطبعا بقيت عماله اعيط وخدونى المستشفى وغمضت عينى وفتحتها الا والاقى خير يا رب فيه حاجه ادامى بيضا وبما انى كان جوزى جه واصحابى حواليا ندهت جوزى هو ايه الابيض ده قالى زغردتى انتى اتجبستى وطبعا لان رجلى كانت مرفوعه مش حسيت بمعنى الكلمه اوى لان دى اول مرة اتجبس فى حياتى بس قولت الحمد لله وخلاص المصيبه بقى لما الدكتور قال خلاص ممكن تروح بس رجلها مش تدوس عليها نهائى وقومت من على السرير وبنزل والاقى حاجه بتقع على الارض يا ربنا ايه الدكتور اللى عنده ضمير ده ده مش جبسها بس ده عمل فيها خرصانه حديد وجبس اسمنت وكان فاضل يركب ورق الحائط بس انا اللى استعجلت بجد يا جدعان الجبس ده تقيل جدا وخنقه المهم بقى انى مش عارفه امشى نهائى وخرجت من المستشفى جوزى شايلنى وانا حاطه العرجه المكسورة لالالالا قصدى السليمه على المكسورة وهو يا عينى حيله اتهد روحت البيت وكل ما احب اروح فى حته انده جوزى حواش شلنى يا حواش وحواش قصدى اشرف يا عينى يشيل من سكات ودى مش جدعنه بس غصب عنه هجيب ونش فى الشقه مثلا يشلنى المهم انا كويسه جدا والحمدلله والموضوع مش كسر ولا حاجه هو مجرد تمزق فى الاربطه انا بجد عايزة اشكر كل اللى سالوا عليه واتصلوا بيه وهما خالد همس الاحباب \وبجد يا خالد انت اكتر من اخ والجدعنه والشهامه مش غريبه عليك بس مش هان عليك تجيب ليه 2 كيلو لحمه ارمم بيهم العضم اللى اتكسر عبده الرايق \والله ما عارفه اشكرك ازاى ولا اقولك ايه ؟؟ بس يا روقه انت نعم الاخ وبجد كنت بسعد جدا لما اسرتك الكريمه بتكلمنى وتطمن عليه وسلملى على احمد ومحمود ومحمد واسراء ومامتهم ربنا يبارك ليك فيهم ويخليك ليه صبرنى يا رب \ صبرنى حبيبه قلبى الف شكر على سؤالك الدائم عنى وربنا مايحرمنى منك ولا طيبتك دى ابدا وخفى شويه على حبيبه قلبى رحمه البت مش قدك واحده مفروسه \شكرا يا مفروسه على سؤالك وربنا يكرمك ويخليكى داليا قوس قزح \ ربنا يكرمك يا دوللى وشكرا على اهتمامك بيه وبوسيلى نور واخص بالشكر واحده حست ان فيه حاجه وانى موجوعه من غير ما تعرف عنى اى حاجه احب اقولها عينى دمعت لما لقيتك بتقولى قلبى وكلنى عليكى ومش عارفه مالك ربنا يخليكى ليه يا ام قلب اصفى من اللبن ولا يحرمنى من حنيه قلبك وحبك ليه دى يا جماعه حبيبه قلبى ورحى ( فاتيما روح قلب ماما) والله ما تعرفى تعليقك ده عمل فيه ايه بس حسيت انك معايا وشيفانى يمكن مش بعنيكى انما بقلبك فطوم انا بحبك اوى والله وربنا يرجعلك يوسف ويفرحك بيه الف شكر ليكم كلكم والله انا بحبكم فى الله بس خلاص كان معكم حنين المجبسه اللى هترمم قريب

54 التعليقات:

داليا ..قوس قزح يقول...

الف سلامة عليكى يا حنين
بس فى نفس الوقت يا بختتتتتتتتتتتتتتتتك متشالة فى الرايحة و الجاية
يعنى دلع اهو ما بعده دلع
خدى لك يومين بقى و لو الدكتور قال افك الجبس قولى له لا انا حاسة ان فى خل فى الاساس لسه و ممكن ابقى ايلة للسقوط فى اى لحظة
ربنا يشفيكى وو تقومى بالسلامة


بس لى سؤال .. مينفعش غطا حلة ولا لازم غطا ماتور ( وش بيفكر فى خطة تجبيسية )

سلام يا جميل

Mafrousa يقول...

الف سلامة عليكي يارب
بس يا بختك حواش واضح انه رياضي
و من زوات حمل الاثقال
ههههههههه
سوقي فيها بقا
و خليه يطبخ و ينضف الشقة بالمرة
هههههههههههههههههه
انا مش اقدر افكر حتى اني اتجبس و لا حتى اربط رباط ضاغط
وده ببساطة لان ساعتها مش حعرف ادلع على جوزي
ممكن ساعتها يقولى انا حروح اقعد فى فندق لغاية لما تخفى
و يسيبنى فى البيت مع نفسي
هههههههههههههه
خلينا محافظين على روحنا احسن
سلامتك

أحــوال الهـوي يقول...

الف سلامة علي ضهر جوزك من كتر الشيل

و سلامتك و الله ما نعرف

علي العموم يارب تقومي بالسلامه

تحياتي

عمرو يقول...

سلامتك ألف سلامه عليكى اٍن شاء الله تقومى على خير قريب
و كان الله فى عون الأستاذ ربنا يديله العافيه و يقوى له ضهره يا رب :)
على فكره سمعت أن أحسن حاجه لسرعة علاج تمزق الأربطه هى أكلة كوارع و طبق شوربه كده من اللة وصى عليها الأولون
و بالشفاء العاجل اٍن شاء الله

همس الاحباب يقول...

ههههههه
هههههه
بصراحة صعبان عليا اشرف
عايز اتصل بيه وابعتله ونش سقفى حمولة 2 طن متنقل
الناس لبعضها برده
يلا انا نفسى اسال سؤال هو الموتور حصله ايه يا ترى
ههههههههه
عامة الف سلامة عليكى يا ستى انا كان نفسى فى حاجة تانية غير رجلك بصراحة

همس الاحباب يقول...

اه بالمناسبة هو فيه البنات كلها عايزة تتكسر دلوقتى
والكل فرحان وعايز حواش يشيل
هما نسيوا ان فى كراسى متحركة
وبعدين جوزك قالك زغرطى
ما زغرطش ليه هو مش هو اللى هيشيل وحيله يتهد
وبعدين فى بلاغ للنائب العام انك محتكرة الحديد والجبس
وانك بتبيعهم فى السوق السودا
ههههههه

صبرني يارب يقول...

معقوله يا لوليه بتشكرينا عشان سألنا عليكى يا بطه طب امال نسأل على مين

حلوه حكاية الشيل دي بس مش هاعرف اطبقها انتى عارفه الظروف هههههههههههههههههه
لانه كده ها يجيب ونش فى البيت اسهل ههههههههههههههه

الف سلامه عليكى يا لوليه ولو نعرف يا باشا نجيلك كنا جبنالك فطير وجبنه قديمه وعسل وقشطه يا قشطه وجنالك والله
هههههههههههههههههه

حسن حنفى يقول...

الف سلامه

ان شاء الله تقومي بالسلامه قريب

ومعلش والله مش دخلت النت من زمان اول مره ادخله امبارح

علي العموم نرك في بوست اخر قريب

:d

عبده الرايق يقول...

الله الله الله
اسمى مكتووووووووووووووووووب
والعائله الكريمه كمان
وشجره الدر
الف الف الف مليون سلامه ليكى يا اجدع حنين فى الدنيا كلها
بجد انتى ونعم الاخت
انا فعلا حسيت بتقارب كبير بينك وبين اصغر عضو فى اعضاء فريق الرايق الاسرى وهى اسراء
وكنت بسمعها فى التليفون وهى بتقولك عمتو حلين كنت بحس بتقارب كبير جدا بينكم
عموما
التعليق ده خاص بالرايق
كان هذا هو الموجز واليكم الانباء بالتريكو
قصدى
بالتفصيل

عبده الرايق يقول...

التعليق ده
خاص باسراء
عمتو حلين
الف سلامه ليكى يا عمتو
انا رحت الحضانه وكتبت الف ارنب
وعايزه نص جنيه اجيب مصاصه

عبده الرايق يقول...

التعليق ده
مسز رايق ... وهى اللى كتباه بنفسها
السلام عليكم
ربنا يكمل شفاكى على خير
والف سلامه ليكى

عبده الرايق يقول...

التعليق ده
من الاولاد
تعليق جماعى علشان التقشف والحاله الاقتصاديه
الف مليون سلامه لعمتنا الغاليه حنين وندعو الله لكى بالشفاء العاجل
محمد سيد
احمد سيد
محمود سيد

فاتيما يقول...

دنتى اللى قلبك أبيض فى أبيض يا حنونة
بقى يا بنتى فى عز التجبيس بتفكرى تشكرينا ؟؟
طب والنبى إحنا عملنا إيه؟؟
سلامتك ألف ألف ألف سلامة
و والله لولا الزنقة اللى أختك فيها كنت شديت الرحال على إسكندرية المارية و رقدت جارك و ريحت أشرف شويتين ...
بس معلشى بقى و مسيرها تفرج
و سلامتك يا حبيبتى ألف ألف سلامة
و الواد خالد دا لما أشوفه ..
أل قلقان على الموتور أل
طيييييييييب يا أبو همس
و بعدين اللحمة دى يبعت إتنين كيلو تانيين لأشرف الغلبان
ربنا يخليكم لبعض يا حبيبتى
يا رب
و السنة الجاية فى المعاد دا يكون النونو بيوأوأ و يتربى فى عز باباه و حنية قلب مامته
يا رب
حبى و قبلاتى
يا اجمل جنية فى بحر إسكندرية
و قوليلنا صحيح الجبس دا هيعقد اد إيه؟؟

انسان وبس ! يقول...

الف سلامه عليكى

انا رجلى انكسرت قبل كده فى حادثه سياره ( اللى خبطتنى ) واتجبست اربع شهور وعارف اد ايه الجبس خنيق
بس معلش ربنا يشفيكى وتقومى بالسلامه

وربنا يكون فى عون جوزك ا/أشرف اللى مكتوب عليه الشيل من اول يوم جواز فاكره؟ ههههههه (وش بيغمز وبيضحك )

صاحب المضيفة يقول...

لا بأس طهور إن شاء الله ويارب يجعلها كفارة لسيئاتك يارب ويرضى عنك


الف سلامة وان شاء الله تقومي على طول من الخرسانة دي


:):):):)


كل التحية

Kiara يقول...

الف الف مليوووووووووووون سلامه حسه بيكي انا اللي كان بيشلني محمد اخويا :)

وبقي عاوزه مني 56 كيلو لحمه او عجل وانتي توزني

ههههههههههههه ماااااااااشي

والله وحشتني يابنتي

فاتيما يقول...

حنونة
عاملة إيه يا حبيبتى دلوقتى ؟؟
يا رب يكون كله تمام
أنا عارفة إن قعادك دلوقتى قصاد الكمبيوتر هيبقى صعب شوية و ممكن متعرفيش تقرى التعليق دا
بس المهم إنى بس عاوزة أقولك
سلامتك يا حبيبتى
و بتمنالك العافية يا رب فى أسرع وقت
و سلامى لحواش
يووووه
لاشرف جوزك

فشكووول يقول...

الف سلامه لك يا حنين القلب وربنايعين اشرف ويساعده وكمان ربنا يشفيك
متهيأ لى من زمان ما جيتش عندك بس ما علهش اعتذر عن التأخير
تحياتى

حنين القلب يقول...

قوس قزح

الله يسلمك يا حبيبتى

ياسااااااااااااتر حتى القر فى الجبس !!

فين الدلع ده؟؟
انا مش هفكه الا بعد سنه
واهى فرصه ادلع شويه
وش بيطلع لسانه وبيغيظك يادوللى

لا يا ستى هو غطا موتور مش حله لو حله مش كنت جبستها كنت شربه شوربه كوارع و خفيت

سلام يا سكرة

حنين القلب يقول...

واحدة مفروسه

اااااه يا مفروسه
حواش رياضى اوى 107 كيلو بس

دنا مطلعه عينه وربنا يا مفروسه
طبيخ وتنضيف وتوصيل الطلبات للمنازل
قصدى توصيلها ليه
ههههههههههههههههههههههههههههه

ربنا يحفظك ياروحى

حنين القلب يقول...

احوال الهوى

كده برضه
كنت فاكراك هتقولى الف سلامه عليكى وعلى رجليكى الاخر تقولى الف سلامه على ضهر جوزك
عاااااااااااااااااا

يا رب يخليك يا سيدى

حنين القلب يقول...

عمرو

الله يسلم حضرتك ويحفظك
هو كله خايف علي جوزى ليه
دنا خفيفه يا جدعااااااان

مش بحب الكوارع ولا شوربتها ممكن اشرب شوربه لحمه بس اللحمه عليك
مااااااااااااااشى

الله يكرم حضرتك

حنين القلب يقول...

همس الاحباب

مين اللى قاله ده ؟؟

مالك فرحان كده ليه ياخالد
وصعبان عليك اشرف وعايز تجيب ليه ونش

لييييه انت فاكره زيك

يا بابا اشرف 107 كيلو يعنى يشلنى بايد واحده مش زيك 34 كيلو
ههههههههههههههههههههههههههههه
وبتسئل على الماتور
كويس ابقى روح شوفه

كان نفسك رقبتى اللى تتكسر عارفاك
طول عمرك بتتمنى ليه الخير

الله يسلمك وعقبالك

حنين القلب يقول...

همس الاحباب

يا ابنى احنا كده
بنحب الدلع والشيل حتى لو فيها كسر رجل لو ايد لا علشان مش هنتشال
ههههههههههههههههه

جوزى قالى زغرطى اه بس انا مش رضيت لحسن الدكتور يحولنا على العباسيه
كفايه جبس هيبقى جبس وقله عقل

انا محتكرة الجبس والحديد
ليه هبنى عمارة دى هى رجل وايله للسقوط

خالود
اطلب منك طلب
ممكن تتبرع لاختك فى الانسانيه ب 43678علشان مزنوقه فى تمن الكرسى المتحرك ده
منكن؟؟

حنين القلب يقول...

صبرنى يا رب

يا رب يخليكى ليه
ولا يحرمنى منك ابداااااااا

اوعى تعمليها يا صبرنى جوزك طيب
حرام الاذيه
ههههههههههههههه
الف بعد الشر عنك يا حبيبه قلبى

انا مستنيه الفطير والعسل والجبنه القديمه لما تيجى تزورينى بنفسك وتنورينى فى الصيف
مااااااااااااااشى

حنين القلب يقول...

حسن حنفى

الله يسلمك
ولا يهمك
الحمد لله انا بخير

جزاك الله خيرا

حنين القلب يقول...

عبده الرايق

سمععععععععععع هسسسسسسس

بابتى هنا
انا مش مصدقه نفسى يا جدعان

ده اقل واجب يا روقه

ربنا العالم انى احتسبتك امام الله اخى

وعيلتك عليتى يا عم

والله يا روقه انت نعم الاخ
وربنا يخليك ليه ولا يحرمنى من سؤالك عنى

والله انا اللى كنت ببقى مبسوطه وانا بكلمكوا اوى وخصوصا اسراء حبيبه قلب عمتو حلين

ربنا يبارك ليك فيهم ويحفظهم ليك

حنين القلب يقول...

عبده الرايق

يا حبيبه قلب عمتو انتى تؤمرى
بس
نص جنيه بس
خدى من بابا 10 جنيه وانا هبقى اديهاله
رااااااايق ادى البنت 10 جنبه بطل بخل
هههههههههههههههههه

شطووورة يا اسراء احفظى أ ب كلها علشان هسمعها ليكى

ربنا يخليكى ويحفظك يا قمرة

حنين القلب يقول...

عبده الرايق

عليكم السلام ورحمه الله وبركاته

اختى العزيزة مسز رايق
يعلم ربنا انى سعيده جدا لانى اتعرفت على شخصيه زى حضرتك ربنا يكرمك

ويبارك ليكى فى زوجك واولادك

حنين القلب يقول...

عبده الرايق

ايوووووووووووووووه التقشف حتى فى التعليقات يا روقه

الله يسلمك يا محمد ويا احمد ويا محمود
ويا رب تنجحوا ويوفقكم يا رب
واشوفكم احسن ناس فى الدنيا

محمد
بلاش بابا يذكرلك يا حبيبى انت الاول علطول بلاش لحسن تطلع الاخير

محمد,احمد,محمود
ملحوظه هامه ليكم
اول ما تظهر النتيجه كل واحد منكم ياخد 200جند حلاوة النجاح من بابكم واوعوا تتنزلوا عن 200
مااااااااااشى اتفقنا

وش بيغيظك يا روقه

حنين القلب يقول...

فاتيما

حبيبه قلبى
الله يسلمك يا حبيبتى كفايه انك حسيتى بيه وانتى بعيده يا فطوم
ربنا يخليكى ليه ويحفظك من كل سوء يارب

كانك جيتى وزورتينى بس مش هتنازل عن زيارتك ليه اول ما تنورى اسكندريه

يعنى لو جيتى هتشلينى بدل اشرف
هههههههههههههه
بيقولك تعالى

شوفتى يا طمطم يا حبيبتى الواد خالد
خايف على الموتور وانا لا
ربنا يسامحه

و بعدين اللحمة دى يبعت إتنين كيلو تانيين لأشرف الغلبان

شوفتى ياختى مستخصر 2 كيلو استنى بس لما اشوفه هاخد منه حق 8 كيلو مش 2 بس

ربنا يخليكم لبعض يا حبيبتى
يا رب
و السنة الجاية فى المعاد دا يكون النونو بيوأوأ و يتربى فى عز باباه و حنية قلب مامته
يااااااااااااااا رب
يااااااااااااااااااااا رب
يسمع منك يا حبيبتى

لسه هروح اعمل اشاعه يوم 8\2 لو طلعت كويسه هافكه لو لسه فيه تمزق هخليه
واشيل ضهر اشرف لانه باظ
ههههههههههههههههههههههههههههه
ربنا يحفظك يا حبيبتى
مووووووووووووووووووه دى ليوسف حبيبى

حنين القلب يقول...

انسان وبس

الله يسلمك

اااااه الجبس خنيق جدا وتقييييل جدا

انت متابع بقى
هههههههههههههههههههههه
اه هو مكتوب الشيل عليه
وبعدين انتوا محسسنى انى 150 كيلو
يا نااااااس انا 70 كيلو بس والجبس 30 كيلو
يعنى الجبس هو اللى تقيل مش انا

نفس الوش بتاعك اللى بيغمز وبيضحك
نورتنى

حنين القلب يقول...

صاحب المضيفه

الله يسلم حضرتك

يا رب يجعله فى ميزان حسناتى ويخفف بيه من ذنوبى

يا رب اطلع من الخرسانه دى
والله انا خايفه من بتوع الحى لحسن يعملوا لرجلى ازله

نورتنى

حنين القلب يقول...

كيارا

الله يسلمك يا حبيبتى

ليه الفضايح دى
اااااااااااه بقى خسارة فيه 56 كيلو
والاخر خوفت عليكى لحسن تتعبى من الميزان ولا حد يخمك فيه
قولت هاتى عجل وانا اوزنه براحتى
ابقى انا كده غلطانه ؟؟

ماشى سكرة
وانتى كمان وحشتينى اوى والله

حنين القلب يقول...

فاتيما

الحمد لله
انا بخير يا حبيبتى مش تقلقى عليه
انا قرده اساسا وصعب يحصلى حاجه

انا اقدر مش اقرى تعليقك ولا ارد عليه
دنا لو بموت وعرفت انك عندى لازم ارد عليكى هو انا عندى اغلى منك يا حبيبتى

و بتمنالك العافية يا رب فى أسرع وقت
و سلامى لحواش
يووووه
لاشرف جوزك
هههههههههههههههههههههههههه
انا رايى تتمنى لحواش السلامه لانه ضهره اتكسر
هههههههههههههههههههههههه

بوسه كبيرة وحضونه لحبيبه قلبى
موووووووووووووووه ودى برضه ليوسف

حنين القلب يقول...

fashkool

الله يسلم حضرتك ويحفظك يا عم فشكول


متهيأ لى من زمان ما جيتش عندك بس ما علهش اعتذر عن التأخير

ولا يهمك يا عم البيت بيتك تنوره وقت ما تحب

نورتنى

غير معرف يقول...

الف الف سلامه عليكى و ربنا يستر على حواش

حنين القلب يقول...

biberss222


الله يسلمك يا سيدى
وحواش بيقولك ربنا يستر بجد

ههههههههههههههههههههه

الدفاع يقول...

الف مليون سلامه عليكى يا حنين والله انا داخل المدونه اشوف ايه الجديد عندك اتصدمت بموضوع الجبس والموتور ده الف سلامه عليكى
انا اسف انا مضطر طبعا لانى اخصم الفتره دى من ارباحك فى الشركه سورى بيزنس از بيزنس وده طبعا مالوش علاقى بتمنياتى ليكى بالشفاء العاجل (بعد انتهاء السنه الماليه كده) ربنا يشفيكى بسرعه وفى اقرب وقت يارب
تحياتى

انسان وبس ! يقول...

المهم نسيت اقولك نصيحه

طالما انك مش بتحبى - للاسف - الكوارع وشوربتها

هاتى سمك صغير اصغر نوع فى السوق وكليه بشوكه بعد ما تسويه طبعا دى كانت نصيحة رئيس قسم العظام بمستشفى العجوزه للعبد الفقير لله لما كان مكسور
السمك عموما والالبان بيفيد ان العضم يلم تانى بناء العظام يعنى

وادعيلى

zainab يقول...

أول زيارة ليا فى المدونه و ألاقيك متجبسه

يا اااااااااااااه

ألف سلامه عليكى و ربنا يعافيكى

تحياتى

غير معرف يقول...

السلامو عليكم و رحمه الله وبركاته
انا جى اطمن على الزميل حواش
قصدى عليكم
ان شالله تكونوا خير

حنين القلب يقول...

الدفاع

انت لسه فاكر وربنا انت شريك مادى واتصدمت
هههههههههههههههههههههه
ماشى يا عم المصدوم طيب خلى فيه حبه زوق وبلاش البخل ده وهات عربيه فاكهه نص نقل وتعالى زورنى

انا اسف انا مضطر طبعا لانى اخصم الفتره دى من ارباحك فى الشركه سورى بيزنس از بيزنس

اى بيزنس يا بخيل ده انت اتحبست 6 شهور على ذمه قضيه وانا كنت ببعت ليك نصيبك فى المكتب وانا لما اتجبس شهر تعمل كده
لالالالالا مش كنت متخيلاك مادى اوى كده
بص بقى يا سى اسامه
لو الفلوس بتاعتى مش جت ليه بالكامل هرفع عليك قضيه وهجيب محامى بجد واخدلى بالك انت
يحبسك وممكن كمان يطالب انك تقضى فترة العقوبه فى سجن ابو غريب اومعتقل جوانتامو واشهد انك مشترك فى تنظيم القاعده
وانسسسسسسسسسسسسسسسسى
المكتب بالقضايا بالساعى كمان
كللللللللللللللله هيبقى ملكى
وللابد
وابقى اشوفك لما ترجع بالسلامه
هههههههههههههههههههههههه

حنين القلب يقول...

انسان وبس

وادعيلى

دنا كده هدعى عليك
هههههههههههههههههه
سمك ايه اللى اكله بشوكه
ودكتور مين الشاطر ده
ولما شوكه تقف فى زورى وروحى تطلع يبقى كويس
نو
نو
نو
انا مش موافقه على الفكرة دى انا ممكن اكل فرخه بعضمها انما سمكه بشوكها
لالالالالالالالالالالا شكرا على النصيحه اللى هتطلع روحى

حنين القلب يقول...

zainab

ولا يهمك يا حبيبتى دنا كده خفيت

والله يسلمك ويحفظك

نورتينى يا زوزو

حنين القلب يقول...

biberss222

مممممممممممممممممم
علينا برضه
ماشى يا عم
انا والحمد لله كويسه
وحواش بيعمل جلسه علاج طبيعى على ضهره وزمانه جاى
ههههههههههههههههههههههههههه

نورتنى

شمس النهار يقول...

عمتو حنين
الف سلامةعليكى
دى وردة هدية
تحياتى
محمودسيد

حنين القلب يقول...

شمس النهار
يا حبيب قلب عمتو
ربنا يخليك ليه ولا يحرمنى منك ابدا

وتسلم ايدك على الورده
بس عايزاك المرة الجايه مش تتكسف وتكلمنى اتفقنا

ربنا يبارك لابوك فيك

ابن الوز عوام وابن الرايق فنان

Soooo يقول...

يا الله
طب والله العظيم ما عارف اودي وشي منك فين
وليكي حق والله العظيم تزعلي مني
لكن والله مودي العام منيل بنيله ومش بباقعد عالجهاز غير فين وفين

حقك علي يا احلى اخت في الدنيا كلها
وربنا يارب يارب يارب يعفو عنك وتقومي بألف سلامة يااااااااارب

والله العظيم انا في قمة الاحراج من روحي
حقك علي ماتزعليش بجد



سلامووووووووووز

حنين القلب يقول...

soooo

ولا يهمك يا سووو
بس انا كان عشمى تيجى اسكندريه تجيب لاختك زيارة محترمه وتنورنى وهنغديك يا عم متخافش يعنى هنعوض الكربوهيدرات اللى هتتحرق فى السفر

هههههههههههههههههههههههههه

هو فيه اخت تزعل من اخوها حتى لو مطنشها زيك كده

وسلامه مودك يا عم
ماااااااااااااالك

يا رب دايما اشوفك بخير
ويخليك ليه يا احسن اخ فى الدنيا


سلامووووووووووز

همس الاحباب يقول...

نعم نعم
كام 43678 ده اصلا رقم ايه بالظبط وبتقرا من الشمال ولا اليمين
انا اخر رقم وصلتله كان الاحاد والعشرات وسمعت انه فيه مئات بعد كده
بس بصراحة الرقم ده اول مرة اشوفه
ولو كان على الكرسى االمتحرك بسيطة قاعدة التلاجة تؤدى نفس الغرض
وممكن قاعدة الانبوبة تنفع برده
انتى تقعدى عليها وتلفى الشقة ذهاب واياب واعتبريها توكتوك يا ستى
ويا ستى عليه اجيبلك 2 كيلو عضم من غير لحم لزوم الشوربة

حنين القلب يقول...

همس الاحباب

نعم نعم
اومال محاسب
ومش اعرف شغال فين
انا قولت كده برضه انت اخرك معاك ابتدائيه مش محاسب
مش عارف تقرى ثلاثه واربعون الف ستمائة تمانيه وسبعون

يا عينى عليكى يا حنين يا متعلمه
انت ولا ليك فى احاد ولا عشرات ولا فى حاجه ابدا

وبتسئل تقراه من اليمين ولا من الشمال هو رقم تليفون
يا لهوووووووووووووووى

قاعده تلاجه ولا انبوبه
يا اخى اعمل فيك ايه
تصدق انا فعلا محتاجه انبوبه علشان افجرها فيك
اعوذ بالله منك

ومستخصر فيه 2 كيلو لحمه بدل العضم
انت ايه يا ابنى
بخيييييييييييل كده ليه

خالود
مش عايزة منك حاجه ولا لحمه ولا عضم ولا كرسى متحرك
كلها اسبوع وافك الجبس ولا الحوجه ليك

ياسااااااااااااااااااتر

Fahd يقول...

الف الف سلامه

ايه اللي صاب المدونات السيدات

اجمل حاجه ان جوزك عبر عن مشاعره الحقيقة وكان فرحان بالجبس

بس يا عيني فرحته لم تستمر

وهو مجبر ان يحملك انتي والجبس كل خمس دقائك

طبعا وانتي لن تفوتي هذه الفرصه


الف سلامه

ربنا يقومك بالسلامه

الدفاع يقول...

حرصا على الروابط الانسانيه قررنا نحن رئيس مجلس ادارة الشركه
الابقاء على خصم فتره العلاج من الارباح حفاظا على سير القوانين
ويتم منح حنين مكافأه توازى ضعف وزن الجبس بشرط تقديم الجبس بعد ما يتم فكه وكذا صور الاشعه والموتور الذى تسبب فى هذه الاصابه
وبكده يبقى المكتب عمل اللى عليه ومفيش فى ايده اكتر من كده
ملحوظه
الفاكهه فى الطريق
بس ياريت يكون فى مكان علشان عربيات النقل تركن قدام البيت

كويس كده ولا لسه فيها ابو غريب؟
جوانتانامو اتقفل خلاص يا حنين
الف سلامه عليكى والشركه كلها تحت امرك
تحياتى