RSS

الخميس، 17 سبتمبر، 2009

اخر الاخبار

السلام عليكم ورحمه الله وبركاته كل سنه وانتم طيبين ويا رب السنه الجايه نكون كلنا ربنا حقق لينا احلامنا وامانينا ندخل فى الموضوع علطول طبعا احنا قولنا ان باذن الله فى اللقاء بتاعنا فيه زيارة لدار الايتام واحنا روحنا فعلا وجبنا متطلبات الدار وعدد الاطفال هناك مش كبير 13طفل من سن 3ل6 سنين وفيه كمان طفل عمره 9شهور ودى متطلبات الدار: اداوات نظافة ********* *شامبو جونسون \ ديتول \شاور جونسون \صابون جونسون \زيت جونسون \لوشن جونسون \بودرة بيبى جونسون \ليف حمام \ليف عادى \بيرسول \صابون وجه \فنيك \ مناديل مواد غذائية ******** * لبن نيدو \بسكويت \لحمه مفرومه \أرز \سمن حلوب \زيت \فراخ \بقسماط \زبادى \فاكهه \سكر \صلصه أدوية ***** * سرنجات 3سم \ اوجمنين شراب \ بارامول شراب \ ريكتوبلكسيل شراب \ ريكتو بلكسيل لبوس \ سيتافلون مطهر \ساين أب \ ميجافين \ كيناكومب مرهم \ شاش \ قطن \ميكوفللين شراب \ سيتال مطهر \ فينادروبس نقط \ درمازين حروق \ أكوافيرا \ رينوستوب \ موتينورم شراب \ موتينورم لبوس دى كل الطلبات بس رجاء يا جماعه اللى هيجيب صنف من اى حاجه يقول علشان مش كلنا نجيب نفس الاصناف ونسيب حاجات تانية والدار كمان بيقبل التبرعات النقديه وربنا يتقبل منا ومنكم صالح الاعمال ويجعلها فى ميزان حسناتكم

45 التعليقات:

كيــــــــــــارا يقول...

علم يافندم

دموع القمر يقول...

ربنا يكرمك

ويجعله فى ميزان حسناتكم

كل سنة وانتم طيبين

فاتيما يقول...

الله ينور يا حنونة
أهو دا الكلام و الجهد المشكور
بس انا بقترح بقى إن البوست دا يكون هوه الفنار بتاع اللقاء
يعنى كل السفن و المراكب اللى هيا سعادتنا نتجمع عنده و نتلاقى كلنا نقوم نتفق و منجبش حاجات متعادة زى ما قولتى
انا شخصياً افضل اديهم فلوس و هما يجيبوا اللى ناقص عندهم
ممكن تلاقى ناس تانية عندها ادوات النضافة أو الأدوية جاهزة و متاحة بالفعل و يا ريت يقولولك هنا هنجيبها إحنا و كدا
بس عموما العدد بتاع الأطفال مش كتير و دا هيخلى تقريباً كل الطلبات دى مجابة
بإذن الله
و هنفضل نتابع البوست لحد آخر يوم قبل السفر
أنا هحط اللينك عندى ف الشريط الجانبى عشان اللى مهتم ... يجيلك
ربنا يكتبه فى ميزان حسناتكم اضعاف مضاعفة
و السنة الجاية نروح نزورهم فى نفس المعاد و إحنا زايدين واحد
النونو الصغنن اللى هوه إبن حنونتى حبيبتى حنين القلب
صاحبة احن قلب عرفته
بوسةعشانك و حضونات للبيبى

فاتيما يقول...

حنونة
قبل ما انسى
يا ريت تكتبى يا حبيبتى فى أول البوست نبذة سريعة عن المكان و المعاد و حكاية اللقاء عشان اللى هيدخل لأول مرة يبقى عارف إيه النظام و امتى المعاد و فين و مع مين و عشان يرتب أموره لو فيه نية للحضور و المشاركة
بوسة و حضونة تانية عشان هتعبك
امواااااااه

حنين القلب يقول...

دموع القمر

ويكرمك يا رب ودعواتك معانا

كل سنه وانتى طيبه وبالف خير

عاشقه الرومانسيه يقول...

ربنا يجعله فى ميزان حسناتك ياحنونه
ويقدرك على فعل الخير يارب
تحياتى يااغلى من حياتى

حنين القلب يقول...

فاتيما

يا حبيبه قلبى من القلب للقلب رسول
انتى عندى وانا عندك فى نفس الوقت
ههههههههههههه
ربنا ما يحرمنى منك ابدااااااا

المهم بقى
بصى يا فطوم فلوس او اى حاجه من الحاجات اللى طلبوها الحكايه واحده
المهم زى ما قولنا ان اللى هيجيب حاجه يقول وفعلا عددهم مش كبير وباذن الله كل الحاجات تيجى

يا رب يا فطوم نروح السنه الجايه ومعنا عروسه يوسف وحشتنى اوى البنت دى

بوسه كبيرة وحضونات لحد ما اشوفك

حنين القلب يقول...

كيارا
انا مش نسيتك والله يا حبيبتى بس فيه واحده فهمها على قدها مسحت ردى

وعلى العموم تنورنا يا فندم

حنين القلب يقول...

فاتيما

باذن الله البوست الجاى هيكون فيه كل التفاصيل ومكان التجمع وعنوان الدار

هتكون التفاصيل عندى وعنددودو عاشقه الرومانسيه وعند خالد همس الاحباب

انتى تؤمرى يا قمرى
بحبك موووووووووووووت
مووووووووووووووووووووووووووووووه

حنين القلب يقول...

عاشقه الرومانسية

يتقبل منا ومنكم صالح الاعمال

ويرحمنى منك يا رب

وش بيطلع لسانه وبيغيظك

مصري جدا يقول...

طيب اية رأيك تعملي ميزانية مبدأية كدة

مثلا يعني

لو جبنا من كل حاجة 13

يبقا المجموع كذا

وندفع فلوس

والشراء
يبقا في الاخر

مجرد اقتراح

قابل للتعديل

ومعانا وقت

اســ الغربه ـــير يقول...

ربنا يقدركو على فعل الخير ياحنين بجد كان نفسى اكون معاكو بس ياخساره ماليش نصيب بس ان شاء الله هتتكرر صح اكيد هتتكرر

اســ الغربه ـــير يقول...

اقى طمنينا عليكى حنين فينك مش باينه بقالك مده يارب تكونى بخير

Pink Dreams يقول...

فكره جميله

جزاكوا الله كل خير

وربنا يجعله فى ميزان حسناتكوا

Pink Dreams يقول...

كل سنه وحضرتك طيبه

عيد سعيد عليكى وعلى كل اللى بتحبيهم يا رب

تحياتى

7annen يقول...

جزاكى الله خيرا يا حنين

بارك الله فيكى ياقمر


حنين

همس الاحباب يقول...

ربنا يجعله فى ميزان حسناتكم
وكده تمام قوى
وان شاء الله يكون لقاء رائع
تحياتى

شمس النهار يقول...

ازيك
ان شاء الله خير ونقدر نيجي

وان ماحصلش نحاول

نبعت الحاجات اللي هنقدر نساهم بيها

كل سنه وانت طيبه وبخير وصحه وسعاده

yasmina يقول...

السلام عليكم
كل سنة وحضرتك طيبة وعيد سعيد يارب
وربنا يقدركم على فعل الخير
كان نفسى اجيى معكم بس صعب اوى اوى اوى لانى فى طنطا وماينفعشى اسافر واجيى لوحدى او مع اى حد فى الظروف دى
معلشى ويمكن تتعوض فى مرة تانية ان شاء الله يارب
كل سنة وحضرتك طيبة
وعيد سعيد

romansy يقول...

اجمل التهاني وارق الاماني بحلول عيد الفطر المبارك
اعاده الله عليكم وعلينا بالخير واليمن والبركات
راجين من الله ان يديم علينا الاعياد والايام السعيدة
وان تستمر اعيادنا لابد

كل عام وانتم بخير

فشكووول يقول...

السلام عليكم

عيد سعيد وعمر مديد ارجو ان يعيده الله عليكم بالخير واليمن والبركات وصوما مقبولا وافطارا شهيا وكل عام وانت بخير

انت قلتى كل حاجه وما قلتيش مكان اللقاء فين بالضبط والمكان دا نروحه من سيدى جابر ازاى او من محطة مصر ازاى عشان برضه فيه ناس كتير غريبه عن اسكندريه.

فشكووول يقول...

وعلى فكره يا حنونه خلى البوست الجاى بعد العيد كدا بيومين تلاته عشان فى العيد كله مشغول ومش فاضى للنت وعشان ما حدش يفوته حاجه

Soul.o0o.Whisper يقول...

كل سنة و انتى طيبة يا حنون
و عيد سعيد عليكى يارب

و فكرة رائعة
و ربنا يجازى الكل خير عليها

دمتى بكل خير يا جميل
طمنينى على أخبارك

همس الاحباب يقول...

اللهم تقبل منا ومنكم صالح الاعمال
عيد سعيد عليكم
وكل عام وانتم بخير

قوس قزح يقول...

كل سنة و انتى طيبة يا حنون
و عيد سعيد عليكى يارب و على اسرتك

و السنة الجاية تبقى مش فاضية و بتجرى ورا كتكوت صغير و انتى بتشيدى شعرك هههههههههههه


مش انا يمكن اشوفك قريب ؟
اه و الله تصدقى
شكلى كده هعملها و اجى لكم اليوم ده :)

♥ Am fOpa'D ♥ يقول...

كل سنة وانتي طيبة يا حنين
وعيدك مباارك ,,,

لكن انا مش فاهمة هل مازالت الزيارة قائمة واين تفاصيلها !!!

منتظرة توضيح منك
وكل سنة وانتي طيبة

قيس بن الملووووح يقول...

عيد سعيد
وعمر مديد

عاشقة الأحزان يقول...

كل سنه وحضرتك طيبه وعيد سعيد عليكى وعلى الامة الاسلاميه جمعاء وربنا يتقبل منا ومنك صالح الاعمال
وجزاكم الله كل الخير
مودتى
ايناس

اقصوصه يقول...

كل عام وانته بخير

تمنياتي بقضاء عيد سعيد

ع فكره اليوم عيد ميلادي:)

ماما أمولة يقول...

كل عام وانت بكل خير يارب

دموع القمر يقول...

علفكرة البوست الجديد نزل

اكيد مستنية رأيك

فرنسا هانم يقول...

الله
ايه الجمال ده
ايوه كده يا نونه
وحشتييييييييييييييييييييييينى
مووووووووووووووووووووووووووووووت
موووووووووووووووووووووووووت
الف الف الف الف مبروك يا نونه
دى احلى ترقيه سمعتها فى حياتى
((((عين بتغمز))))

ميمي وأحمد يقول...

اللي عيد ميلاده في شهر سبتمبر يقول :
أناااااااااااااااااا

أو يعرف حد مننا عيد ميلاده في سبتمبر


ويكتب يوم كام في شهر سبتمبر




هنا حفلة كبيرة جدااااااااااااااا

7annen يقول...

انا جيت من عند خالد لهنا جرى

علشان اقولك كل سنه وانتى طيبه

وعقبال مليوون سنه

حنين

بت خيخة وأي كلام يقول...

كل سنة وانتى طيبة يا حنييييييييييييين

وعقبال 100 سنة
وعقبال ما نحتفل بميلاد ابنك او بنتك يارب

بت خيخة وأي كلام يقول...

عايزين عنوان الملجأ اللى هنتجمع عنده يا حنين

أحسن تـستاهـل يقول...

كل سنة وانتي طيبة عشان العيد
كل سنة وانتي كويسة اوي اوي عشان عيد ميلادك

كل سنة وانتي زي السكر يا حنونة
ممممممممواااااااه

مها ميهوووو

Pink Dreams يقول...

كل سنه وحضرتك طيبه

وعقبال 100 سنه يا رب

ويا رب تكون سنه سعيده عليكى

تحياتى

Soul.o0o.Whisper يقول...

كل سنة و انتى طيبة يا حنوووووونة

و ياااااااااارب حياتك كلها افراح
و عقبال ما نفرح بالبيبى الجميل

اللى ان شاء يكون ذرية صالحة
و تقر علينك بيه


دمتى بكل الخير يا جميلة

حسن حنفى يقول...

كل سنه وحضرتك طيبه

Mr.Hazem يقول...

ربي يجعلة في ميزان حسناتكم
يعطيكي العافية
وسعيد جداً بزيارتي الاولى :)
ارق تحية

حنـــــــ وردهـ ـــــــــــــــــان يقول...

فكره جميله ومبادره اجمل وكل سنه وانتي طيبه ياليتني اقدر ادعمك بس برضه افدتيني بالفكره
جعلها الله في موازين حسناتك

أبو العريف يقول...

كل سنه وانت طيبه

جزاك الله خيرااو جعله في ميزانك


تحياتي

mahasen saber يقول...

كل سنه وانتى بكل خير يا نونه ربنا يبارك فى عمرك يا حبيبتى

ويسعدك بكل ايامك

مستنيه اللقاء ده على خير ان شاء الله

yoyo يقول...

صباحك سكر يا سكر

كل سنة وانت طيبة
عيد ميلاد سعيد يارب
وان شاء الله تحققى كل احلامك يارب
دمتى اختى بالف خير و سعادة
تحياتى
يويو