RSS

الجمعة، 25 سبتمبر 2009

شكر وتقدير

السلام عليكم ورحمه الله وبركاته بجد مش عارفه اكتب اقول ايه ؟ اقول عمرى ما تخيلت الحب ده كله والحنان ده حتى من اللى مش شوفتهم اقول ربنا يخليكم ليه ولا يحرمنى من حضنكم ابداااااااااا امبارح كان عيد ميلادى ودى بجد سنه وعددت من عمرى بس عدى فيها حاجات كتير اوى حلوة وعرفت فيها ناس احلى وحصلى فيها اللى كنت بتمناه وهو حملى الف حمد وشكر الف حمد وشكر علشان ربنا عرفنى بناس بجد كلها اخلاص وحب واحساس وقلوب صافيه الف حمد وشكر علشان ربنا عوض صبرى ورزقنى باللى اتمناه الف حمد وشكر لله على كل شىء بجد يا جدعان شكرا ليكم كلكم طبعا شكر خاص للى لو قعدت عمرى كله اتكلم عنه مش اوفيه ولو جزء صغير من حقه خالد همس الاحباب عارف يا خالد بجد مش لاقيه كلام اوصفك بيه لو قولت الرجوله والجدعنه والشهامه والاخلاق هتبقى حاجه مش جديده عليك لان كل الناس تعرفك كده انما انا بجد لو هوصفك هقول اخ بكل ما تحمله الكلمه من معنى ربنا ما يحرمنى منك ويخليك لعيلتك يا ابو همس ويخليك لينا يا اكبر قلب صادفته فى دنيتى كلها وشكر خااااااااااااااااااااص للبت دودو عاشقه الرومانسيه والله العظيم البت دى يا جدعان جدعنة الدنيا فيها وطيبه الدنيا وحنيتها كمان بجد يا دودو اللى عملتيه معايا امبارح مش حد عمله ربنا يسعدك زى ما اسعدينى ويخليكى ليه يااااااااااااااا رب ولا يحرمنا من بعض ابدااااااااااااا وشكر خاص كمان لكيارا وبجد يا بت يا كيكى مش عارفه اقول ايه فى طيبتك وحنيك وبراءتك يا رب يحقق ليكى كل اللى بتتمنيه ويسعدك واشوفك بالفستان الابيض مش عايزين الوان عايزن فرح علطووووول وشكر خاص كمان للاستاذ حماده اسير الغربة بجد يا حماده الف شكر على التهنئه وحلو اوى سرير النونو بس مش شايفه صغنن حبتين انا عايزاه مترونص فى مترين يعنى لو حبيت انام جنب ابنى اروح انام فى الشارع وحبيه قلبى صبرنى يا رب وتورتتها الجميله ربنا ما يحرمنى منك ابدااااااااا ويخلى ليكى اولادك يا صبرنى وشكر لكل اللى قالى كل سنه وانتى طيبه وافتكرنى وربنا ما يحرمنى منكم ابداااااااااااااااااااااا وكل سنه وانا وسطكم وانتوا حواليا بتنورو ليه دنيتى

27 التعليقات:

Soul.o0o.Whisper يقول...

يا حبيبتى شكر ايه بس


انتى بتتكلمى فى ايه يا حنووووووون

Soul.o0o.Whisper يقول...

"اقول ربنا يخليكم ليه ولا يحرمنى من حضنكم ابداااااااااا"

ياااااااارب يا أوختشى يارب

ههههههههههههههههه

و ربنا يتمم لك بألف ألف خير يااااااارب يا حنونة و يطمنا عليكى

" بجد يا جدعان شكرا ليكم كلكم "
على ايه بس يا معلم .... داحنا تسد فى ايوتها خدعة ...هههههههههه

كل سنة و انتى بألف صحة و سعادة يا حنونة
و ربنا يفرحك بحنونة الصغيرة :)


دمتى بكل الخير

Soul.o0o.Whisper يقول...

و كمان كنت أول و تانى تعليق

يااااااااااااااه

ايه الحظوظ دى :)


ياللا الحمد لله ، يوم من نفسى

Soul.o0o.Whisper يقول...

و هكذا اعزائى المشاهدين نترك المايك للى هيستلم بعدى ... بس الظاهر فى زنقة مواصلات شوية

او يمكن زنقة نوم شوية

بس أكيد على وصول يعنى


لا تقلقوا
:)

Soul.o0o.Whisper يقول...

طب بس بس بس

الخامس كمان

عشان يبئا وتر
هههههههههههههه


و كمان نملى مكان لحد ماحد ييجى


ايه يا جماعة محدش جاى و لا ايه؟؟

فاتيما يقول...

كل سنة و إنتى طيبة و زى الفل يا حنونة
و بين احبابك نور و حنان و حنين
و العيل اللى بنترجاه من الدنيا معاكى يكون وصل و مالى الكون شقاوة و لعب و حب بيغمره مننا كلنا و من قبل ما ييجى
عارفة الحب اللى بحسه منكوا ناحية يوسف
و كتير قوى بيتهيألى إنى عايشة ف قصة خرافية و مبتحصلش ف الواقع
و اقعد اسال روحى
الناس غزاى تحبه قوى كدا من غير ما تشوفه و لا تعرفه غير منى ؟!!!!
انا بقيت من الناس دلوقتى و حاسة نفس الغحساس دا ناحية البامبينو بتاعك يا حنونتى
مستنياه و فرحانه بمجييه قوى و بحبه من قبل ما يتكون حتى
ربنا يتمم لك على ألف خير و عيد ميلادك الجاى يكون أول واحد يدوق التورتة و يلعب ف الشمع و يكسره و يكسر معاه كل وقت حزين مر عليكى
ربنا يخلى دودو و خالد ليكى لأنهم بجد أصدقاء اوفياء
و طبعا البنوتات العسولات كيارا
و كل حد جبتى سيرته و غنتى تستاهلى قد كدا أضعاف مضاعفة من حب خفى ف قلوبنا كلنا يا حنونتى
يا حبيبتى
يا احلى جنية بحر فيكى يا إسكندرية
بوسو حضوناااااااات كتير لحد ما اجيلكم

صيدلانيه طالعه نازله يقول...

كل سنه وانتى طيبه يا نونه و دايما فرحانه و مبسوطه و السنه الجايه تحتفلى و انتى شايله البيبى و ماسكه الببرونه فى ايدك و ناكشه شعرك
هههههههههههههههههههههه
بالنسبه للتجمع فى الاسكندريه اسفه بجد كان نفسى احضر بس انا خلاص رجعت اسيوط و المفروض المدارس الاسبوع الجاى انشاء الله
تتعوض قريب انشاء الله

عاشقه الرومانسيه يقول...

وشكر خااااااااااااااااااااص للبت دودو عاشقه الرومانسيه
**********************
ايه ده؟؟؟؟ بت دودو؟
لالالالالالالالالا
انتى اخدتى عليا قوى
احنا هنرفع التكليف بينا ولا ايه؟



والله العظيم البت دى يا جدعان جدعنة الدنيا فيهاوطيبه الدنيا وحنيتها كمان
**************************
مالكيش دعوه
P:
جدعنتى معاكى جزء قليل قوى من جدعنتك معايا يااحسن اخت فى الدنيا



بجد يا دودو اللى عملتيه معايا امبارح مش حد عمله ربنا يسعدك زى ما اسعدينى
*********************
ده اقل واجب يامعلم
انت بس تحلم وانا انفذ
(:
انا عندى كاااااام حنين



ويخليكى ليه يااااااااااااااا رب ولا يحرمنا من بعض ابدااااااااااااا
*********************
يارب يااختشى يارب
بس ابقى احجزى مده وانتى بتدعى يعنى مش على طول
اصلى بزهق
P:



لا بجد بقى وبعيد عن اى مشاكسه بينا
انا بحبك جدااااا ياحنين
ونفسى بجد اشوفك اسعد الناس
وبحب ابنك على حبى ليكى
يارب يجى بالسلامه وانا اخليه يدوق حنان خالته بجد
وانتى اعترفتى انه ابنى لان الخاله والده طبعا
يعنى انتى تاخديه اسبوع وانا اخده شهر
ايييه رايك؟
حقانيه انا مش كده؟
(:

ربنا يجعل كل ايامك اعياد وافراح ياقلبى
ويديم صداقتنا على كل خير يارب
امووووووووووووووووه

قوس قزح يقول...

يارب دايما حواليكى ناس بتحبك و تكون سبب فى سعادة قلبك

كل سنة وانتى طيبة و عقبال 1000000 سنة

غير معرف يقول...

كل سنه وانتى طيبه يا اجمل حنين القلب

عقبال مليووووون سنه يا حبيبتى

حنين

أحــوال الهـوي يقول...

كل سنه و انت طيبه و مجمعه حوليك الاحباب و انت النونو حبيب المدونات من قبل ما ييجي

عيد ميلاد سعيد و عمر مديم في طاعة رب العالمين

تحياتي

عاشقة القمر يقول...

كل عام و إنت بألف خير
يا أعز إنسان في قلبي الصغير
اليوم يوم ميلادك السعيد
نفسي و منى عيني أشيلك و أطير

ماتخافوش يقول...

كل سنة وانتي طيبة ومابتخافيش
وكل سنة وانتو ما بتخافوش

أمل حمدي يقول...

كل لحظة وثانية ودقيقة وساعة وسنة وانت طيبة يا حبيبة قلبي

انت طيبة واكيد تستاهلي حب كل الناس

ربنا يكمل فرحتك على خير اللهم امين

اســ الغربه ـــير يقول...

شكرا على ايه ياغاليه يام الغاليه كل سنه وانتى طيبه ياقمر ويخليكى لينا يارب وعقبال 100 مليون سنه

همس الاحباب يقول...

اممممممممم
اخجلتم تواضعنا
يس ده ما يمنعش اننا نقول كل سنة وانتى طيبة وعقبال 101 سنة
هانت كلها 3 سنين ويبقوا 101
وعامة انا عملت كده علشان خاطر بقلظ مش اكتر

همس الاحباب يقول...

وبعدين فين الاكل والتورت
ايه عيد الميلاد ده
كله كلام كلام
ما فيش صور
ولا حتى سندوتش جمبرى
معلش نسيت اننا عندحنين
كل واحد يجيب المشروب معاه

yasmina يقول...

السلام عليكم
بم انى ماتعزمتش وماكنتش اعرف
خلاص هقوم بالواجب بقى

yasmina يقول...

سنة حلوة ياجميل
سنه حلوة يا جميل
سنة حلوة يا حنين
سنة حلوة يا جميل
كل سنة وحضرتك طيبة وعقبال
1000000000000000000000000000000000
سنة
ويارب عيديتى تعجب حضرتك
وكل سنة وحضرتك طيب
كمان مرة
وعقبال كل سنة

Remas يقول...

حبيبة قلبي حنين

كل سنة وانتى طيوبة ياقمر

وعقبال مليون سنة ويكون معاكى 12 ابن وابنة

سورى ياقمر انى اتأخرت عليكى بس انا كنت مسافره ولسا راجعة بالليل امبارح

طمنينى عليكى وعلى البيبي العسول

yoyo يقول...

صباحك سكر

كل سنة وانت بالف خير يارب
ويارب السنة الجاية تكونى محققة كل احلامك يارب
عيد ميلاد سعيد يا ام حنين

دمتى اختى بالف خير و سعادة
تحياتى
يويو

سبهللة يقول...

أخيرا عرفت ادخل على التعليقات
كانت معصلجة معايا اوى
كل سنة وانتى طيبة
وان شاء الله عيد ميلاد الجاى
ما تكونيش لوحدك
وساعتها نقولك
كل سنة وانتى طيبة يا ام فلان

حسن حنفى يقول...

كل سنه وحضرتك طيبه

وعقبال ميت سنه

حاجات جوايا يقول...

كل سنة وانتى طيبة يا اجمل ام حنين فى الدنيا كلها
السنة دى حصلت فيها حاجات حلوة صح
وان شاء الله السنة الجاية هيحصل فيها حاجات احلى
ربنا يفرحك دايما يا قمر وينولك كل اللى تتمنيه

عيد ميلاد سعيد يا حبيبتى
ربنا يديم عليكى حب الناس ويرزقك دائما ابدا بحب الله ورضاه

اموووووووووووووووووووووووووه

شمس النهار يقول...

انا وحشه جدا جيت متأخره

بس كنت مسافره وماكنش في وقت ادخل علي النت


كل سنه وانت طيبه ياجميله

ويارب السنه جايه برضه مع بعض
ومحققه كل احلامك

moory-mero يقول...

السلام عليكم و رحمة الله و بركاته

كل سنه وانتي طيبه يا جميل وربنا يحبب فيكي خلقه

عقبال 32453435 ونث :)
في رعاية الله

Kiara يقول...

انا عنيا دمعت

ربنا يحبب فيكي خلقه ياااااااارب وعيب مش في شكر بين الاخوات ياب انتي

كل سنة وانتي طيبه ياعثل