RSS

الاثنين، 12 أكتوبر 2009

تم بحمد الله

تم بحمد الله التجمع وكان اكتر من رائع الصراحة حسيت فيه بحب وحنان بين كل الموجودين حتى اللى كانوا اول مرة يشوفوا بعض سبحان الله ربنا جمعنا على خير والف حمد وشكر ان ربنا وفقنا فى دار الايتام وقدرنا نرسم بسمه على وشوش الاطفال انا مش هقول تفاصيل لان حبيبه قلبى فاتيما قالت كل حاجه بالتفصيل يبقى انا اكتفى بالصور ونتفرج سواااااااااااااااا

ودى كانت اول حاجه عملتها فاتيما مع الاطفال وعبارة عن اسكندريه مصغرة فيها البحر

والسماء والنجوم والبيوت وكمان الاولاد اختارو بيت وكتبوا عليه اسم الدار وكانوا

مبسوطين وهما بيلصقوا وبيعملوا بنفسهم النجوم والشوارع

ودى التاجات اللى فاتيما عملتها بنفسها معاهم واحنا كمان عملنا لنفسنا ولابسناها معاهم

ودى زهريه الورد اللى برضه عملتها فاتيما وكلنا كتبنا اسمينا على الورد

ودى شكلها بعد ما خلصت حلوة اوى صح ؟؟

والاطفال وهما بياخدوا اللعب بتاعتهم وعلى فكرة ابو تي شيرت اصفر ده اشرف ابن

م \رانيا على القدر وانا واللى وزع اللعب بنفسه وتسلم ايدك يا اشرف

بجد يا جماعه اليوم كان اكتر من رائع وناس كتير تعبت فيه اوى زى فاتيما حبيبه قلبى

وبجد يا فطوم مش عارفه اقولك ايه على حنيتك وطيبتك مع الاطفال ومعانا احنا كمان

وخالد همس الاحباب اللى بصراحه كان عامل لليوم طعم وكان محسسنا كلنا انه اخونا

اللى بنسند عليه ربنا يخليك لينا يا خالود

وداليا ماى كورنر ربنا يكرمك يا داليا وشكرا اوى ليكى على خوفك عليه

وهنوده ورقتها وضحكتها اللى تجنن مع الاطفال كنت مبسوطه اوى بيكى يا هنوده

وعلشان مش انسى حد دول كل اللى شرفونا

عادل البلد دى فيها حكومة و بحب السيما -سووو عجوز و عندى30 -

ضياء بيتوفل مايند - م. رانيا على القدر و انا و بنتها و ابنها-

احمد اسير الجراح -سالى حروووف و صديقتها فاطمة -

اسلام مواطن مصرى نايم- احمد سعيد عنبر العقلاء -

نهر الحب خواطرى و اشعارى

محمد اعشق فى الليل ضوء القمر و اخته فاطمة بحر الحياة-

بدراوى طعم البيوت - حنان الشافعى رياح الحنين -

احمد اسكندرانى فى الغربة- اسماء نبض اسكندرية -

انجى المهم هات من الآخر- ريم بين ضفتى عقلى -

مروة عامر لماضه

ومش هنسى طبعا اللى كلمونا فى التليفون بابتى عبده الرايق و حبيبتى كيارا عالم مولان وصبرنى يا

رب وريم رسايل بلا بريد وداليا قوس قزح بس يا خسارة مش كلمتها والغالية ام مالك الكل كان بيسئل

عنك ربنا يعافيكى يا رب

وطبعا مش هتكلم عن اللى كانت معايا فى كل حاجه حتى من قبل اللقاء لان دى مش يوفيها كلام الدنيا

البت دودو عاشقه الرومانسية احمدى ربنا يا دودو اليوم طلع احسن ما كنا بنتمنى

الحمد لله وربنا يجعله فى ميزان حسناتنا جميعا

19 التعليقات:

همس الاحباب يقول...

الحمدلله اليوم كان رائع جدا
ربنا يجعله فى ميزان حسناتكم جميعا
وانا عارف مدى الجهد والقلق اللى سبق اليوم والتحضير ليه
لكن الحمد لله نجاح اليوم خلى كل حاجة راحت
والحضور كان بسم الله ماشاء الله رائع كذلك

Kiara يقول...

كان نفسي اجي اوووووووووووووي ياحنونه

ونسي العب مع العيال

ان شاء الله تتعوووووض ياقمرايا (^_^)

عاشقه الرومانسيه يقول...

الحمد لله ياحنين
الف حمد وشكر
وكفايا وجود ناس زيكم فى اى لقاء كفيل بانه يخليه نااااااااجح
ومجهودك فى اليوم محدش يقدر ينكره
وتعبناكى جدا ياحبيبتى انتى والنونو
ومشيناكى كتير
بس كله يهون فى سبيل حبه سعاده نونو
فمابالك اننا اخدنا سعاده الدنيا كلها
وطبعا انا سعادتى بوجودك فى حياتى مش بتنتهى ابداااا
ربنا مايحرمنى منك ابدا يارب ولا من وجودك فى حياتى
امووووووووه

القدر و انا يقول...

بنوتى الحبيبة جدا حنين
والله مجهودكم كان اكتر من رائع
وربنا يجازيكم خير .. اما فاتيما ففعلا أم عظيمة قامت بدور كبير مع الاطفال ربنا يبارك لها فى يوسف ويرجع لها بالسلامة
كان نفسى اكمل معاكم لولا التهاب حاد فى الاذن الوسطى يسبب لى دوار ولا زلت اعانى منه حتى الان
وحقيقى وصلت باعجوبة للبيت مش عارفة سوقت ازاى .. لكن هو ستر ربنا
شكرا لكم مرة تانية وربنا يبارك فيكم

فاتيما يقول...

يا سلام على الكلام الحلو و الشكرنيات الرهيبة فى خالد
اومال كنتوا عاملين تعاكسوا فيه طول الوقت ليه طيب ؟؟
و الله كان يوم زى العسل
انا فرحت زى العيال
و ما شاء الله عملنا حاجات كتير و روحنا حتت كتير
وجعنالك رجلك يا حنونتى معلش
كويس عشان الواد يطلع رياضى و ياخد على المشى
طلعيه انتى برا بس و ملكيش دعوة هنلففوه اسكندرية على نن عنينا
خلى بالك من نفسك بقى
و عقبال المرة الجاية يا حبيبتى
بوسة و حضونة قد كداااااااااا

عاشقة القمر يقول...

ربنا يجعل في ميزان حسناتكم
يجعل بينكم موادة والمحبة

yasmina يقول...

السلام عليكم
الله بجد جمال اوى
معلشى بقى كان نفسى اكون معاكم
يلا تتعوض
تحياتى
ويارب دايما متجمعين فى الخير
سلام

أسير الجراح يقول...

اولا الف حمد له على سلامتك

واتمنى تكونى بخير وبصحة جيدة

طمنينى عليكى وبعد ما اطمن

اعلق على كلماتك الرقيقة


اسير الجراح

yoyo يقول...

صباحك سكر

ماشاء الله يارب يجعله فى ميزان حسناتكم يارب و يجازيكم كل الخير

يارب متجمعين على خير
اللقاءات دى فى منتهى الجمال
نفسى بجد احضر لقاء و يكون ليا شرف التعرف على ناس بالاخلاق و الرقى دا
ربنا يوفقكم يارب

دمتى اختى بالف خير
ربنا يقومك بالسلامة يارب و نشوف احلى نونو
تحياتى
يويو

خواطر شابة يقول...

يابختكم
جعله الله في ميزان حسناتكم جميعا

اســ الغربه ـــير يقول...

كان يوم جميل اوى كان نفسى اكون معاكو بس خلاص هانت يابت ياحنين كلها 87 يوم ونازل ويوم 14|هنعمل لقاء الاسرى البنت دودى الى قالتلى كدا وحشتينا اوى يام حنين اخبارك ايه طمنينى عليكى
يارب تكونى بخير

هكذا علمنى سيدنا محمد( صلى الله عليه وسلم) يقول...

السلام عليكم ورحمة الله وبركاته
حياكى الله وبياكى أختى الكريمة وجعل الجنة مثواى ومثواكى
وتقبل الله عملكم خالصا لوجهه الكريم وجزاكم خيرا .
فى إنتظار عنوان المكان منك لإضافته للدليل .
دمتى فى كرم من الله

Asmaa mahaba يقول...

بجد فاتيما ما شاء الله شرخت جامد قوى ايه الجمال اللى عاملاه دا بجد ربنا يرجعلها يوسف بالسلامه حرام يكون ليه ام فى غايه الجمال كدا وهو مش معاها
ربنا يجعله فى ميزان حسناتكم جميعا يا رب
وحشتونى كلكم قوى والله

Magia da Inês يقول...

Olá amiga!
Conheci seu cantinho... é tudo de bom!
Lindo, criativo e delicado!
Amei mesmo!...
Parabéns pelo seu trabalho!!!
Espero você em:
magiadaines.blogspot.com
Uma ótima semana!
Beijinhos.
Itabira - Brasil

نهر الحب يقول...

معذرتا للتأخير فى التعليق.

بس بجد كان يوم فوق الوصف ورائع
ربنا يارب يديم علينا التجمع على خير وسعادة وحب وفرح.

كنت رقيقة فى استقبالك للجميع.

خالص تحياتى

نهر الحب

Unknown يقول...

طب مش تقولوا
أنا زعلان منكم
بتعملوا الحاجة وبعد كده تذيعوا

بارك الله فيكم ونفع بكم

ويبقى التواصل

donya يقول...

اول زياره
والحمد لله دخلت لاقيت بوست جميل
انتوا عملتوا اكتر من حاجه جميله لقاء وتواصل مع الايتام
ربنا يكرمكم ويخليكم لبعض


*تحياتي

فاتيما يقول...

ازييييييييييييك يا ام عمر ؟
قلبى كلنى عليكى قولت اسلم و اطمن
وحشتينى و هنودة بعتتلى صور اللقاء الجميل و بقعد أبص عليكى انتى و دودو و هنودة و داليا و كل الاحباب
خلى بالك من نفسك يا حبيبتى
و سلامى للنونو
و لأبو النونو

Unknown يقول...

ماشاء الله عليكم
ربنا يتقبل منكم صالح الاعمال
كان نفسى والله اتواجد بس المسافة بجد طويلة اوى

تحياتى وحبى