RSS

السبت، 6 يونيو 2009

من مفيش ؟؟

كل حاجه بتبداء من مفيش كلمه عاديه جدا سمعتها فى فيلم الانسان يعيش مرة واحده بس وقفت عندها كتير اوى فعلا اى شىء بيبداء من مفيش اى اتنين بيحبوا بعض او بيكرهوا بعض لو دوروا على سبب لحبهم او لكرههم هيلاقوا البدايه مفيش اللى بيقتل مراته وبيلاقيها بتخونه مع صاحبه لو فكر فى بدايه الحكايه برضه مفيش اللى بيموت فى لحظه وهو بيزنى او بيشرب مخدارت او ....او...... او.... لو دور على كل ده عمله ليه وكانت بدايته ايه برضه هيلاقى الاجابه من مفيش بس السؤال هنا ايه اللى بيخلى الحاجه اللى من مفيش دى تبقى مهمه اوى فى حياتنا يعنى مثلا اللى بتحب واحد ويتهىء ليها انه دنيتها كلها مع انه ممكن يكون حبهم ده غلط والافضل انها تبعد عنه بس برضه تقول لالالالالا مستحيل هقدر او اللى يكون بيخون مراته ويزنى مع غيرها تيجى تقوله طيب ليه يا عم ده الموضوع اسهل بكتير اقفل الحكايه دى يقولك لالالالالالالا ازاى مقدرش او اللى بيسرق ويقتل علشان 50جنيه لو فكر فى لحظه انه الحكايه ابسط من انه يقتل علشانها وممكن تعدى بس رده لالالالالالالالالا واسيب حقى ليه دنا اخده من حباب عنيه يا جماعه القتل والسرقه والزنا والحب والكره دى كلها حاجات ممكن تحصل فى لحظه وتحصل من مفيش مش الحل اننا نقول ده الشيطان هو اللى بيوسوس لينا وهو السبب ان النفس لامارة بالسوء احنا برضه علينا جزء كبير جدا من الشر اللى بيحصل الحل اننا نرجع لربنا الحل اننا نجاهد نفسنا الحل اننا نتمسك بحبل الله جميعا وربنا يقوينا على نفسنا وعلى وسوسة الشياطين

33 التعليقات:

همس الاحباب يقول...

بسم الله ما شاءالله
متفق معكى قلبا وقالبا فى كل حرف وكلمة
تسلم الايادى
وربنا يوفقنا الى ما يحبه ويرضاه

همس الاحباب يقول...

جزاكى الله خيرا
وربنايقوينا على الشيطان وانفسنا
اللهم امين
تحياتى

أسير الجراح يقول...

السلام عليكم

بارك الله فيكى

فعلا الواحد لما بيبعد عن ربنا

بيبقى الانسان بيعاقب نفسة بابتعادة لية


اللهم ابعد عنا وسوسة الشيطان

ويبعدة عنا يارب

تسلمى يارب

وجزاكى الله كل خير

على فكرة بقى انا جى اعزمك على عيد ميلادى

يوم 21 ان شاء الله وهنزل بوست والتفاصيل حتكون فية بامر الله



اسير الجراح

♥نبع الغرام♥♪≈ يقول...

السلام عليكم

حبيبتى الغاليه

بجد كلامك جميل قووى

الله عليكى وعلى اسلوبك الجميل

ربنا يهدينا لطريق الخير يارب ويسمنا ويغفر لنا
اللهم امين

اختك
ايناس

Kiara يقول...

الحل اننا نرجع لربنا

الحل اننا نجاهد نفسنا

الحل اننا نتمسك بحبل الله جميعا

وربنا يقوينا على نفسنا وعلى وسوسة الشياطين


****************

صح كدا

بوست حلو ربنا يجعله في ميزان حساناتك

Soul.o0o.Whisper يقول...

السلام عليكم و رحمة الله و بركاته


خاااااااامس تعليق رسمىىىىىىىىى




احجزززززززززززززز

Soul.o0o.Whisper يقول...

حنييييييييين الجميلة

رغم انها اول زيارة
لكن بجد مدونتك ماشاء الله عليها


اسم على مسمى
ربنا يبارك لك فيها يارب

و البوست دا بجد جميل جدا
و معناه رائع

ونهايته جابت الخلاصة
"الحل اننا نرجع لربنا

الحل اننا نجاهد نفسنا

الحل اننا نتمسك بحبل الله جميعا"


ربنا يثتنا جميعا يا قمر
و يعيناعلى انفسنا و الهوى و الشيطان


دمتى بكل الود
و أتمنى دوام التواصل

شيماء جمال(شيمو القمر) يقول...

بجد كلامك كله حقيقى
كل حاجة بتبدأ من مفيش
المشكلة ان احنا لو عايزين نكره حد بنقدر نكرهه ولو عايزين نحب حد هنقدر نحبه

جزاكى الله خيرا

تحياتى
شيمو القمر

حاجات جوايا يقول...

بسم الله ما شاء الله
ربنا يباركلك ويبارك فيكى يارب
ويجعل البوست ده فى ميزان حسناتك


فعلا النفس لامارة بالسوء
واحيانا بتكون أسوأ من الشياطين
الدليل ان الشياطين بتسلسل فى رمضان ورغم كده الشر مش بينتهى من الدنيا بل بالعكس ممكن يزيد كمان عند ناس نعوذ بالله ان نكون منهم او مثلهم


ربى انى اعوذ بك من شر نفسى وشر الشيطان وشركه وان اقترف على نفسى سوءا أو اجره الى مسلم


فعلا الحل اننا نرجع لربنا نعرف ديننا صح بقى
كفاية ضياع فى دنيا فانية مش بناخد فيها غير وجع القلب

ربنا يهديكى ويهدى بكى ويهدينى ويهدى المسلمين يارب لطريق الحق

جزاكِ الله كل خير يا حبيبتى
:)

عاشقه الرومانسيه يقول...
أزال المؤلف هذا التعليق.
كفايـة طيبـة يقول...

تمام
ولو كمان الموضوع اصلا صغير وتافه
الواحد بيتضايق اوى لما يكبر
ويتعمل انه حاجة تتوقف عليه الحياة
بجد كله بيبدأ من مفيش

maha zein يقول...

والله عندك حق
كل شىء اصله مفيش
وفي النهاية بتكون نهايته سودة مهببة

بجد الواحد لازم يجاهد نفسه دي
لازم يعمل الصح عشان ربنا
يترك معاصيه عشان ربنا

ومن ترك شيئا لله عوضه خيرا منه

جزاكي الله خير
ويجعله ربي في ميزان حسناتك

حنين القلب يقول...

همس الاحباب

الحمد لله انك اخير اتفقت معايا فى حاجه

الله يسلمك يا خالود
يوفقنا جميعا لما يحب ويرضى

حنين القلب يقول...

همس الاحباب

ياااااااا رب يقوينا

اللهم امين

منورنا يا باشا

حنين القلب يقول...

أسير الجراح

عليكم السلام ورحمه الله وبركاته
الله يكرمك

اللهم امين

كل سنه وانت طيب
ان شاء الله ربنا يسهل واقدر اجى

وعقبال مليون سنه

نورتينى

حنين القلب يقول...

عاشقه الاحزان


عليكم السلام ورحمه الله وبركاته
ازيك يا نوسه
وحشتينى

ربنا يخليكى يا قمر

اللهم امين يهدينا ويغفر لينا ويرحمنا

نورتينى يا ايناس

حنين القلب يقول...

كيارا

ربنا يخليكى يا سكره

اللهم امين

حنين القلب يقول...

soul.o0o.whisper

خامس تعليق وتحجزى
على اساس انه طابور جمعيه
ههههههههههههههههههههههههههههه
مااااااااااشى يا ستى

براحتك

حنين القلب يقول...

soul.o0o.whisper

ده انتى اللى سكرة وعسوله كمان

المهم انه عجبك يا ستى

اللهم امين يثبنا جميعا

نورتينى يا قمر

حنين القلب يقول...

شيماء جمال شيمو القمر

اكيد طبعا
الانسان جواه اراده اكبر من اى حاجه
بس احنا اللى بنكسل نصلح الغلط وبنتعود عليه
نورتينى يا شيمو
ووحشتينى

حنين القلب يقول...

حاجات جوايا

ربنا يخليكى يا حبيبه قلبى

صح يا سالى

ربى انى اعوذ بك من شر نفسى وشر الشيطان وشركه وان اقترف على نفسى سوءا أو اجره الى مسلم

اللهم امين

نورتينى يا حبيبتى

حنين القلب يقول...

كفايه طيبه


بالظبط
علشان كده لازم ناخد بالنا من كل شىء

نورتنى

حنين القلب يقول...

مها زين

على فكرة يا مها
انتى من الناس اللى كلامها بيأثر فيه جدا وبحس انه بيدخل قلبى جدا
بجد والله
وفيه حاجه كده بفكر فيها بس لما اخد فيها قرار هتبقى انتى اول حد يعرف باذن الله
ادعيلى يا مها
ومن ترك شيئا لله عوضه خيرا منه

جميله جدا الجمله دى
ربنا يكرمك ويصلح حالك لما يحب ويرضى

صبرني يارب يقول...

الله ينور عليكى

شوفي احنا عايزين ننشر ثقافة عد لحد عشره قبل ما تغلط يا عبيط

هههههههههههه

تسلمى يا جميل على الكلام الجميل

حنين القلب يقول...

صبرنى يا رب

الله ينور على حبيبه قلبى

صححححححححح يا صبرنى
نعد لحد 100 علشان نتاكد اننا مش هنغلط ولو لحقنا نغلط اصلا بقى
هههههههههههههههههههههه


بحبككككككككككككككك موت والله

Sweet Violet يقول...

امممممم

مافيش حاجة من عدم .. لكل فعل اسبابه

ممكن الاسباب تكون خفية لكن لازم يكون فى سبب

يعنى اللى بتحب واحد بتكون الاول اعجبت بيه و بشخصه و بعد كده حبته و من هنا هتكون مش شايفة الغلط

يعنى فى سبب وهو الاعجاب

لو من اول نظرة يبقى الشخصية اصلا غير ناضجة و ده بردو سبب

اللى بيزنى ده يبقى هو اصلا نفسه معلش فى الكلمة دنيئة و ده سبب

اللى بيقتل علشان 50 جنيه رغم انك مش شايفة انها تستاهل و هى فعلا كده طبعا

لكن هو فاهم عدم التفريط فى حقه غلط جداااا .. وده سبب

يعنى زى ماقولت كل شئ ليه اسبابه ظاهرة كانت او باطنة

و فعلا زى ماانتى قولتى لو احنا قربنا من ربنا

هنقدر نصحح كل المفاهيم و هنقدر نقاوم أنفسنا الامارة بالسوء

ايه ده ماانتى قولتى اهو ان السبب البعد عن ربنا

يعنى فى سبب اهو .. امال ايه مافيش دى

ايه الناس دى .. ايه الناس دى

اولع فى المدونة دلوقتى ولا اعمل ايه هه

انا كده اتنرفزت بقى

بصى بقى عقاب ليك هعطيك بوسة كبييييييييييير علشان تحرمى تنرفزينى تانى هه بس

اممممممممممممممممممممممممموة

تحياتى ياأجمل حنونة ^_^

yoyo يقول...

مسائك سكر يا نونو

بجد والله تسلمى على البوست الجميل دا

ويارب يبارك لك و يجعله فى ميزان حسناتك

فعلا ددايما كل حاجة بتبدا من مفيش واحنا بادينا اننا نصلح اللى بجى ودا باننا نرجع لربنا و نقرب منه
لان زى ما قلتى البعد عن ربنا و الجرى وراء شهواتنا و رغباتنا بيكون نتيجته ذنوب و معاصى

ربنا يحفظنا يارب
دمتى اختى بالف خير
تحياتى
يويو

أحمد بسام يقول...

تمام جدا بس ربنا يقدرنا علي النفوس التلفانة ديه

حنين القلب يقول...

سويت فيوليت

يا حبيبتى انا اقصد ان البدايه مفيش

يعنى تفتكرى ان اللى قتل علشان خاطر 50جنيه علشان مش يسيب حقه ده صح؟؟
انا عارفه انك هتقولى غلط
بس ده برضه ابتدى من مفيش

ولو واحده بتحب واحد وهتموت لو سابته ده على حد قولها
لو كانت مش قابلته اصلا كانت هتعيش ازاى؟؟
ومش تقولى كانت هتحب غيره فاااااااااااهمانى طبعا
هههههههههههههههههههههههه
اهه ده برضه ابتدى من مفيش


طبعا السبب البعد عن ربنا سبب كل المصايب
بس يا بنتى انا اقصد بدايه الشىء نفسه
الحب ,الكره ,القتل

بت يا فيوليت
ولعى فيها وريحينى منها
انا خلاص هقفلها
ارتحتى
هههههههههههههههههههههههههههه

ولا تتنرفزى ولا تتضايقى يا حبيبتى
ده احلى عقاااااااااااب
هاااااااااااااااااتى بوووووسه
موووووووووووووووووووووه

وحشتينى
وبحبك موووووووووووت

حنين القلب يقول...

yoyo

مساكى سكر يا يويو
ربنا يخليكى

مش كده والنبى
قولى للبت سويت فيوليت دى

ربنا يحفظنا من كل شر
ومش يحرمنى منك يا سكره

حنين القلب يقول...

احمد بسام

يا رب يقدرنا
ويهدينا جميعا

نورتنى

بـِصَمتـِـ أميرة ــــى يقول...

الله عليكى
وجوووون وجوووون وجوووون
بجد يسلمو الايادى
موضوع فى الصميم
قال ربنا عز وجل (وإعتصمو بحبل الله جميعا ولا تفرقو )
ربنا يقوينا على أنفسنا

تقبلى مرورى وقبلاتى
أميرة
(ملكة بحجابى )

شمس النهار يقول...

بوست جميل جدا
الشيطان هو اللي بيوهم الانسان انه مايقدرش يستغني عن الحاجه الغلط دي
مع انه لو استعان بالله علي الشيطان هيعمل كل شئ يرضي ربنا


تسلم ايدك